حصلت على هذا الحوار بين ملك اليوفي دل بييرو وملك روما توتي من مصادر خاصه جدا جدا جدا
دل بييرو: اهلا توتي كيف الحال يا ملك روما ؟
توتي:هلا والله، ياخي لاتحرجني، اصلن انت الملك ..
دل بييرو: ياخي بسألك، انت ليش تفلت عالدنمركي ؟
توتي(يخفض صوته ويقترب من اذن دل بييرو): راح اقولك بس توعدني ماتقول لحد.!! انا اصلا عندي عرافه وعلى فكره هي اللي نصحتني بتسريحة اليورو، حلوه صح ؟؟
دل بييرو (غاضبا): ياخي فكني من تسريحتك الحين، انا صلعت وافتكيت، كمل السالفه ؟؟
توتي:هههه شكلك مجرم وانت اصلع، المهم فالعرافه قالتلي انه الدنمركيين راح يتامرون علينا فقلت خل انتقم لايطاليا، واتغدى فيهم قبل لا يتعشون فينا..!!
دل بييرو (متعجبا): اها كذا السالفه..!!
توتي:تعال وانا بسألك، انت ليش هابط مستواك، ترا باخذ لقب الملك منك؟؟
دل بييرو (حزينا): اه يا توتي شو اقولك بس، المشاكل العاطفيه، والاعلام ماخلوني في حالي حتى في الاجازه يلاحقوني ويصورون.!!
ويكمل دل بييرو: بس راح ارجع وبقوه للملاعب و بتشووووووف..!!!
توتي:اتمنى ذلك
دل بييرو: الا قولي، كابيلو عصبي ؟؟
توتي: اففففف عصبي نااار و ياويلكم منه..!!
دل بييرو: اففف انا اخاف بسرعه، ويمكن تجيني الحاله مره ثانيه وارجع اكل الاحذيه الرياضيه..!!!
توتي: لا ماعليك انت سو اللي يبيه و كل شي بيصير زين
والان اليكم النقطه الساخنه من الحوار واللي اتمنى ان الكل يستفيد منها
توتي:اقول دل بييرو الحين مين ملك ايطاليا؟؟ انا ولا انت ؟؟
دل بييرو: يا توتي هذي شغلة صغار، وانا مادري الناس ليش دايما يضاربون، توتي و دل بييرو..!! مافي شي اسمه ملك، نحن نلعب تحت شعار ايطاليا ونخدم ايطاليا ولسنا ملوكها، واحب اقول لكل اللي يتناقشون في هالموضوع، لا مانع من مناقشة مستوى دل بييرو و توتي، ولكن مافي داعي للشتم والتحدي والعناد على كلمة ملك ايطاليا...
توتي : ايوه، صراحه كلامك صدق ونحنا حبايب و ماراح يفرقنا كلام الناس
اشكركم على متابعتكم، وارجو انكم استمتعتوا بالحوار الخاص
كنت افكر اخلي الحوار اطول، بس خفت اثقل عليكم
وارجو ان الفكره تكون وصلت
