..:: مشكلتي .. مع الأبعاد ::..

[Graphics]

بسم الله .. والحمد لله

----------

أخواني رسامي وأخواتي رسامات ومبدعات ومبدعين الفن الراقي - فن الرسم - :icon6:

الحقيقة لا أملك أولا إلا الشكر لكم .. ويطول الشكر إلى جميع من وضع بصمته في هذا المنتدى


ثانيا :

مشكلتي .. والتي أرجو أن تساعدوني بها

( أنا رسام ) !! بس مشكلتي مشكلة ؟!!

أن رسمي للشخصيات يكون غير متوازن .. يعني مثال : أرسم الصدر والبطن بطريقة غير مناسبة .. ولما أضيف عليهم الأرجل والإذرعة يكونون بحجم أكبر .. أو أصغر وغير مناسبين .. فتتشوه الصورة ..


لا أطيل .. فمن المعروف إذا طال الموضوع (((( مااحد بيقراه ))))



؟!!!!!!!!!!؟ النجدة .. Help Me ؟!!!!!!!!!!؟

[g. byte]

أهلا جرافيكس كيف أحوالك ان شاء الله مرتاح ومبسوط ؟ حياك الله في منتدانا , آنستنا وشرفتنا :icon6:

همم بالنسبة لمشكلتك .. ( اذا اعتبرناها مشكلة من الأساس )
بسيطة ان شاء الله , راح أكتبلك على مرهم تدهن فيه يدك اللي ترسم فيها مرتين يوميا عند الأستيقاظ وقبل النوم لمدة أسبوع مع مضاد لمشاكل الأبعاد وراجعنا بعد أسبوع ههههه لا لا أمزح

بس جرافيكس ودي لو توريني مثال رسمة من رسماتك عشان أقدر أشخّص الحالة بدقة
والى ذاك الوقت راح أحاول ألبي طلبك وأدور عن مواقع تتكلم عن الموضوع , وعندي بعض الأفكار في ذهني الحين بس يمكن تاخذ مني شوية وقت عبال مااكتبها فاتمنى ماتتضايق من تأخيري , أو اذا كان فيه أحد يقدر يساعد من الأعضاء فجزاه الله خيرا مقدما ^^'

[Graphics]

والله .. صعبة إني أدخل الصور إلى الجهاز ..

ماعندي سكانر هذا أولا .. ثانيا : ياحبيلك- أنت ووجهك- على الرد

[MZM]

السلام عليكم ^^

هلا بك اخوي Graphics

يا ليت لو نشوف رسمه من رسومك عشان نقدر نوصل للشي اللي يفيدك بسرعه

لكن دائما لو كنت تبي توصل لمستوى حلو ارسم كثير بتركيز

حاول تقلد رسوم جدامك لا ترسم من خيالك بها الفتره لإن الأطوال و المقاسات تجي من النظره السليمه لشي ثابت حتى تقدر تصوره بيدك عدل و بهدوء بدون ما تشتت روحه بالخيال و الإفتراضات

بها الفتره حاول تقلد رسوم كثيره لما توصل لفهم المقاسات أكثر و يصير رسمك مقبول أكثر ^^

و تقدر تتعلم اسس المقاسات و الرسم من مواقع كثيره لكن دير بالك لا تطغي الأساليب الكثيره على شخصيتك بالرسم
يعني حاول تحافظ على اسلوب خاص فيك لكن تعلم من اللي سبقوك بالرسم شلون توصل لهدفك بسرعه

و بالتوفيق يا فنان

و ان شاء الله نشوف رسمك عن قريب ^^

سلاااااااااااااااااااام

[Graphics]

طيب .. ماينفع أصير ملون بس !!

------

عالعموم الصراحة إستفدت كثيرا من كلامك MZM وخاصة في قضية أن الواحد يقلد حتى يتمكن من المقاسات


مشكور يامزم

[Rex]

انا بحلم والا بعلم...
كأني شفت الأخ mzm يرد بالمنتدى !!
الحمدلله عالسلامة! وأخيرا بينت! =)
اشتقنا لهالطلة والله!


أهلا بالأخ Graphics ! وانا مع كلام الأخوة...
خاصة اللي عن أحجام والمقاسات!

جرب شوف قسم رسم الجسم بهالموقع (من القائمة اللي عاليسار ) :
http://www.mangatutorials.com


ان شاء الله تستفيد , وموفق!

[Graphics]

ريفلكس ؟؟

من زمان يااخوي .. وانا أبغى زي هالمواقع الحلوة ..


تكفى كثر لي منها .. ابخليكم أساتذتي يالله .. تكفون ..

[g. byte]

ما شاء الله أخيرا شفنا ردود الفنان مزم ^_________^ بس اهم شي لا تقطع *__* وخلينا نشوفك دايما
****
أهلا ريفلكس , جزاك الله خير على الموقع الجديد , أول مرة أشوفه , شكله لذيذ! راح اتصفحه الحين شكرا
****
أخ جرافيكس أبشر بالخير لقيتلك موقع راح تاكل صوابعك وراه ممتاز ممتاز ممتاز جدا خاصة اذا كنت في سنينك الاولى في تعلم الرسم , ومش يتكلم عن الجسم والتناسب والأشياء اللي تهمك لكن حتى عن المنظور ونظرية اللون والتظليل ورسم الوجه وأعضاء الجسم .....الخ
يمكن اللي كنت تسأل عنه هو اللي موجود في قسم proportion , لاحظ كيف يستخدم الوجه في تحديد تناسب وطول الجسم , وطبعا تقدر تتلاعب بالقوانين لما تفهمها وتحفظها
هذا هو الموقع إضغط هنـــــــا
اذا افتحت لك صفحة ثانية خلفيتها سودة اضغط زر visit site وراح تنتقل للموقع على طول

وأنصحك من كل قلبي انك ماتستعجل في دراسة اسلوب الإنمي لأنه هو نفسه مبني على النظريات التقليدية القديمة للفن الكلاسيكي والفن الكلاسيكي مبني على ملاحظة الفنان للطبيعة من حوله , والحين مين هو الأكثر قوة فيهم : الفرع ؟ ( الإنمي ) ولا الجذع ؟ ( الطبيعة ) ^ ^ إذن ومثل مايقول ليناردو دافنشي عشان يكون انتاج الانسان أصلي خالص لازم يتجه إلى الطبيعة مباشرة , وبعد مايفهمها راح يكون فِهم الانمي والكرتون والفن السريالي او الانطباعي قطعة من الكيك

عشان كذا حاول تتصل مع الأشياء اللي تحاول ترسمها , رسمك ضعيف للأبعاد ؟ لاحظ جسمك وشوف ابعاده وادرسها , صعب ترسم العين ؟ طالع عينك في المراية , كل شي تحاول ترسمه موجود قدامك محتاج منك بس تدرسه وتلاحظه وتفهمه وبعدها راح تكون أفضل رسام في المنتدى وفي العالم وفي التاريخ , جد والله ماامزح معاك ياجرافيكس, تقدر !

معليه طولت عليك في النهاية اذا مافهمت شي في الموقع قولي وراح أحاول انا والأعضاء اننا نشرح لك ونساعدك باللي نقدر عليه لكن تذكر أن افضل انسان يقدر يساعدك هو أنت ! على قدر ماتبذل مجهود عشان تفهم الأشياء من حولك على قدر ماتطور قدرتك في رسمها



وشكرا .

[Graphics]

كلام من الدر .. :icon6:

في الحقيقة والحقيقة لا أملك إلا الشكر والشكر الجزيل لك ج بايت على ماقدمته من إسهاب وكلام رائع في تطبيق النظرية ( الأصول والفروع )


وأشكرك جزيل الشكر مرة أخرى .. وأرجوا إلا تحرمني من آرائك وأي كلمة أو موضوع تطرحه .. لأنك بصراحة أثرت إنتباهي وشديتني لأقرأ ردك أكثر من مرة ...



مع محبتي

[ريشه الفنان]

هلا بجرافيكس صحيح أني عضو جديد بس ما يستهان بي ههههه/

قلتلي الأبعاد موعارف ترسمها صح والسبب أن أطلاعك مو كامل يعني ما تحفظ في مخيلتك صور وأنصحك أنك تبداء تتعلم من جديد (لا تفهمني غلط) أن سويتها ونفعت معي أي رسمه تعجبك حط عليها ورق شفاف وشفها مر وثانيه وو عاشره وبها الطريقه راح تكون الأبعاد هي الي تتعلم منك
صدقني بيكون رسمك روعه ولا تنسى بعد ما تتمرس عليها تبدى تنقل كل رسمه شفيتها بدون شف .... وشف وشراح يصير .

سلااااااااااااام

[ريشه الفنان]

مشكووور REFLEX على الموقع الرئع , أدور مثله من زمان والحمد لله لقيته.

[Graphics]

أولا .. أشكر كل من قام بالإطلاع على هذا الموضوع ..

وثانيا : الشكر موصول لك اخي الغالي .. ريشة الفنان .. إسم على مسمى ..
والحقيقة أعتذر عن تاخري بالرد عليك لعدم وصول الإعلام البريدي .. !!!

وصراحة طريقتك حلوة بالحيل .. وموب عيب أن الواحد يتعلم من جديد .. وأنا راح اسويها بأسرع وقت .. اليوم بكرا .. بالكثير .. إن شاء الله

يعطيك ألف ألف عافية

[ريشه الفنان]

تسلم يالغالي .... جرافيكس, وأنشاالله تكون فنان مبدع .

وسلاااااااااااااااااام

[Graphics]

هذي الرسمة قلدتها بالفوتوشوب وطلعت كذا .

مع ان النقاط الحمراء يعني الأغلاط ..

أما الصورة الثانية .. فهي برسم يدي ( خخخخخخخ )

وصورتها بكميرا الجوال .. ماعندي سكنر .. قأرجوا من محبيني .. التعليق .. وشكرا ..