كل ما تحتاجه لـViewtiful Joe هنا

[Hwoarang]

قبل شوي انهيت اللعبة بـDante على مستوى Adult وراح انهيها على المستوى الأصعب قريبا
نسخة الـPS2 بشكل عام ممتازة والجميل بـDante أن أسلوبه يختلف كثيرا على الشخصيات الأربعة الأخرى القابلة للعب بالنسخة الأصلية من اللعبة ...

عندي خبرة نسخة الكيوب فأي استفسار أو سؤال أو طلب مساعدة أو استراتيجية أو أي شئ أيا كان عن اللعبة فامكاني المساعدة هنا





الاختلافات بين نسخة PS2 ونسخة GC (حقائق وليست رأي)
- Dante (مع تريش والطائرة الموجودة بـDMC1 ومسدسيه "ايبوني وايفوري" وسيف Alaster ونفس صوته بـDMC1 كل هذا موجود باللعبة)
- يصير تباطئ باللعبة بعض الأوقات خاصة عند الزعماء
- الـLoading والتخزين أطول من نسخة الـGC
- الحواف (مقارنة مع نسخة الـGC)
- مستوى صعوبة جديد اسمه Sweet (أسهل مستوى)
- عرض لعبة P.N.03 على الجيم كيوب استبدل بعرض Viewtiful Joe 2
- بعض الأصوات باللعبة اختلفت قليلا عن نسخة الكيوب
- شكل البرق اختلف عند مقابلتك الزعيم Alaster
- وأقدر أقول أن جودة الألوان انخفضت قليلا بنسخة PS2


هذا كل اللي اتذكره ولو تلاحظوا أغلب المشاكل موجودة بأغلب ألعاب الـPS2 أضف لهذا أن اللعبة غير مخصصة للـPS2 بالدرجة الأولى
والجيم بلاي ما عليه كلام نفس الموجود بنسخة الجيم كيوب لولا بعض الحركات القليلة جدا واللي ما أثرت على اللعبة كثيرا ....
ونصيحة لا تستخدموا الأنالوج للتحكم لأنه فيه شوية مشاكل

[N.one]

مشكوووور اخــــوي

شكل اللعبه حــلــوه

[NsaN]

مشكور اخوي على الموضوع..

بس اللعبة نزلت عندنا بالامارات؟؟ و انت من وين يبتها؟

لاني امس اتصلت بالمحل اللي اتعامل معاه و قالي انها للحين ما نزلت..

[ستيف بورنسايد]

نزلت نسختين من النت ولا اشتغلوا وحذفتهم XD بانتظارها dvd full :P

[msm]

بانتظارها .. وعلى فكرة كم أخذت منك حتى تنهيها ؟ ..

ونصيحة لا تستخدموا الأنالوج للتحكم لأنه فيه شوية مشاكل

ok ..

[Miyamz]

الحواف (مقارنة مع نسخة الـGC)

كنت متوقع شئ مثل كذا،،
عموماً ان شاء الله بكره العصر ابشتري اللعبة والحمدالله اني وفرت فلوسي ولا خسرتها على النسخة الكيوب :icon6:

[الهروب العظيم]

على حد علمي اللعبة حتكون في السعودية يوم السبت
في إنتظارها

يا أخي خوفتني كيف يصير تباطئ عند الزعماء
و هل التباطئ يؤثر على متعة اللعب

ألف شكر يا أخوي

[Hwoarang]

مشكلة الحواف والتباطؤ ما راح يشعر فيها إلا اللي لعب نسخة الكيوب
ما أعتقد أنها بتأثر على متعة اللعبة بشكل كبير....
خذو مثال Onimusha الجزء الثاني كان يصير فيه تباطؤ كثير لكني أعتبره واحدة من أكثر ألعاب الـPS2 متعة
والجزء الثالث من Onimusha فيه مشكلة الحواف لكن الكل يمدح جرافيك اللعبة


Magenta
أنا نزلتها من النت لأني ما اقدر اشتريها أصلا ... الكوبي ما تلاقيه عندنا إلا بالموت ... كله أصلي
كلها أيام وأروح العين وأجيب درزن ألعاب معاي

نزلت نسختين من النت ولا اشتغلوا وحذفتهم XD بانتظارها dvd full :P

وحدة من الثنتين اشتغلت معي المشكلة يا أنها من النسخ أو البلاي ستيشن مالك
سوبر نوفا حط اليوم نسخة DVD لكنه شالها الموقع فيه مشاكل هذه الأيام ....!

بانتظارها .. وعلى فكرة كم أخذت منك حتى تنهيها ؟ ..

أول مرة لعبتها تقريبا خذت مني 15ساعة على المستوى الـAdult
والآن انهيتها بثلاث ساعات وشوي على نفس المستوى يووووووووووه فرق

كان فيه طور أسهل من الـAdult بنسخة الكيوب (Kids) لكنه ما لعبته لأني حسيت أنه سهل جدا
والآن نسخة الـPS2 بها مستوى أسهل من مستوى Kids كابكوم غريبة ؟!

[NsaN]

خيبة ليش انت من وين؟؟

ما اعتقد ان شي مكان بالامارات ما يبيع كوبي..
اذا صدق الحالة مستعصية عندكم خبرني..و انا راح اخذلك الالعاب اللي تباها و ان ييت بوظبي اعطيك اياهن..

[Hwoarang]

خيبة ليش انت من وين؟؟

ما اعتقد ان شي مكان بالامارات ما يبيع كوبي..
اذا صدق الحالة مستعصية عندكم خبرني..و انا راح اخذلك الالعاب اللي تباها و ان ييت بوظبي اعطيك اياهن..

هم يبيعوا كوبي بالخفاء لكن الألعاب تتأخر وتكون على سيدي من دون غلاف ولا غيره
لكنها مجرد شهور وتعود المياه لمجاريها (كالعادة)
ولا تهتم لأني طوال السنة أكون بالعين (دراسة) واجازة الصيف قربت تخلص

[Pepsi Kun]

اهـــلا هورانج . .

.

.

صــراحة انا ختمت اللعبة على الكيووب !!

.

.

واشتريت نسخة البلاي 2 بس متعيجز انهيها !! .. لانه نفس الي على الكيوب >_< .. بانتظار البارت 2 . .

.

.

.

ومشكــور على موضوعك

[Hwoarang]

انهيتها على المستوى الصعب بدانتي .... إلى التحدي اللي بعده

بالمناسبة
قصة دانتي بها أشياء أضحكتني من جد
وبها توضيح لبعض الأمور الغامضة اللي حصلت بـDMC1 واللي ما استبعد أن تكون لها علاقة بـDMC3
ما أعتقد أن كابكوم كانت تمزح بهذا ...
وأنا ما أبغي أخرب عليكم

يعني عندك مئة سبب وسبب للحصول على اللعبة .... شو تنتظر

[Pepsi Kun]

مواهاهاها انهيتها الحين !! .. وانا الحين العب بدانتي صراحة شخصية رهيبة !!

[Frank Jeager]

بكرة آخذها عشان العب بالناكد دانتي

[MASTER_DEVIL]

انا حملتها من النت وحجمها كان 546 بعد فك الضغط طلع ملف bin حجمه 800 ميغا بعدين طبعا انا قلت
بطالع الملفات فدورت بالنت ولقيت برنامج احول in إلا iso بعدين لمن حولتها إلا iso استخدمت نفس البرنامج وطالعت الملفات الي داخله وكانت نفس ملفات اي لعبة وكان حجمهم 2 غيغا
فهل هذي لعبة فيوتيفول جو ولا لعبة مضروبة