اليوم تقابلنا ((انا))....و....((ارفين))....شوفوا وش صار بيني وبينه...
والله يا شباب...
باقول لكم القصة...
اليوم اول ما دخل ارفين للمنتدى...كلمته على الماسنجر...
وحنا نتكلم قلت له وينك فيه...قال انا في مقهى(....) عاد طلع المقهى جنب بيتي...
انا كنت فاضي...
قلت ياولد رح وتعرف عليه...
قلت له انا جايك....((حاول يصرفني بشتى الطرق))...بس انا اذا لزقت في واحد ما اتركه....وانا ما كنت ابغى الا اني اتعرف عليه...
المهم...رحت للمقهى واول ما دخلت...لقيت فيه ناس كثار...وانا ما اعرف شكله...
قلت خليني انادي باعلى صوتي...ارفيييييييييييين....
بس خفت يقولون وش ذا المهبول...
عشان كذا قعدت اتفحص الموجودين واحد واحد...وشكيت في واحد منهم...
قلت خليني اروح اسلم عليه....(بس خفت يطلع واحد ثاني واطيح في موقف ماله داعي)...
جيت وقعدت على اول كمبيوتر...واخذت لي نص ساعة...ودخلت الماسنجر...
وقعدت اكلمه...
================
انا: كيف الحال..
هو: هاه وينك...
انا: انت على اي كمبيوتر قاعد...
هو: (قام يتلفت)...انت موجود...انا اصلا في مقهى ثاني...
انا: نصاب...قل لي وينك فيه...كمبيوتر رقم كم...
هو: (وقعد يتلفت مرة ثانية)...يا حبيبي انا في مقهى ثاني وكمبيوتري رقم 4...
انا: شف...تبغى تجي ولا اطلع...
هو: (ما لقى حل الا انه يدخل دجو وديجيتال معنا في الخط)...وقال شوفوا هذا اللزقة لاحقني للمقهى اللي انا فيه...
انا: شف اذا طلعت فانا عازمك على ماكدونلادز...
===============
طبعا اختصارا للوقت...ما يحتاج اكتب كلام دجو وديجيتال اللي انحصر في جملتين (يا خكارية روحوا قابلوا بعض....و....والله انكم مرجوجين)...
المهم...بعد ما شاف ارفين اني ما راح اتركه قال خلاص نتقابل برا...
وطفا الكمبيوتر وطلع وسلمنا على بعض.....
(طبعا من اول ما سلمنا على بعض...وحنا نتكلم في منتهى الادب...)
اللي يشوفنا ما يصدق ان هذولي اللي 24 ساعة قاعدين يحشون في بعض في الانترنت...
طبعا انا على وعدي قلت له يله مشينا على ماكدونلادز انا عازمك....
هو قعد يصرفني...انواع التصريفات...
وبعدين قلت له وين بيتك...
قال: ليه....(يحسبني باسرقه)...
انا: لا ابد سلامتك
وبعدين كل واحد سلم على الثاني وراح لبيته...
