عندي كم فلاش انا مسويهم...اذا حاب تشوفهم حيااك

[black wolf]

السلام ويا هلا بكل من تفضل ودخل موضوعي المتواضع.......

انا من زمان سويت كم فلاش ولا فكرت أعرضهم بأي منتدى وبس أمس طرت على بالي الفكره ولقيت مشكله في

طريقة وضع الملف وكثير من الأخوان ساعدوني وقالوا لي شلون....

كل اللي أبيه منكم أنكم تستمتعون بالعرض ولا تحرمونا من أرائكم الغاليه.......

see yaa every body...............

[صاحب الكسراااات]

الاغنيه حلوه بس الصوره يبيلك عليه شوي بس

تشكر على المجهود

وياليت تكثر شوي بأغاني عربيه

[طائر]

فلاش جميل

لاتحرمنا جديدك

أحلا تحيه

[black wolf]

هلا بصاحب الكسرااات....شلونك أخوي وعساك بخير.....أخوي الأغنيه الله يسلمك مو أنا مألفها فأكيد حلوه لانها معروفه وهي لبريتني...أما الصوره فأنا ما فهمت شلون يعني يبيلها شوي؟؟؟؟؟؟؟ يعني يمكن قصدك بالحركات....ترى الأنسان مو من أول شغل يضبطه وأنا أعتبر نفسي ما زلت مبتدئ في الفلاش...أيه صح فلاش 5 اللي عندي ما يكتب الا أنجليزي وأنا للحين ما عربته.....مشكور وحياك

أخوي الطائر...أنا سعيد بتواجدك معنا وتمام أن الفلاش عجبك....والله لا يحرمنا من مشاركاتك.....أما عن الجديد قريب أنشاء الله......هلا فيك يالغالي

[galakse]

مشكوووور وما قصرت

[black wolf]

هلا فيك......واعذرني على تأخري في الرد

[C.Falcon]

اح اح -_________-
اللهم إني صائم ...
الله يهديك أخوي ،،، عندك موهبة حلوة حاول تستغلها في شي ينفعنا كمسلمين ^^
عجبني فيه توافق الصوت مع الصورة ، ممكن تشرحه لي

أخوك

[فارس المجد]

شكراً على الفلاش

[black wolf]

أهلا.....أهلا....

انا مو مصدق عيوني ....دارك فلاكون رجع؟؟
أخوي أذا انت نفسك c.flacon.....فهذي هي الساعه المباركه أنك دخلت موضوعي لأن كان ودي من زماااااان أتعرف عليك
أما اذا ما كنت أنت c.flacon المعروف....فحياك الله بأي وقت أخو عزيز وغالي

أخوي ديك المجد..........لا شكر على واجب ومرحبا بك

بالنسبه للفلاش يا د.فالكون....
تمام ان الحركات عجبتك ....اما بالنسبة للمقطع الموسيقي فأنا هالشغل مسويه من زمان ولا كان عندي بالجهاز الا هالاغنيه_أخوي الله يهديه ماخذها_البرنامج اللي عندي أعيد وأقول فلاش5 يعني ما يكتب عربي ..وكل ما أدور فلاش 6 واحاول أنزله من النت وحتى أني شريت الcd الا أنه .......ضاع

الله يهدي الجميع ومشكور على الدعوه بشهر مثل رمضان....والله يسمع منك وأقدر أسوي ولو شيء بسيط ينفعنا كمسلمين ...

والحركات:كل حركه لها طريقه غير عن الثانيه....
بس الزبده.....أنك تأخذ الكلمه وتكتبها وتكون على لاير بروحها
بعدين تحط سبيس او مسافه وتسكر الاير....
وعشان تكون عندك نفس الكلمه ثابته مكانها وتضيف بعدها كلمه ثانيه ..لازم انك تنسخ الأولى بعدين تضيف الثانيه وهذا كله يكون في لاير جديد...يعني بدايه الاير الكلمه تكون خارج الحدود ونص الاير تكون فوق الأولى وآخر شيء تصير ورى الكلمه الأولى ...أهم شيء لازم تقدر تخمن كم يبي لك مسافه للكلمه علشان تتناسب مع الصوت...

أعذرني على رداءة الشرح..لان ولا مره شرحت برنامج ...وانشاء الله اذا بغيتوا راح أضيف صور للي قلته .....
عساك واللي يقرون تفهمون علي واي شيء أنا حاضر للطيبين...............
بحفظ الله...................