أول يوم في الإجازة ((موضوع متأخر))
الدنـيا مزوح .. تجي وتروح !!
سـلام مـربع
أول يـوم إجــازة !!
((1))
صباح الفل !
قمت اليوم على غير عادة .. الساعة سبع الصبح .. كأني عصفور مرشوش بماء..
سيرت على الدول المجاورة.. لقيت اخوي قاعد على النت .. سلمت
عليه وبست راسه <<<< أما ذي كثر منها
قلت له مو عندك اختبار اليوم فالجامعه ؟ .. قال الا بس سهل مايستاهل اذاكره .. يمكن افتح الدفتر بالمواقف
رحت للصالة .. فتحت التلفزيون .. على قناتي المفضلة .. سبيس تون ..
يلعن أم الفلة ! .. حاطين سالي << يموت فهالكرتون
قعدت اطالعه وانا اصيح .. ياخي كريهه الآنسة منشن .. تذكرني ببعض الناس
سمعت صوت ! .. اثاريه الشغالة قامت .. ناديتها .. ردت علي :: يس بابا << مدري شلون .. استانس لما تقولي بابا .. احس إني شخص مهم
قلت لها تسوي بي شكشوكه وشاي .. وصلني هالمره بسرعه ! بديت أشك إنها مجهزته من أمس
((2))
ما أحب الشات !
وانا قاعد اتصفح الشبكة العنكبوتية
<< احس إني دافوور اذا قلته
دق علي أخوي ويقولي ادخل الشات حقي .. قلت له معليش يا أخي العزيز تعرف موقفي من الشات ... قالي اخلص لا افقع وجهك .. قلت له حاضر <<
المهم قالي افتح غرفته وادخل باليوزر حقه .. ووصاني على كم واحد .. قعدت على الشات .. سمعت سواليفهم .. وناسه ..
قلت يا رجال أطلع على المايك وش بيصير يعني ... وأطلع على المايك .. مالقيت سلم جيت حطيت كرسي وطلعت << وربي انك مااااصل
الزبدة .. شوي ويجي أخوي .. عطاني كم شوته و صكيته
((3))
بين العصر والمغرب !
صكيتها نومه محترمـه
ما قمت إلا على شلاليت من الوالد الله يحفظه ويخليه ذخر لنا
((4))
الفلوس .. تغير النفوس !
صليت .. <<< احلى يصلي
>>> شتبييي
رحت لأخوي لقيته للحين زعلان .. حبيت راسه <<< فقاش ^_^
قلت له شرايك نتغدى ؟ << غدا بالليل
ابتسم ابتسامته الخبيثة .. وقال قداااااام يا أخي العزيز << الفلوس تغير النفوس
رحنا لشواية الخليج كبسناها كبسة ورجعنا
((5))
مافي طلعة ؟
مووو معقول أول يوم في اجازتي المباركة ما أقدر أطلع
وااء وااء وااء مااا يصير
رضيت بالأمر الواقع .. وقعدت على النت .. حتى الخامسة صباحا
وهاكزا .. مر أول يوم فالإجازة
حكمة !
" الدنيا مزوح .. تجي وتروح "
^^ ونعتذر عن المصالة أعلاه .. ونشوفكم فيوم ثــاني^^
=========================
..........
مشاركة: أول يوم في الإجازة ((موضوع متأخر))
