• 0
  • مالي خلق
  • أتهاوش
  • متضايق
  • مريض
  • مستانس
  • مستغرب
  • مشتط
  • أسولف
  • مغرم
  • معصب
  • منحرج
  • آكل
  • ابكي
  • ارقص
  • اصلي
  • استهبل
  • اضحك
  • اضحك  2
  • تعجبني
  • بضبطلك
  • رايق
  • زعلان
  • عبقري
  • نايم
  • طبيعي
  • كشخة
  • النتائج 1 إلى 7 من 7

    الموضوع: اترك القضوم وبتصير مهضوم ..بالبناني ((موضوع مصرقع))

    1. #1
      التسجيل
      20-01-2004
      الدولة
      سعودي عريبيا
      المشاركات
      2,726
      المواضيع
      150
      شكر / اعجاب مشاركة

      اترك القضوم وبتصير مهضوم ..بالبناني ((موضوع مصرقع))

      مساكم فل وبردقانه وكلش << يا ويلي ياللي لابسه الاصفر << وش يبي ذا

      حي الله احباني بنات الترفيه يوالشباب يضفون وجههم << داخل على طمع

      اتوقع ان عنوان الموضوع مبهم وماهوب واضح <<< يا روحي يا مبهم


      قبل ما ابدى لكم قصتي ابي اوضح للناس اللي ما يعرفون وشي (القضوم)


      القضوم / عباره عن حبوب يسفها الملجلج سفاً بفمه << مسوي توضح انت ووجهك
      وهي حبوب مسهره ياخذونها سملق شرق الرياض ايام الاختبارات علشان يجيبون درجات بس بسببها يجيبون العيد


      بالنسبه لقصتي واللي هي كالداعه انتهت نهايه مأساويه

      بداية قصتي.. كنت معزوم بزواج واحد من اخوياي دوسري وكأي واحد معزوم رحت وسلمت عليه وباركت له على زواجه وغمزته له وقلت يا حليلك مستحي << ماهوب وضح على هالكويحه مستحي ولا فرحان ولا زعلان من سواده

      وعقبها جلسنا وتقهوينا وتعشينا وعقب العشاء جيت بأسلم عليه وبأمشي بس الرجال لزم علي اني اقعد

      سألته وشي السالفه ؟؟؟ قال لي فيه فعاليات عقب العشاء

      قلت وشو ؟؟ فعاليات ؟؟ سحب على سياره ولا العاب ناريه << يا شين اللي متعودين على مهرجانات سوق الشعله

      قال تعال اجلس وبتشوف ؟؟

      وفجأه واول ما جلست طلعو علينا جوالي 30 قهوجي بيديهم صينيات وبها بيالات شاهي ووزعوها علينا

      شربت اول بياله وعقبها دفوني ببياله ثانيه

      وبعدها جانا ابو المعرس وقال لنا : تفضلوا برا << تحسون قمه الاذلال من ذي الطرده

      طلعنا برا ولقينا الشباب فارشين الزل ومادين الطيران وانواع الفله
      بدو يحمون الطيران ويجهزونها وشوي الا احس رعشه بجسمي والنشاط يدب فيني

      التفت عن يمين ولقيت شايب بيده مشاعب متكي عليه ومنحني ظهره

      رحمته ورحت له وقلت يا خال تبي اجيب لك كرسي ؟؟
      قال لا بس جب لي بياله شاهي

      رحت وعطيتها بياله شاهي واول ما شربها صلب طوله ورمى العكاز وقعد يهبد صدره بيدينه مسوي طرزان التفت حولي ولقيت الشيبان كلهم نفس الحاله

      وبدا الطق
      طمبق طمبق طمبق طمبق طمبق طمبق سرىىىىىىىىىى سرىىىىىىىىىىىىىىىى طقطقطقطقطقطقطقطقطق

      واستلجو البشريه وبدى الهز

      طالعت بالساعه لققيتها السااعه وحده ولما قضو اول شوط لقيت الساعه 4 فجر

      جيت وقلت بشوف وش بالشاهي ذا ؟؟ لايكونون حاطين به سنافي وخلى الشبيبه تستلج << على نياته

      شرب لي بياله ونزلت الميدان معهم وبديت اجذب الانظار

      ومن زود الفسقه والتصفيق عطبتها وصرت ارقص ماكرينا على السامري واسوي سحبة مايكل

      وقعدت ارقص وازبد وحالتي حاله شوي وجاني زاار واستنزل واستنزل

      واطيح متصلب بالارض على شكل صليب
      ايديني ممدوده وجسمي متصلب ؟؟؟ جو وشالوني وخلوني اتكي على جدار القصر طالع فيني احد الشباب وقال احلى عندنا نسخه من فيلم الالم المسيح
      صحيت من طيحتي ورجعت لبيتنا عالظهر وسحبتها نومه الين اليوم الثاني الظهر وقمت مهدود حيلي
      دقيت على خوينا المعرس بأعرف منه وشي السالفه ؟؟ كلمته وسألته وش بالشاهي اللي خلنا نشيطين لذي الدرجه قال لي انهم حطو بالشاهي حبوب
      انا قلت ياخي عطنا منها دامها منشطه وتخلينا اقوياء ورهيبين << ما ودك تنطم

      اخذت الحبوب من الرجال وكنت ناوي اسفها بالليل لا نامو الشيبان ببيتنا

      وعالساعه 12 لما نامو الشيبان سفيت لي كم حبه وشوي احس بالنشاط وقمت اتلوى من النشاط !! قلت بنزل الحوش لعل وعسى اركض ولا شي ويروح النشاط
      نزلت الحوش ولقيت سيارتي مغبره وحالتها حاله ومسكت معي اغسلها وجبت السطل والصابون وبديت تمسيح وتغسيل ومن زود الحماسه غسلت المكينه والشكمان والمراتب

      وما حسيت بنفسي الا وانا مغسل كل مواتر اهل الحاره وكانس الشارع
      وعقب هاليوم وانا ادمنت هالقضوم وصرت اسفها واحس بالنشاط يدب في اوصالي << اموت يا مفردات


      ومن زود النشاط صرت اشتغل وظيفتين ... بوظيفتي الرسميه في الصباح وعقب العصر اشتغل اشيل بلك مع افغانيه <<< يقول بنفسه يا رب ما يقرى لقمه ولا الخبل المملوح ولا د.حجازي الموضوع
      وعقب هالادمان صرت عربجي وراعي تفحيط ومقاومات .. وبأحد هالايام وانا في حاله من اللجلجه وقفت عند اشاره على موتري (ددسن 88) ووقف جمبي راعي فراري ولقيته يطالع فيني بنظره مشبوهه << تكفى يا روبي

      نزلت الدريشه وقلت تقاوم يا الحبيب ؟؟؟ قال ايه يا الزلابه << لا تعليق من جد

      فتحت باب موتري ونزلت وحطيت بتانكي البنزين 8 حباب شبح << من اقوى انواع القضوم
      وقلت يالله ابن امك تسبقني << حتى موتره يقضم

      ولعت الاشاره خضراء وحطيته بالاول ودعست ؟؟؟؟؟؟؟ وقمت عليه ومن زود الحماسه مسكت خط ولا حسيت بنففسي

      بس اخر شي اخبره لوحه عالخط مكتوب الحدود الاردنيه

      رجعت للرياض وانا حالتي حاله ومتلخبط و رحت لمستشفى الامل وعالجوني من ادماني وصرت رجال وش زيني

      بس طحت لك بشله داجه كلهم صعايده وخلوني ادمن شم بويه

      واعتزلت العالم واعتزلت اهلي واخوياي وفرغت وقتي للشم ولخدمة المجتمع


      ThE EnD



      ما يستفاد من القــصه :

      1/ لا تشربون شي ما تعرفونه
      2/ اتركو عنكم العربجه والحركات البايخه وخلكم سنعين وتحبون ماما وبابا
      3/ نام بكير واصحى بكير وشوف الصحة كيف بتصير<< لا زال تحت تأثر الشم
      يعني تعرف اني بحبك وبهواك ,,, تشقي عيوني وانت غاية مناهـ
      الله واكبر ياهو البال مقساك ,,, عزك غلاك وفي جمالك تباهـ
      اي والله احبك وعايش برجواك ,,, غيرك من الخلان مابغا هواهـ
      ياداله عني وانا مقدر انساك ,,, حيل الله اقوى وعشرتي ذا جزاهـ
      انا الضحيه وانت داله بدنياك ,,, وجروح قلبي مالقينا دواهـ
      ادوا جروحي مزتن من شفايك ,,, ياطول ماني صـابرن فـي رجاهـ
      ياطول ماني صابرن واتبع رضاك ,,, كثر الرجا يازين حالي براهـ
      مدري متى الايام تسمحلي القاك ,,, ترتاح عيني من بقايا شقاهـ
      الماسنجر
      the_mooon15@hotmail.com

    2. #2
      التسجيل
      24-01-2004
      الدولة
      في المجرة في الكرة الأرضية في قارة آسيا في الخليج في السعودية في بيتنا في غرفتي جالس على النت فاتح المنتدى .... خخخخخ
      المشاركات
      1,294
      المواضيع
      305
      شكر / اعجاب مشاركة

      مشاركة: اترك القضوم وبتصير مهضوم ..بالبناني ((موضوع مصرقع))

      قصه غريبه ماسمعت ومفيد بعد ياليت يسونها فيلم
      بس خويك قاطعته ولا لساتك وياههههههههههههههههههه
      هههههههههههههههه
      مشكووووووور

    3. #3
      التسجيل
      04-08-2004
      الدولة
      K.S.A
      المشاركات
      6,158
      المواضيع
      83
      شكر / اعجاب مشاركة

      مشاركة: اترك القضوم وبتصير مهضوم ..بالبناني ((موضوع مصرقع))

      حلوه يا مصرقع

      .. you are the best ..



    4. #4
      التسجيل
      04-08-2002
      المشاركات
      11,166
      المواضيع
      126
      شكر / اعجاب مشاركة

      مشاركة: اترك القضوم وبتصير مهضوم ..بالبناني ((موضوع مصرقع))

      مشكووووووووور يا مصرقع اس اس عالقصه الحلوه و تسلم يمينك اخوي..

      اقول اخوي ... مافضل عندك شي من القضوم تبعك هاااض عشان اخوك الي هو انا

      تكفى لا تردني
      << باين انه ما استفاد من القصه

    5. #5
      التسجيل
      07-08-2004
      الدولة
      ~~~ جزيرة العرب ~~~
      المشاركات
      482
      المواضيع
      10
      شكر / اعجاب مشاركة

      مشاركة: اترك القضوم وبتصير مهضوم ..بالبناني ((موضوع مصرقع))

      هههههههههههههه

      يا خي من جد تقطعت من الضحك

      ولا تشتغل مع الأفغانية ههههه

      بصراحة من جد موضوع مصرقع

      لا وباين أنك مثقف واجد

      .....

    6. #6
      التسجيل
      24-02-2004
      الدولة
      البحرين
      المشاركات
      907
      المواضيع
      76
      شكر / اعجاب مشاركة

      مشاركة: اترك القضوم وبتصير مهضوم ..بالبناني ((موضوع مصرقع))

      قصة مصرقعة ههههه

      خرجت من المنتدى لئنى ما عندي وقت اضيعة فيه
      وشكراً

    7. #7
      التسجيل
      01-09-2004
      المشاركات
      117
      المواضيع
      11
      شكر / اعجاب مشاركة

      مشاركة: اترك القضوم وبتصير مهضوم ..بالبناني ((موضوع مصرقع))

      مشكووووووووووووووووووووووووووووووووووووووووووور











      ظ

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •