مصرقع في المرســــــــى سياحه لاتنســــــــــى
هذا قبل كم يوم كنت راجع للبيتنا ويوم دخلت الا العائله كلها مستلجهحميدان ماسك شعر سوير ويمتر فيها الحوش
وسعيدان ماسك النمله ويفغصها يبي يشوف اسنانها
وحصيص تلاحق الظاطور وتقول تراني اسرع منك يابن الكلب ونويــــــــــر الي يقالكم هذي احسنهم كابه العسل على شعرها ونشب فيه قلت يالملعونه الناس تحطه على وجهها موب على كشتها والوالده الله يحفظها كان لها نصيب من بعض النعال الي يرميها سعيدان وتجي 200 على راس امي وترد عليه سوير بكرتون مناديل ولراس امي نصيب الاسد من هالمضاربه
المهم يوم جيت بسوي نفسي قــــــوي صرخت عليهم ووقفوا فجاءه ثم قال سعيدان وهو يضحك مسوي يامصرقع تقلد ابوي بدري عليك
وانا اتفشل واسكت المهم وتجيني امي قالت ابني العزيز مصرقع قلت هاه ابني العزيز
قالت لا نبي نروح معك <<<<<مشكله الحب من طرف واحدقلت والله الموضوع موب سهل يايمه خاصه انتس تمتلكين اولاد درر في الادب وشوي الا وتنط نوير قالت نبي نروح للشاليه
المهم الا ويجتمعون اخواني ويقلبون فيني الارض وربع ساعه الا وثوبي مقطوع وشماغي مسروق
اخاف اقول لا ويتوطوني مالي الا اوافق قلت هاه وش تبون قالو شاليهات عتيقه <<<<<<<<<
المهم وهم الي يركبون على الددتسن ابو عزيز واقولهم تعالو اركبو في اللومينا قالو لا ابوعزيز احسن عشان نركب في الصندوق واي واحد نمر عليه في الشارع بنعلمه انا بنروح للشاليه عاد ددسنا مافيه غير مرتبه وحده ومحد ركب جنبي حتى امي تقول بركب في الصندوق خل يطقني الهوى وماكم بالطويله شوي الا ونوصل للمرسى وننزل ويعطينا السكيورتي رقم الشاليه وياخذه سعيدان ويمشي 400اخوي ماي باخ الا وهو في المسبح طاب بترنقه من الفرحه وشوي الا العائله كلها طابه واشوف امي جايه تركض ومعها سله وزمزميه الا وتطب مع اخواني بعبايتها وزمزمياتها من الفرحه ماينلامون اول مره يشوفون مسبح المهم ويقعدون 12 ساعه طافحين في المسبح الىماخاس المسبح ومنشين الريحه صار الفلتر يشفط الكلور قال هذولي موب كفو تعقيم واقولهم اطلعو يالملاعين صلو قالو اها بس ترانا اول واخر مره نسبح واما الصلاه كل يوم وحنا نروكع
شوي الا ويصايحون بالمايكرفون انه فيه مسابقات وجوائز وبعد الكلمه الاخيره ماشفت الا طشار المويه وبواقي الساتك والحق اخواني الاهم يرطرطون بيرحون للمسرح ويقول المذيع اما الان مع الشخصيات الكرتونيه المضحكه والا هذوالي اخواني يدخلون المسرح ومن دخلو ويقمون الناس يصفقون ويصفرون لهم<<<<<<على بالهم اخواني هم الشخصيات المضحكه والله مالومهم يفشلون وينشبون في المذيع عشان يشاركون في المسابقات ووافق طبعا بعد ماجاه كم نعال مقلعه من اخواني وطبعا مافازو ويوم خلصت المسابقات ويقمون اخواني يحدونه ويحجرون له والله ماتطلع يالملعون الا معطي كل واحد منا هديه طبعا هو بدون مايجاوب عطاهم الي يبوووووون
ورحنا بنرجع للشاليه وانا نمشي الا تمر ذيك الطخمهالي تطق رقبه في السما وانا الي ابحلق فيها واحط يدي بيجيبي بعطيها الرقم واروح امشي جنبها الا والله ينتبه لي سعيدان ويعلم قال يمه شوفي مصرقع يغازل البنت قالت امي أي وحده قال العنقا يمه خل نجيبها معنا البيت تجيب كورتنا من شجره الجيران وشوي الا وامي تصفقني مع علباي الاني ساجد على الارض قالت وش عندك يالسربوت تمشي جنبها قلت ابد بشوف من اطول انا ولا هي قالت ويومنك تحط يدك في جيبك بترقمها قلا لا استغفر الله ابد يمه بعطيها المقسوم <<<<<<<<ياشين الي مايعرف يصرف
طبعا كان هذا اخر شي اتذكره في الرحله السعيده لان المعجل صاحب المرسى شاتنا حنا وددسنا الاانا في حوشنا
قلت تستاهلون والله سلا م ويخب عليكم قالت نوير لا وع سلا يابيض ياسود ياعبيد او سواريه قلت خليكم اجل رمادي
مايستــــــــــــــــــــــــــــفاد|
1-لاتنافخ على اخوانك علشان مايفقعون خشتك
2-عودو اخوانكم على المسابح
3- طاعه الاهل واجبه ولاكن ليس دائما
4-نام باكير واصحا بكير وشوف الصحة كيف بتصير
المشاركة الأصلية كتبت بواسطة الحـسام المهند
مشاركة: مــصــرقــع فــي المرســــــــى سياحه لاتنســــــــــى
