بسم الله ............. والسلام
احب اقول قبل لا ابدا ان المشرف بالامس سمح لي ان انتقده هو والمراقبين اذا كان الانتقاد عقلاني وانتم شاهدين وانا راح استغل هالفرصه لانه المراقبين قبل كل ما نكتب مقال بنفس هالطريقه يحذفونه كانهم ما يبون الناس تفضحهم ............ وقبل لا ابدا احب اوضح للجميع اني انا نفسي العضو MR.NICE GUY الي انطرد بس علشاني قلت كلمه وحده وهي - حمار - اجلكم الله مع انه في ناس ثانيه تكتب كلام اقوى من كلامي وما يصير لهم شي ........ هذا مو هو الموضوع الموضوع يبدا من هني :-
................................................... المشرف وحياديته :-
من الاحداث الي قاعده اتصير في المنتدى نعرف ان المشرف شخص عنصري
وغير حيادي ويفظل ناس على ناس ........ وهني مثال :-
1:- تايدوس كان مراقب في منتدى البلاي ستيشن
2:- عماد يكره تايدوس وحاقد عليه
3:- المشرف ومن دون سبب يسحب المراقبه من تايدوس
4:- عماد يصير مراقب على منتدى البلاي ستيشن ..... ومن ظمنها منتدى فاينال ؟؟؟؟؟؟؟؟؟؟؟؟؟
شي غريب الصراحه يعني هل هو عدم معرفة المسؤليه علشان يصير
عماد مراقب على منتدى فاينال الي اعضاءه كلهم ما يدانونه ؟؟؟؟
ام نقدر نسميه (( تلبيه لطلبات عماد )) ؟؟؟؟؟؟؟؟
................................................. مسلسل العنصريه لا ينتهي :-
بعد هالحادثه وفي خلال وجود منتدى المنظمات وكلنا لاحضنا في اخر اياه
هالمنتدى كره عماد لهذا المنتدى وهالشي كان موجود من عهد النازيه ومعادات عماد لها .....
تدخل عضو ماعمرنا شفناه في منتدى المنظمات وعرفنا بعدين انه من اتباع عماد
وقام يسوي المشاكل مع الاعضاء (( بمحاوله استفزازهم بوصفه المنتدى منتدى حشرات وسخيف وما ذالك ))
وهني تعرفون انه ربعنا مايقصرون مع هالاشكال ..... وبدا مسلسل الشتم
النتيجه :- حذف منتدى المنظمات وقدر عماد وشلته انهم يسون الي يبونه وقدر المشرف
انه يطلع حجه لحذف المنتدى
............................................. اخطاء المشرف :-
الكل يذكر عهد النازيه وفي الحقيقه بفترتها كان في ناس مو بصغيرة العدد كاره له ومن ظمنهم حبيبنا عماد والمشرف بذاته
والكل يعرف معاداة بوليس للمشرف ........ المهم مرت الايام ولا نلقى المنظمه محذوفه ووقفوا بوليس اسبوعين تقريبا ....... والحجه انه بتلك الفتره كان فيه حوادث تهكير على الاعضاء وسرقه لاساميهم .... وانهم ( شكوا ) في ان النازيين سوها ؟؟؟؟؟؟؟ فتم الحذف
حجه واهيه لانه مافي دليل ان النازيين سوها ....... ولا حتى بوليس او احد افراد المنظمه اعترف بالفعله
مع جذي حذفت المنظمه ............ بس انا ابي اعلق على هالشي بنقاط :-
1\ انه ما كان فيه اي سبب يخلي النازيين يبوقون اسماء الناس ....... وبعدين ليش يسونها الكل يعرف ان وقتها ما كانوا متهاوشين مع احد وما كان مطرود منهم احد والصراحه كانت مقالاتهم تارسه منتدى المنظمات
يعني مرتاحين اخر راحه شخلاهم يسونها ؟؟؟؟؟
2\ من الناس الي تعرضت اساميهم للسرقه العضوه ( يسر ) الي كانت منظمه للنازيه ..... فشلون النازيه اتقوم اتهكر على واحد من اعضاءها ؟؟؟؟؟
3\ دام المشرف متاكد ان النازيين سوها ( مع انه ما عنده دليل ) اشلون يوقف بوليس بس اسبوعين ؟؟ مو مهكر على الناس والواحد اذا سوى نفس هالشغله جزاءه الطرد النهائي ...... انا لو كنت مشرف على منتدى وعندي دليل ان فلان هكر على الثاني ما اخليه يطب المنتدى مره ثانيه ...... بس نلقى هني شي غريب لا المشرف خلاه بروح لعدم وجود دليل ولا طرده نهائي ....... فليش ؟؟؟؟؟؟
4\قيام عماد بمباركة الجميع على الحذف مع انه المنظمه نفسها ما عمرها تحرشت بعماد بشي ... فليش كل هذي الفرحه ؟؟؟؟؟؟؟؟
5\ قيام المشرف باتخاذ اسلوب عدم التفاهم ومنع اي واحد انه يتكلم عن النازيه او حتى تفهيمه
وانا يالمشرف ما كتبت هالموضوع علشان اخليك ترد لنا المنظمه .... انا هني بس علشان ابين الاخطاء الي انت ارتكبتها كان المفروض ما تستعجل وتحذف المنظمه وانت ما عندك اي اثبات الا شكاوي الناس الي هي نفس الشي ماعندها اثبات .....وكان المفروض لو كان عندك دليل انك اتسوي مثل ما يسوي اي مشرف وتقوم تطرد بوليس طرد نهائي .... بس ليش وقفته اسبوعين بس ؟؟؟
وانا باقول شغله بعد ليش ما يكون اي واحد معادي للمنظمه النازيه سواها ولصق التهمه بالنازيه .... وواحد مثله يقدر يسوي اي شي ؟؟؟؟؟؟؟؟؟؟؟؟؟؟؟
.................................................................................................... .......................................
اكمل كلامي بعد شوي
.
