بسم الله الرحمن الرحيم
الحقيقة الموضوع يمكن يكون مهم بالنسبة للبعض
ويمكن يكون غير مهم بالنسبة للبعض الآخر .... ونتيجة لذلك قررت أنا الموقع مدري وين إني أكتب الموضوع هذا ... طبعاً ما هو علشانه مهم عند البعض ... ولكن عناد في اللي مو مهم عندهم ...
استخرج مما سبق كم مرة قلت كلمة مهم ؟!!ههههههههه
على العموم هذا ما هو موضوعنا ... موضوعنا عن اللون البرتقالي ... وتأثيراته على مصران عين الركبة ... ولماذا السيلانيين لا يحبون البرتقال ... وحاجات كثيرة ما أقدر أقولها لكم في هالموجز ..
نجي للتفصيل << تفصيل والا جاهز خخخخخخ
البرتقال : فاكهة لذيذة .. وأتحدى ابن أمه ما بعد أكلها .. ويمكن أيضاً أن يخرج منها عصير ( كبس وإلا خلاط ) .. وهناك برتقال صغير أو كما يطلق عليه فرخ البرتقال وهو ( يوسف أفندي ) ..
وعلى طاري يوسف أفندي .. يقول لك فيه وحدة قالت لأبوها إنها تبي يوسف أفندي .. قام وصفق على وجهها وقال لها أنتي ما لك غير ولد عمك ، قديمة صحح ههههههههههه *
نرجع للبرتقال :
هناك نطق آخر للبرتقال .. وهو ( بردقان ) وهي لفظة متداولة في سوق الأسهم خخخ أقصد متداولة في شمال شرق غرب جنوب شبه جزيرة الكنز ,,,
لكن السؤال هل اللون البرتقالي ( البردقاني ) مأخوذ اسمه من البرتقال ( البردقان ) .. والا البرتقال مأخوذ اسمه من اللون البرتقالي
فاصل بردقاني :أثبتت الدراسات التي أجريت على عدد من الفئران .. أنه لا توجد علاقة بين اسم دولة ( البرتغال ) وبين اسم فاكهة ( الفراولة ) << وش جاب الفروالة خخخخخخخخ
غلطة بردقانية :
أحيان مم السرعة في الكلام يخطي الواحد ... ومرة واحد كان يسولف ( مدري هو مستعجل والا يكذب ) .. بدل ما يقول شريت صندوق بردقان ... قال شريت ( بردوق صندقان ) خخخخخ
وأنا أقول : وش هو ؟ ... ويرجع يقول : بردوق صندقان خخخخخخخخخ وأكرر له وش تقول ؟ ..... رجع يقول : بردوق صندقان ( واثق هو ووجهه ) ... قلت له على بلاطة : انقلللللللللللللللللللللللللع بس ههههه
رحلة بردقانية :
السيلانيين ( جمع سيلاني ) ... ما يحبون البرتقال ... ليييييييييييييييييييه
( وأنا مالي شغل غير أعرف ليه السيلانيين ما يحبون البرتقال .. عمرهم ما حبوهاااا ) !!
طيب لا تنفخون بقولكم ليه ما يحبونها .. هناك في السيلان يوم زرتهم << وش موديه لهم خخخخخ .. لقيتهم يزرعون موز بشكل كبير ... وكنت أبي برتقال , انفقعت مرارتي من أكل الموز . مثل الكبسة عندنا كل شئ موز .. حتى مرة واحد سيلاني هناك عزمنا على مفطح ... ويوم قلطونا على العشاء .. طلع صحن موز كبير بس الموز اللي فيه ما هو مقشّر على بالهم حركة << أما عاد ههههههههههههههااي
فأنا من ذهانتي سألت واحد منهم ليه ما يجيبون لي برتقال مع إني كل يوم أطلبه منهم .. قال لي باللغة السيلانيية : (( برتقانل\دنتخهخلان &&6ج*)555 موز غانخنحنن ههله تهلتهت حراج ابن قاسم تفهتهتلواتاتت صدام الالاالاهلتكح **$نمهخ ددسن نتهبت كمك الصمان الغعغي))
طبعا ترجمتها : (( البرتقال يكسر سوق الموز بعدين نخسر ))
أغنية بردقانية :
اشتهرت هذه الأيام أغنية عراقية بعنوان ( يا البرتقالة ) .. حتى إن واحد غبي من كثر ما سمع هالأغنية .. إذا نادى وحدة أي وحدة .. قال لها يالبرتقالة هههههههههههههاي
يعني مرة راح للمستشفى ... وينادي على الممرضة بصوت عالي يقول : يالبرتقالة ( الحقيقة هو يقول يالبردقانة بس حفاظاً على مشاعركم خليتها البرتقالة )
والحين يموت في أي شئ لونه برتقالي .. مثل : عصير ربيع .. وقت غروب الشمس .. ويشجّع هولندا ... وطلع كل شئ بالثلاجة وحط صناديق بردقان
حوارات الشباب الأكثر تدوالاً هاليومين : ما شفت البرتقالة ؟ ما سمعت البرتقالة ؟ حرااااااام عليك فاتك نص عمرك ( يعني كم ) ؟ البرتقالة وبس ؟
ويا البرتقاااااااااااااااااااااالة
الحمد لله والشكر على العقل ..
فاصل من استنتاجي / اكتشفت ان الغرب واليهود وكل الكلاب الحاقدة على المسلمين مالهم دخل باللي يصير لنا بالعكس غبائنا وتخلف اكثرنا هو اللي خلاهم يسوون كل اللي يبغون عن طريقنا انفسنا ..
واللي يوافقني ياهلا واللي مايوافقني بعد ياهلا..
.
مشاركة: البرتقال
المشاركة الأصلية كتبت بواسطة فيصل سنيك
مشاركة: البرتقال
