وأخيراً فتحت سيرفر بالنيت باتل (( غرفة خاصة لأعضاء المنتدى )) NETBATTLE

[KeFFe_Q8y]

السلام عليكم

شباب ابيكم موجودين اليوم بالسيرفر هذا :>

اسم السيرفر : MONTADA

باسوورد دخوله ( كلمة السر ) : 123456

الماستر : KeFFe_Q8y

بس في خبرغير سار واهو اذا طلع الماستر من السيرفر ينحذف السيرفر :<
واذا دخلت مرة ثانية يرد السيرفر يعني مو إلا احط الباسوورد مرة ثانية واسم المنتدى :>

[Dr.Mo]

مشكور وما قصرت
ومبرووووووك على السيرفر

انا عندي لك اقتراح
ليش ما تعين لك كم ادمن اذا احد دخل للغرفه ومعاه بوكيمونات اسطوريه يطردونه

لإن شغلة السكربت في البرنامج صعبه شوي

تحصلوني في البرنامج بإسمين
Leader Diablos
DA]Diablos]

[KeFFe_Q8y]

العفووو

ولو ما سويت شي

اوكي على طاري الادمن والمراقبين لازم اشوف شغلكم بالسيرفر اليديد عشان اعطيكم ادمنية ورقابة

يعني لازم اشوفكم بالروم

والحين ماكو احد فيه

[Dr.Mo]

انت اشتراكك DSl ولا أيش؟؟

اذا كان دي اس ال حاول تخلي السيرفر مفتوح (موضروري تسكره) وياليت تشيل الباسوورد عنه

وإحنا بالخدمه......

[KeFFe_Q8y]

بس انا اقول لو نسكره احسن عشان الاجانب ما يدخلون

واذا تبونه مفتوح للكل انا حاضر


بس ابي ردكم بسرعة

[raingirl]

مشكوووور اخوي ماقصرت

[KeFFe_Q8y]

العفو رين قيرل

وعالبركة الصورة والتوقيع اليديد سراحة قمة

بس مادري مو جنه دوكتور مو توه ينصحني سو جذي وسو جذي وآخرتها يفتح سيرفر ثاني

والله حركتك مو حلوه يا دكتور مو

وبعدين اذا كنت ناوي تفتح سيرفر قولي من الاول عشان ما اتعب روحي معاك

تدري ليش ؟

عشان راح يصير تنافس بينا واحنا بنفس المنتدى

[KeFFe_Q8y]

ونسيت لا اقولك شي

انت قلت لي شيل الباسوورد وخله سيرفر مفتوح صح ؟

بس اللي شفته انك سويت سيرفر بباسوورد انت وجون سينا

والباسوورد على ما اعتقد 112233

وياريت تقولي السبب

[Dr.Mo]

انا ما سويت السيرفر ياخوي كيفي
جون سينا سواه

بس لأنه صديق لي قال لي انت معاي

وتراني توني ادري انه مسويه

[KeFFe_Q8y]

اها

اوكي دوكتور مو

بس ما اقول الا من جون السيرفر ومنك الزوار

[menace boy]

اخوي ما فهمت وشو السيرفر


وكيف افتحه

[KeFFe_Q8y]

لووووووووووووول

السيرفر = روم بالنيت باتل

الروم = غرفة

النيت باتل = لعبة بوكيمون اون لاين

اون لاين = يعني تعلب مع ناس من اماكن بعيده

يؤيؤيؤ بوكيمون = منو ما يعرفه ؟؟؟؟

ها ان شاء الله عرفت شنو السيرفر ؟ P:

[REAL_SONIC]

مشكور على السيرفر ...
بس ممكن تقول لي كيف تسويه ؟

[REAL_SONIC]

ليش بتمنع البوكيمونات الأسطورية ؟
و إنت عندك ميو تو

[~ Snake ~]

مشكوووووووور