إنطباعي عن ديمو ديفل ماي كراي 3

[NGC]

يعني الصراحة كل شي حلو بالديمو من أول إلى آخره ....الجرافيك تحسن أكثر من إللي تشوفنه بالصور إللي خلتني أفقد الأمل بديفل ماي كراي 3 لكن بعد ما جربت الديمو خلتني أغير رأيي ومو الجرافيك بس حتى الحركات الجديدة والبهلوانية والدقة تشيش على اللعب والوحوش قام تطلع بكثافة

بداية الديمو عرض عن دانتي وأخوه فيرجيل يتعاركون بالسيوف عجييب بس مع الأسف فيرجيل فاز عليه صج قوي

يوجد بالديمو ثلاث أساليت القتال (Style) إللي هي :
Trick ster : حركة تخليك تبتعد عن الوحوش بسرعة مثل لعبة شينوبي لما تضغط على دائره

Sword master : حركة تخلي السيف يفتر بإيدك تضرب بالوحوش وتقدر تقذفه على العدو وهو يفتر مثل الجزأ الأول لما تضغط دائرة طبعاً


Gun Slinger : هذا يخليك تضرب بالمسدس من أي جهة يكون فيها العدو لما تضغط دائرة

المهمات :
المهمة الاولى (a crazy paryt) يعني من اسمه كل طق من اوله بالوحوش بس المشكلة إنه قصيرة شوي يعني تقدر تقول بثلاث دقايق تخلصها تقريباً

المهمة الثانية (the devil's tower) : فيها وحشين جدد أول مرة أشوفهم
وحش على ظهره شي إذا ضربته بالسيف ينتفخ وينفجر وينقص روحك فالأفضل تفجره بالمسدس عشان يفجر الوحوش إللي جمبه

والوحش الثاني عنده أربع أذرعه ويقذف عليك سهم ليزر
(أعتذر إني ما وضعت الصور للوحوش لكن بكره أحطه إن شاء الله وهذا الوحشين إللي شفتهم فقط بعد ما علقت اللعبة في منتصف المهمة الثانية وإللي شاف وحوش ثانية يحطه بالموضوع هذا مو صورته )


الحركات الجديدة :
إذا أخذت shotgun في حركة تخليك ترمي فيه بشكل سريع ويلفه بكل الإتجاهات يعني تطشر الوحوش إللي حولييك

وحركة ثانية لما تختار الأسلوب Sword master خلك ضاغط على R1 و مثلث لا تهده راح تلاحظ إنه دانتي قاعد يشحن السيف ماله بطاقة مثل أونيموشا 3 تقريباً بعدين هده... السيف راح يحك الأرض ويطلق شعاع يطشر الوحش .. ضربه قوية

حركة ثالثة لما تختار أسلوب Gun Slinger لما تقفز تضغط على دائرة راح تلاحظ إنه دانتي يرمي بالرصاص وهو مقلوب مثل الجزأ الأول ولكن هنا يختلف بإنه سوف يلف بشكل لولبي مع طلق الرصاص

بس هذا إللي كل عندي وأتمنى إنه الموضوع عجبكم والديمو عجبكم إن شاء الله
وأعتذر مرة ثانية على عدم وضع صور ... وياليت من كل عضو أن يضع أي حركة جديدة أخرى يعرفها او أي شي يتعلق بالديمو بموضوع هذا

سلام

[mad_dog]

الف شكر لك على نقي انطباعك >< ...... وشيشتنا يا اخا العرب فعلا تشيشت بس المشكله ما اقدر اشغل التورنت

على العموم للاسف فيرجيل اللي فاز بس طبعا دانتي بيردها له بنهاية اللعبه افا عليكم ......... وشكر جزيلا

[Devil8xx8]

مشكوررررررررررررر sony games على الانطباعات الحلوه,عطيتني امل في انها بتكون حلوه المره هذي

Bye

[Shot]

مشكور اخوي على المعلومات عن الديمو

ودي احمله بس المشكله انت بتورنت كل ما انزله يجهازي يصير بطيء

لو عندك وصله دايركت يا ريت تحطها :icon6:

[NGC]

mad_dog : العفو .. راح تشيش أكثر لما تلعب الديمو

Devil8xx8 : العفو .. الحمدلله إنه عجبك الموضوع واللعبة

Shot : العفو أخوي والله مع الأسف ما عندي وصلة دايركت داون لود للديمو جرب بالكازا يمكن تلقى .. حجم الديمو 392 ميغا لا تنسى

شباب في حركة ثانية بس سهلة :
لما تختار sword master أضغط R1 ودائره مع الأمام راح يقذف السيف على الوحش ويقطع فيه

[SNYMA]

السلام عليكم و رحمة الله و بركاته,,,
أخيراً , لعبت اللعبة , بعد تجارب لنسخ اللعبة على 6 دسكات , آخر دسك نجحت المحاولة
و كله طبعاً من برنامج النيرو الفاشل
طبعاً نزلت الكحول و نسخت اللعبة في الدسك الأخير
اللعبة الصراحة طبق الأصل الجزء الأول , و الصراحة اللي عجبني فيرجل كوووول , معاه سيف الساموراي
اللي يعجبني باللعبة إنك تقدر تختار نسق اللعب
مثل ما قلت أخوي sony games
طبعاً نسق اللعب المفضل عندي هو Gunslinger
كوووول , تسوي حركات بالمسدس أفضل شي لمن تستخدم زر الدائرة تذكرني بحركات الجزء الثاني
هذا اللي أقدر أقوله , و هذي صور للديمو اللي عندي:




باجي الصور راح أحطهم بالمرفقات , لأنه السيرفر الـ ftp مالي شوي عطلان , الصور اللي فوق يالله حملتهم

[SNYMA]

باقي الصور أيضاً بالمرفقات

[NGC]

هلا أخوي كيوب مشكور على الصورة الرهيبه

انزين شباب ما لاحظتم إنه لما تنهي الديمو يطلع لك Devil May Die * cooming soon* هل هو جزأ رابع ؟؟

[MASTER_DEVIL]

الديمو ولا اروع
مثل ما قال كيوب لوفير افضل اسلوب gunsliger
في حركة سواها بالعرض الي يتهاوش فيه مع الوحوش الي يتزلج عالوحش ترا تقدرون تسوون الحركة هذي
وإذا اخترت gunsliger تقدر تشحن المسدس بعد
بس ما تلاحظون انه شي بايخ انك ما تقدر تغير الاسلوب إلا قبل المرحلة المفروض يسوون طريقة تخليك تغيره خلال اللعب

[Frank Jeager]

كنت أفضل gunsliger بس تعودت على sword master

في حركة سواها بالعرض الي يتهاوش فيه مع الوحوش الي يتزلج عالوحش ترا تقدرون تسوون الحركة هذي

نعم،لازم تختار sword master. اقذف السيف R1 + O , الآن عندك خيارات إما ترجع السيف بالضغط على O ، أو تكمل ضرب باستخدام المثلث "ضرب بالأيادي والأرجل" أو تروح على الا قذفته عليه السيف أو أي عدو ملقي على الأرض وتقفز عليه "تشوف دانتي يوقف على العدو" وبعدها اضغط مربعات وبتصير الحركة إلا تبيها

ما تلاحظون انه شي بايخ انك ما تقدر تغير الاسلوب إلا قبل المرحلة المفروض يسوون طريقة تخليك تغيره خلال اللعب

إذا ضغطت ستارت في status ماتقدر تروح عليها ، اعتقد من المفروض في النسخة النهائية يصير تبدل بين الأساليب
وشكرا يا سوني على الموضوع

[MASTER_DEVIL]

كنت أفضل gunsliger بس تعودت على sword master


نعم،لازم تختار sword master. اقذف السيف R1 + O , الآن عندك خيارات إما ترجع السيف بالضغط على O ، أو تكمل ضرب باستخدام المثلث "ضرب بالأيادي والأرجل" أو تروح على الا قذفته عليه السيف أو أي عدو ملقي على الأرض وتقفز عليه "تشوف دانتي يوقف على العدو" وبعدها اضغط مربعات وبتصير الحركة إلا تبيها
إذا ضغطت ستارت في status ماتقدر تروح عليها ، اعتقد من المفروض في النسخة النهائية يصير تبدل بين الأساليب
وشكرا يا سوني على الموضوع

1- صح يمكن كلامك انشالله يعدلون هالشي
2- لا بدون ما تختار sword master تقدر تسوي مع اي نظام

[Frank Jeager]

1- صح يمكن كلامك انشالله يعدلون هالشي
2- لا بدون ما تختار sword master تقدر تسوي مع اي نظام

1- I hope
2- ok I'll try

[NGC]

العفو شباب

مشكور Frank Jeager على الحركة الروعة والله ما توقعت إني أقدر أسويها

[الهروب العظيم]

صراحة الديمو خطير مع اني بس شفت عرض البداية ولعبت شوي
بس ما تخيلت اللعبة بتكون بهذا الشكل فعلا جبارة

وشكرا شباب على الحركات
ومشكور أخوي سوني جيمز على الموضوع والانطباع الجميل

[Artistic-Mind]

أنا اعجبني النيو لوك لدانتي صراحة إبداع ووجهة تمام مو مثل الشايب الغابي حق الجزء الثاني