((^!i!i! I miss you school !i!i!^))

[mod]

السلاااااااااا عليكم اااااااااام

أكيد أغلبكم مستائين من الدراسة ... وتتمنون الخلاص منها بأي طريقة

لكن بالنسبة لي عكس الكلام هذا كله .

بصراحة انا اشتقت لأيام الدراسة واشتقت لما يكون فيه فصل واحد يجمعك انت وأصدقائك فيه .

اشتقت لأهلي لما كانوا يصارخون فيني ... أدرس ... أدرس .

أشتقت للمزح وللمقالب الي كانت تصير في الفصل .

الجامعة هذي بصراحة تفتقر للكلام هذا كله ... كل يوم وانت في قاعة مختلفة ومع شعبة مختلفة .

حتى الحوافز الي كانت تقدم لك من الأهل على شان تدرس وتجتهد راح تختفي

يقولون : سواء اجتهدت او ما اجتهدت فهذا يعود لك ... <--

خلونا من هذا الكلام الحين ... انا حابب اعطيكم بعض من ذكرياتي في المدرسة ...

زمان كنت أفضل طالب في تنظيم الواجب والاهتمام فيه
فكان معي اقلام سائلة بجميع الالوان ... وكنت احط للصفحة الي راح اكتب فيها خليفة ( رسمة .. شخبطة او زي كذا )
وبعض الأحيان كنت أعطي الصفحة لون بني ثم أحرق أطراف الصفحة بالولاعة .. على شان تصير كأنها رسالة او مخطوطة قديمة ..
بمعنى أصح .. كنت أدلع المدرسين وأبهرهم بواجباتي

طبعا ً الكلام هذا في المرحلة الابتدائية والمتوسطة ...

لكن الأمر اختلف بالثانوي !!

يوم من الايام في أولى ثانوي ( ثاني اسبوع في الدراسة ) ...
جاء مدرس الدين واعطانا الشرح ولما جاء وقت توزيع دفاتر الواجب قال : وين الطالب مود آل فلان
قلت : نعم .
قال : تعال .
فرحت له بكل ثقة واختيال <--- على باله
قال : وش الي مسويه في الدفتر ... حبيبي مدرسة البنات هناك احنا هنا في مدرسة أولاد ثاني مرة جيب دفتر طالب مو طالبة ( أو انه قال جيب دفترك مو دفتر أختك ) .
وبكل استهتار رمى الدفتر في وجهي :shock22:
هذاك اليوم دعيت عليه من قلبي ورحت وقت الفسحة مع اخوياي وانا في صمت :indiffere <--- طبعا ً زعلان ومكسور خاطرة .
اخوياي جلسوا يهدون فيني ويقولون يا شيخ كبك منه الله لا يرده ..
بعد ما انتهى الدوام طلعنا من المدرسة ... ولقيت الناس متجمهرين على حاجة
رحت أشوف ... لقيت أخينا في الله مدرس الدين قاعد يصيح على الطلاب : الي يقول لي مين مخش السيارة بأعطيه 100 ريال ...
الكبوت حق سيارته اندمر مخربش فيه تواقيع وذكريات ... حزتها حمدت الله ورحت البيت وانا مبسوط
لكن لا يجي في بالكم اني انا
هو واحد من الثانوية كان حاقد عليه من زمان ... وتمنذل فيه

[mod]

أكيد كلكم تعرفون أوقات التطعيمات ...
أخوكم في الله ما يواطن الابر خير شر ( الى الآن ) مرة من المرات وانا في ثالث ابتدائي جاء مدرس الرياضة في الحصة الاولى ( وهو وقت حصة القراءة ) وقال يله بأطلعكم تلعبون كورة .
والي معاه فطورة يفطر .
كل الطلاب راحوا يلعبون ويفطرون فطورهم الا انا .
قلت لابد ان في السالفة إن :confused2
رجعت الفصل ولقيت مجموعة من الممرضات ومعاهم دكتور جالسين في الفصل ومعاهم إبر جالسين يعبون فيها .
حزتها حقدت على مدرس الرياضة <--- وش دخل المدرس في السالفة
وعلى طول سحبت نفسي وركضت الى البيت ورحت مع الباب الخلفي للبيت ... ورحت انام
المشكلة اني لما داومت اليوم الثاني ما أحد سأل عني ؟؟!
ولا دقوني ابرة ولا جابوا طاري السالفة خير شر


هذا كل ما في جعبتي الآن ... وان شاء الله اذا تذكرت شي راح أسرده لكم .

وانتوا أكيد معكم ذكريات ليه ما تدلون بدلوكم

ان شاء الله ما أكون طولت عليكم ... يله سلام

[Lena]

حلوووو الموضوع^^

ولكني اختلف معك في نقطة ان المدرسه اونس من الجامعه@@
مدري ممكن الناس اراء..
انا في الكليه وناسه وضحك ومواقف مع الدكتورات وصديقات خيال وقسمي يجنن وقسم ثابت دايم مع نفس البنات ما نتغير مشالله لا اطق روحي عين
بصراحه احس اني فيها نضجت واني اكبر واني مسؤوله عن اني اخذ المحاضرة او لا..بصراحه فله وحبيتها






وبخصوص موقف الدفتر صراحه استغربت معليش اول مرة ادري انه فيه ولد يهتم كذا مشالله عليك..لانه فعلا غريبه في العيال
بس كريه هالمدرس وش هالقسوة= =
طيب مافي اسلوب احسن= =





وموقف الابر هههههههههههههههه^^ذكرتني ب....
جازورا جازورا جازورااااااا جاجاجا جازورررااااا
تذكرونها؟ ههههههه


احرج موقف صار لي في ايام التطعيمات..هو يوم بدا التطعيم
وجيت ارفع مريولي ايام الابتدائي
بيطعمون فخذي
لقيت اني ناسيه تنورتي حقت البيت مافصختها مرة انحرجت من المدرسات والممرضه وش معنى هاليوم نسيتها..


وبس^^

[KJF]

لوووووول تصدق سالفة الابر تصير معي بعد
مرة بالرابع ابتدائي دخل ممرض وممرضة على الصف يبون يطعمونا!!
بس شفت شنطة الابر بسرعة اعلى من سرعة الضوء صرت تحت الطاولة -____-
كنت سريع لدرجة انه الدفاتر امامي طارت من الشباك المهم ظليت كذا حتى جا وقت تطعيمي انا!!
قرأ الاستاذ اسمي فاغمى علي (لا تصدقون عاد) ما قبلت اروح للممرض =/ (ما ابي اموت وانا صغير! )
عاد جت الممرضة وشدتني للممرض وبعدين قرصتني بقوة من ظهري! تعورت كثير فجيت احط يدي على مكان القرصة...
ما اشوف الا الممرض يطلع الابرة من يدي تصدقون ما حسيت بالابرة من قوة القرصة
للحين اتذكر الحركة ذي الي عجبتني وما اقدر انساها ومشكور على الموضوع الرائع مود

[البـاحث]

حلو الموضوع مود


انا معك بنقطة الدراسة بالمدرسة كانت حلوة

لكن بيني وبينك في الجامعات وناسة زي ما قالت لينا تحس شوي بالحرية

الميزة الكبيرة في المدرسة التنظيم يعني كل طالب يعرف وش له ووش عليه ويعرف متى يذاكر ومتى ما يذاكر

بعدين واجبات والبحوث في الجامعة صعبة وتكسر الظهر -_____-

الله يفكنا عن قريب ان شاء الله

وبخصوص الإبر أنا متعود عليها يعني ما تاثر فيني ومرات ما احس بالإبرة اذا دخلت يدي يمكن لأني أخذت ابر كثير بحياتي

بالعكس كنت مرات كثيرة اتبرع بالدم <<<< عشان يطلع بدري من المدرسة

وبالنسبة للدفاتر أنا كنت مثلك في الإبتدائي والمتوسط انواع الترتيب وكنت في مادة التعبير متميز مرة كنت لما أكتب موضوع أكتبه مرفق بالصور والحركتات

ولما طبيت الثانوي خلاص نسيت شي اسمه ترتيب يعني مب اهمال بعد لكن مب زي أول اصابني الملل من هالعملية وتعرف الثانوية تبي واحد سريع ومتابع دايما وما يمديه الواحد يسوي ترتيب ودفتر خاص ومدري ايش
أهم شي الدرجة تكون كاملة


شانكيو مان

[Mada Mada Dane]

ماشاء الله عليك مهتم بواجباتك

انا شخصيا من اول ثانوي إلى بداية سنة ثالث ثانوي ماحليت ولا واجب بالبيت , كله نقش قبل مايدخل الاستاذ هذا إن امداني

والمتوسطه نفس الحال ممكن واجب واجبين ان تأزم الوضع بالبيت بين الالاف الواجبات والخط زفففت زين تقدر تقراه

[RPG_master]

انا لا تنظيم ولا خط.. ونص الواجبات احلها بالحصه الأولى.

كنت مهمل الى النخاع

وكلامك صحيح فعلاً ايام الدراسة ممتعة.. اما الجامعة مكان ميت تكره حياتك ويومك بسببها.. خاصتاً سوء التنظيم وسوء تعامل الموظفين..

اما الأبر كانت ممتعة, على الأقل شي يفكك من الحصة..وحاليا متعود كل اسبوعين (طازيني ) ابره.

[Justine]

لا و انت الصادق ما بعد الثانوية افل -_____-

صح الثانوية شردة و روحة مقاهي انترنت في عز الصبح ... لكن يظل لما بعد الثانوية رونقها..

خصوصا لمن تكون بعيد عن الاهل و تكون عايش في عزبة .. زيي مثلا

انا يوميا اخرج في جدة من البحر الى الكازينوهات الى المطاعم الى اسواق الكمبيوتر ^^

الموقف الوحيد اللي ما يبرح ذاكرتي من ايام المتوسطة يوم وقعنا كلنا على سيارة استاذ العلوم

و يوم مسكوا Dare Devil مع انس و اياد و انمار في قضية هو يعرفها بنفسه

اسمتمعت صراحة يوم انفرشوا

رجعت الفصل ولقيت مجموعة من الممرضات ومعاهم دكتور

يا عيني يا ممرضات -___-
احنا ثيران بشرية ... و اعتقد انهم كانوا يستمتعون و هم يسمعونا نبكي

[alex]

ايام الثانوي كئيبه بشكل ... بالذات ثالث ...


الجامعه احسن بكثير -___-

[فيصل سنيك]

الجامعة احلى من الثانوية بكثير

وشكرا

[ODIN]

الثانوية لها ميزات والجامعه كذلك ..


شي محير مادري ايش الاحلى ...


بصراحه ميزة الثانوية ... ان الواحد يكون جد توه ماتحمل مسؤوليات كبيرة وتوه على الدنيا .. فا يحس بسعاده طول الوقت ولا يحس بهم ...


وين اذكر اول لما نطلع مع الشباب بالثانوية كنا نستااانس كثير فرق عن الحين !!

الحين مع اني اطلع مع نفس الشباب نفسهم الي كنت اطلع معاهم بالثانوية لكن طعم الطلعه غير .. مافيها وناسه وهبال وخفة ... كل واحد يقابل الثاني ويشكي همومه ..

جد هذي الميزة بالثانوية تسوى كل شي ..

والله ان هم ثالث ثانوي والجامعات والمستقبل ما يجي شي عند هم ما بعد الثانوية .. خاصه للي عنده ظروف اجتماعيه خاصه .


الجامعه ميزتها الحريه .. صحيح انها متعبه اكثر بكثير من الثانوية ( على حسب التخصص ) لكن تبقى لها طعم ومتعه وانت تدرس و تشتغل على المشاريع وغيره .



هذا غير نظرة الناس لك تكتمل كرجل ناضج .. وهذا يكفي خاصه للي كان عاقل بالثانوية ..


اشياء كثيرة صراحه .. لكن في النهاية ميزات الجامعه تغلب ميزات الثانوية على ما اشوف .

[Devil8xx8]

السلام عليكم..
عندي الثانويه كانت وناااااااااااااسه غير طبيعيه خصوصا ثاني ماكنت معطي الدراسه وجه , اما الابر عاديه عندي جدا<<<<مسوي قوي ههههههههههه
مشكور اخوي mod على الموضوع

Bye

[Lucky guy]

اكره المدرسه -___- لسبب معين ..

ما دام الجيل هذا تحس ان الطلاب بزارين تشوفهم بثالث ثانوي ماش لا يزالون على افكار طفوليه ..

ولا على طاري الابر انا من النوع اللي يحبها -____- مدري ليه من صغري وانا مستانس عليها يعني عادي ..

ولا الدفاتر ههههههههه ذكرتني بواحد دافور ايام المتوسطه فنان بالامور ذي ..

[Trapped Inside]

هلاع مود ^^ ..

طبعا انا ما رحت للجامعه .. بس الحين بالثانويه انا قلقان .. يعني انا الحين بثاني .. بس ماكل هم .. ودي ما اعطي الاستاذ وجه .. بس اخاف .. كثير يقولون اختبار القياس يعتمد على ثاني وثالث (مدري اختبار القدرات) ..
يعني اعيش بقلق بالمدرسه .. والحصص زفت ..


اما عن الابر .. خخخخخخخ اذكر من اول كنت امشي للمختبر وقلبي يدق ويدق ..

احيان تجيني الصيحه -___- .. بس اذا عطوني الابره ما كنت احس بشي -___-

مشكور ^^ ..

[Angel whisper]

I LOATHE school ..
college is way better ..

well said lucy ..