محلات بيع الأنمي بالرياض

[THUNDER EMPEROR]

السلام عليكم...

كيف الحال يا أعضاء المنتدى من زمان عليكم

المهم هذا الموضوع أهدي لجميع سكان الرياض(مع العلم أني من سكان جده)

1-محل أسمه جيم ماستر مكتوب على لوحته (play station) بعض الأعضاء قالولي أنه ما صار يبيع أنمي والمحل موجود بالتحليه.

2-محل أسمه بيت الكمبيوتر جمب محل مغربي للنظارات جمب برج الفيصليه(بس المشكله الأنمي عنده غالي شوي ومحدود لكن حلاوته أنك يمديك تطلب أي أنمي أعطيه أسم اللأنمي وهو يجيبلك أياه)

3-وفي محل سمعت أنه يبيع أنمي مدري وش أسمه بس سمعت أنه في شارع أسمه العروبه مدري أذا لفظت أسم الشارع صح.

4-في ناس يبيعون أنمي في البطحه لكن بالقوه تلقاهم وبعضهم يكونوا نصابين.

5-أذا تبي تلقى محلات غيرها بالرياض أنصحك أنك تدور على الأنمي في محلات الكمبيوتر اللي يبيعون السوني ...وغيره .

أرجو أني أفتدكم بهذي المعلومات وأنشالله بسوي لسته لمحلات بيع الأنمي بالشرقيه بس أصبروا علي شوي

جميع الحقوق محفوظة ل narotu و montada.com

للتواصل أو الدردشه أو أستفسار هذا أيميلي

moe_sa_1@hotmail.com
myb_2002@hotmail.com
سلام

[THUNDER EMPEROR]

ولا رد ألى الحين

وينكم يا أعضاء ما في حتى كلمة شكرا

[black_roseqa]

لأن مثل هالمواضيع ممنوعين علشان جذيه محد رد ^^

[Xena Princess]

في مواقع تبيع أفلام أنيمي , زي anime4arab.com و animesmarket.com
بس التاني ماهو مضمون كدا سمعت من الناس
أحسن شيء تنزل من النت والكازا وتريّح راسك, وأبعد عن النصّابين بياعين الأنيمي

[الكونت*]

لأن مثل هالمواضيع ممنوعين علشان جذيه محد رد ^^

لماذا ممنوعة ؟

صاحب الموضوع أرشدنا الى محلات معروفة في الرياض

المواضيع الممنوعة هي مواضيع البيع والشراء بين الأعضاء

[Grand-rap]

مشكور لاكن معلومات قديمة.....

[l0v]

شكرا أخ narotu على الموضوع وأحب أضيف إنه بيت الكمبيوتر له فرع آخر في مركز صحارى الرياض في حي المرسلات على طريق الأمير عبد الله بن عبد العزيز وفيه انمي لكن بشكل بسيط جدا وأما عن طريق العروبه انت لفظته بشكل صحيح بس ما أعرف لو كان فيه ولا لأ الصراحة معلومة جديدة وأما عن العضو Grand_Rap أقوله إذا كانت معلومات قديمة عندك فهي جديدة على غيرك والأخ narotu ما كتبها من أجلك انت فقط

[Ralf]

جبيت أضيف معلومة لسكان جدة

تقدرون تلقون محل يبيع فيه أنمي وبسعر حلو اسمه (سمر لألعاب الكومبيوتر) يبيع أفلام أنمي DVD-VCD-CD Data
والوضوح ممتاز .

المحل اللي دائماً أشتري منه فرع حي الصفا شارع أم القرى بجوار جنة الفواكه تليفون 6782850 ما أعرف إذا كانت الفروع الأخرى تبيع أم لا

سلام

[THUNDER EMPEROR]

أشكركم جميعا على المشاركه

كريس ريد فيلد: شكرا أخوي على المعلومه لكن أنا صراحه أتعامل مع game track

lov:عفوا أخوي ولا شكر على واجب

grand_rap:أخوي أذا أنت تعرف في بعض الأعضاء ما يعرفون وعفوا

شيكسبير:شكرا على الرد(أقسم بالله أنك فزعه كذا )

سلام

[MAKKAY]

أولا: الموضوع ممنوع.

ثانيا: المعلومات قديمة.

ثالثا: بيت الكمبيوتر ما يمديك تطلب منه أي شئ.

رابعا: أنت في جدة وش جابك لأهل الرياض؟؟؟

[THUNDER EMPEROR]

أخوي makkay قبل كل شي لا يكثر

أولا:الموضوع غير ممنوع وأذا ممنوع المراقبين لهم الحريه بحذف الموضوع.

ثانيا:أذا كانت المعلومات بالنسبه لك قديمه هي بالنسبه لأعضاء الثانين جديده وأنا ما كتبت هذا الموضوع لحضرت سموك.


ثالثا: بيت الكمبيوتر أنا طاب منه الأسبوع الماضي أشرطة ناروتو وجابلي أياها.


رابعا: أبي أسدي خدمه لأهل الرياض عندك شي


أنشالله ما أزعج ردي أحد من الأعضاء معليش أخوي على الرد الثقيل وأي عضو له مطلق الحريه بالنقد وأذا كان موضوعي فيله شي خطأ نبهوني عليه

سلام

[MAKKAY]

أنا صراحة ما ودي أنزل مستواي لك لأنك عرفت قميتي بقولتك: سموك!!

لكن أنا ماقلت ممنوع إلا لأن قريت ملايين من المواضيع المطابقه لموضوعك ومامنها فايدة لكن علشانك عضو جديد فيمكن

ما قريت هالمواضيع.

وبعدين الظاهر انك طفل لأنك ماتقبل الملاحظات فياليت تخلي أخلاقك عالية شوي لأنك في منتدى محترم وله سمعه ومايستحق
شوية عيال يلوثون هذه السمعة!!!!

[أبو نايــــ^_^ــــف]

مشكووووووووور بقوووووووووووة على الموضوع اخوي ناروتو ^_^ ويعطيك العافية ^_^


اخوي ابيك تفهم هذا المثل ^_^ كلن يرا الناس بعين طبعه ^_^

[The Night Baron]

السلام عليكم ..

هدو اللعب شباب .. الموضوع مايسوى كل هذا

على العموم ودي أسألك عن المحل إلي بالعروبة .. يعني أسمه أو رقمه على الأقل .. أما بيت الكمبيوتر بايخ ماعنده إلا اينوياشا الموفي الأول .. وتصدقون راعي المحل قالي انهم اختارو 300 نوع من الأنيمي لكن الرقابة سمحت لهم بـ 60 دي في دي ولا دخل للسعودية إلا 10 أنواع !! وبصراحة توي أدري إنك تقدر تطلب منهم .. أما جيم ماستر ماكنت أعرف أنه هو نفسه إلي جنب محل الجنوط .. مره صغير


وعلى حسب علمي .. الموضوع هذا مو مخالف للقوانين لأنه عن محلات معروفة ومضمونة يعني مو مثل المواقع


تحياتي .. أخوكم بارون الليل ^^

[Yuna]

وعلى حسب علمي .. الموضوع هذا مو مخالف للقوانين لأنه عن محلات معروفة ومضمونة يعني مو مثل المواقع

مثل ماقال أخوي بارون الليل ^^
أعضائنا الأعزاء اذا المراقبين شايفين الموضوع مخالف راح يقفلونه....الموضوع غير مخالف لأنها تقريباً أماكن ومضمونة أكثر لكن تقريباً مكرره لكن مايهم ....


وشكراً على الموضوع ^^