ماذا تفعل وانت عالأنترنت

[فيصل سنيك]

السلام عليكم ورحمة الله وبركاته
حياكم الله شباب
عساكم بخير <<< معاد في خير بدت الدراسة


موضوعي هذا يتكلم عن ماذا تفعل وانت عالأنترنت <<من زمان ماكتبت مواضيع

اولاّّّ انا عن نفسي افتح ماسنجريني الياهو والهوتميل
ثانيا موقع الالعاب ومنتدانا هذا
ثالثا بعد ماأشبع من الي سبق ألعب فاينل فانتسي 11

وعلى هذا المنوال
احس اني مليت ماعد في جديد

ياريت كل واحد يكتب وش يسوي عالانترنت كلكم يادايل اب والدي اس ال
وشكرا لتعاونكم معنا

[mod]

انا اشغل النت وعلى طول على المنتدى

وأشغل الماسنجر بعده

بعدين اروح اتحدى الخنازير في الشطرنج على موقع زون

and that`s all .... thanks

[عيون الاماراتية]

انا ..واعوذ بالله من كلمة انا

اول ما ادش النت الصراحة اقعد افتر في القوقل ادور مواقع ومواضيع

وطبعا ادش المنتدى واشوف اخر الاخبار

وبس لاني مب دوم ادش النت يعني لو دشيت ادش بالليل اقعد ساعة ساعة ونص وابند

[UAE Naruto]

::

::

السلام عليكم و الرحمة.....

الروتين مالي هو:

ادش المنتدى

افتح المسنجر

اشيك إيميلي

احط كم رد في المنتدى

بعض الاحيان افتح Google

و بس

::

::

[TiTaN]

انا عن نفسي
بعد شبك النت ادخل المنتدى بعده

بعدين ادخل الماسبجر


بعدها اقوم بزيارات احيانا لمواقع الاغاني (ادعولي بالهداية)

[ninja_ gaiden]

1- افتح الكازا

2- افتح المسنجر

3- افوت على المنتدى

4- اهكر مواقع اجنبيه

5-

[نسر القاهرة]

اكثر شئ بعمله علي الانترنت
90 % من نشاطي علي الانترنت بيكون في البحث
10 % المنتدي و لعب الشطرنج علي ياهو فتح الايميلات و التحدث مع الاصحاب

[Lena]

اول مايشبك لازم اسويconnect ولا مايدخل الماسنجر

فالصفحة الي اسوي فيها هالشي هي دايم المنتدى^^

ثم اسجل دخول الماسنجر..

واتصفح المنتدى وماسنجر..
وذا فيه شغلانه منا ومنا اسويها حسب اليوم وحسب وش نفسي فيه...
وبس^^

[mad_dog]

اول شي اشغل ال dc++ و الكازا ... وانزل لي كم فلم وكم انمي ... واخليهم شغالين

وافتر على المنتدى اخلص اشوفهم .. ارجع انزل لي كم لعبه ... واخليهم شغالين افتر على المسنجر

على ام ينزلون العب ... افتر على المنتدى ... اروح اقرا مانجا شوي .. ارجع افتر على المسنجر ... وهكذا

حياتي كلها داونلود في داونلود ووقت الداونلود اقزرها على المنتدى والمسنجر واذا نزلت اللي اسويله داولنود

اعطي سكب للباقي ......

[Gio]

اول شي افتح المسنجر

بعدين اخش المنتدى و افر في الأقسام

و بعدها ادخل مواقع الفوتوشوب

و بعدها اقعد اطالع في الشاشة لين ما ازهق -_-

[_(DEVIL)_]

انا اول ما اشغل النت على طول على المنتدى

[darkitp]

الانترنيت 24 ساعة شغال من الكافي نت بالمكتب .. و البيت ..
استخدامي لها اما يكون لفاينال فانتسي xi او انزل آخر افلام و العاب الموسم ..
و المسنجر شغال دايما للاعضاء و المساعدات ..
و شكرا ...

[KLD]

اول ما اشبك افتح الاكسبلورر وطبعا الهوم بيج عندي المنتدى
وافتح الماسنجر واشيك على الميلز وافتح كم موقع
بس الغالبية المنتدى
باليوم اقضي عليه اقل شي 6ساعات

[sul911]

أول ما افتح الكمبيوتر افتح الماسنجر والإيميل ( لاحظوا ما يشبك نت -.- ) لأن عندي DSL

بعدين افتح المنتدى بعدين فاينل فانتسي 11

وأحياناً افتح Allakhazam.com إذا كنت فاضي

[QataR NighTMarE]

انا اصلاًَ ما اشبك الجهاز بالنت ولا افتحه
لأن جهازي والنت شغالين 24 ساعه باليوم غير اللهم اسوي ريستارت احياناً
اروح واجي ادخل المنتدى واشوف شنو الجديد واول قسم امر عليه هو منتدى الأنمي لأني مراقب عليه وقسم المراقبين بعد ^^
وبعد شوي اطلع اروح اشوف انمي ولا فلم ولا اطلع برع ولمن ارجع ادخل اشوف المنتدى
يعني باليوم الواحد ادخل المنتدى اكثر من 5 او 6 مرات لأن دخولي منقطع
وكل مره ادخل اقعد على الأقل نص ساعه واذا بطول ساعتين ولا ثلاث وارجع اطلع وارجع
وباقي الوقت Downloading