₪₪₪ الـــمــــيـــانــــــــة ₪₪₪

[mad_dog]

السلام عليكم والرحمه ( واللحمه والشحمه )

طبعا الكل داخل ويبي يعرف معنى كلمة ( الميانة ) :shock22: او يمكن بعضكم يعرفها

الميانة يعني انه يكون بينك وبين صديقك شي اقوى من الصداقه ...

المهم ما علينا ومو هذا موضوعنا ...... وانا داخل المستشفى الله لا يدخلكم اياه ( الا اذا عندكم زياره )

المهم وبالتحديد قسم الاسنان رايح اعالج سنوني طبعا قبلها بمده كنت مو ماكل شي غير سوائل .. وقاعد

اتعلج 24 ساعه ( اتعلج = امضغ لبان ) المهم طبعا عرفتو ليش عشان تصير الريحه حلوه

وانا داخل المستشفى رحت للكتبه بقص لي اورقه ادخل فيها على الدكتور كان في قدامي واحد وشكله محترم

المهم قص اورقه وانا بعده جيت بقصلي اورقه قصيت وخلصت ورحت استريح على ما ينادون اسمي

شوي ولا الرجال اللي شفته قدامي قاعد رحت على طول قعدت جمبه ... وطبعا الدور طوييييييل

فقلت ليش ما اسولف معاه واطيح الميانه على ما يجي دوري المهم قعدت اسولف معاه

والاخ كان يلعب سنيك بتلفونه وما يرد علي .. ما علينا انا كنت احاول اكسب صداقته

قعدت اسولف واقوله عن المستشفيات عندنا والخدمات الزفت اللي يقدمونها

وشرحتله معاناتي مع طبيب الاسنان بالتحديد حيث اني مره كنت رايح ولقيت طبيبه كويتيه

عافسه الدور فوق تحت وما تحترم الدور وقاعد تنقي على كيفها وتدخل مراجعين على كيفها واللي يعجبها تعالجه

واللي ما يعجبها تقوله مو عندي لازم اعطيك تحويل !!.......

المهم ما علينا انا زهقت وانا اكلمه وهو ما يرد علي شوي ولا اشوفه قام وراح الحمام

وانا قاعد ناطر دوري ولا شوي الحبيب رجع قعد وانا ظليت ساكت

بعد مده ولا احس واحد قاعد يطقني على كتفي :shock22: طنشت قلت يمكن غلط مطبعي

شوي ولا يعيد الكره قلتله نعم يالاخو في شي ...(قلتله بعصبيه لانه انا صارلي ساعه اكلمه وهو كاشت فيني)

شوي ولا اشوفه قاعد ياشرلي بايده ويسويلي حركات !! انا اكتشفت انه الرجال طلع ما يسمع ولا يتكلم

واللي بالمستشفى كلهم صارو يخزوني

وانا من اليوم قاعد اسولف على نفسي واتحلطم وهذي سالفتي صارت لي من قبل كم يوم

وقلت لازم اقولها لكم ......واترك لكم التعليق :knockedou

[Lucky guy]

ههههههههههههههههههههههههههههههههههه ..

نفس الموقف صار معي بالجامعه يوم أروح أخذ الجدول -_____- .. اذا ما عندك مانع يا ماد ..

كنت اتمشى في أسياب الجامعه ادور عن قاعتي اللي بدرس فيها الترم كله -_____- والا اشوف واحد قدامي يمشي معه عصا ولابس نظارات ..

قلت هذا شكله دكتور خلني اروح اسأله والا يوم أقبلت عليه ويأشر علي بعصاته بوجهي -______- ويقولي أعرف مشيتك يا صالح ؟!!!

وانا لا أزال ما اعرف وش السالفه ما غير مصنم واناظر فيه -_________- والا يجي واحد يسلم عليه ويقولي تراه كفيف !!

فكذا لا يزال براسيء سؤال هل جامعتنا تقبل المعاقين جسدياً وعضوياً ؟؟ ..

ومشكور على الموضوع ..

[RPG_master]

فكذا لا يزال براسيء سؤال هل جامعتنا تقبل المعاقين جسدياً وعضوياً ؟؟ ..

لا يكون عند طال عمركم الكريم مانع؟


بالنسبه للموضوع انا من النوع الي ما يعرف يذب وجهه على احد ما يعرفه..سواء علشان يسولف او لأي سبب ثاني..

لكن فعلاً موقفك محرج..

[mad_dog]

THE LUCKY GUY :

هههههههههه ... والله موقفك تحفه .....وشكرا على المشاركه .. بس يمكن ما كان طالب كان جاي مع واحد تصير عادي

بالنسبه للموضوع انا من النوع الي ما يعرف يذب وجهه على احد ما يعرفه..سواء علشان يسولف او لأي سبب ثاني..

لكن فعلاً موقفك محرج..

لو انت ما تذب وجهك على احد ما تعرفه معناها انه ما عندك ربع !!

يعني اخينا الكريم شلون بالله بتكون صداقات من غير لا ( تذب ) وجهك على الناس ><

ولا انت من النوع اللي مخلوق العالم تعرفك

واتشرف على ردك بموضوعي

[RPG_master]

الله يسلمك..


انا من النوع الي متعقد من النشبات والمصلحجيه لدرجه اني اوسوس اذا جيت اطلب شي من احد, طبعا اذا ما كان شخص امون عليه, او على الأقل أعتقد اني امون عليه.

بالنسبه للصداقات انا افضل الاكتفاء بعلاقات محدودة وقويه, منب من النوع الي عنده خمسين صديق 90% منهم ما يشوفهم الا مرتين كل سنة

و

[KJF]

ياااااااه! موقف محرج كثير
بس تصدق نفسي اشوف وجهك لما عرفت انه الرجال اصم
ومشوووووووككككررررر <----- (يبيك تعرف انه ما غلط)

[mad_dog]

ياااااااه! موقف محرج كثير
بس تصدق نفسي اشوف وجهك لما عرفت انه الرجال اصم
ومشوووووووككككررررر <----- (يبيك تعرف انه ما غلط)

وجهي صار كانه اشارة مرور ..يولع احمر اصفر احضر !! والعفو

الله يسلمك..


انا من النوع الي متعقد من النشبات والمصلحجيه لدرجه اني اوسوس اذا جيت اطلب شي من احد, طبعا اذا ما كان شخص امون عليه, او على الأقل أعتقد اني امون عليه.

بالنسبه للصداقات انا افضل الاكتفاء بعلاقات محدودة وقويه, منب من النوع الي عنده خمسين صديق 90% منهم ما يشوفهم الا مرتين كل سن

مبدا غريب وشكرا على المرور والمتابعه ..اللي اتشرف فيها

[Mada Mada Dane]

ههه انت تطيح الميانه بسرعه

انا بدالك لو ماعطاني وجهه تشوفني احقد من قلب بس الحمدلله ماعمرها صارت لي سالفه مثل كذا

[Trapped Inside]

لووووووووووووووول موقف محرج من جد -____- ..

الحمدلله على النعمه ..

بالنسبه لي ما اذكر مواقف زي كذا =___= ..

مشكور ^_^ ..

[KLD]

والله عليك مواقف

جان صرت ثقيل شوي
قول كلمة كلمتين مو كلام طويل

بس موقف محرج فعلا

رايح ولقيت طبيبه كويتيه

عافسه الدور فوق تحت وما تحترم الدور وقاعد تنقي على كيفها وتدخل مراجعين على كيفها واللي يعجبها تعالجه

واللي ما يعجبها تقوله مو عندي لازم اعطيك تحويل !!.......

والله تذكرني بطبيبة كويتية
رايح لها قلت سني مورم وذابحني قالتلي اقعد على الكرسي

انا قلت الحين بتقثني وتسويلي عمليات فحص
حطت حديدة بحلقي

وعطتني ادوية واحد مال كحة وواحد مال صداع والثالث حق سهال


وانا منصدم واقلب المستوصف عليها وتشوف الصراخ والهواش واروح المدير واتهاوش معاه

[Devil8xx8]

ههههههههههه
والله موقف محرج جداا ا خصوصا والناس يناظرون فيك
مشكور...

Bye

[mad_dog]

Mada Mada Dane : والله انا حقدت >< بس شكلي خلاص خذيت مقلب .....

سعـــ2002ـــودي : العفو

xbs :

والله عليك مواقف

جان صرت ثقيل شوي
قول كلمة كلمتين مو كلام طويل

بس موقف محرج فعلا

انا زين ما قلتله قصة حياتي كلها !!!!!!! ههههههههههههههه

Devil8xx8 : اي والله عيون الناس احرجتني >_<

وشكرا على المرور والمتابعه

[JAK]

ههههههه والله مب شي صارت فيني هالمقالب بس نوع ثاني و يعطيك العافيه ماد دوج على مواضيعك اللي منشطه منتدى الالعاب

[mad_dog]

ههههههه والله مب شي صارت فيني هالمقالب بس نوع ثاني و يعطيك العافيه ماد دوج على مواضيعك اللي منشطه منتدى الالعاب

العفو وحاظرين افا عليك

[فيصل سنيك]

لوول

موقف عن جد محرج

وشكرا لك عالموضوع