Childhood Memories

[Trapped Inside]

السلام عليكم ^_^ ..

اخباركم عساكم بخير .. الحمدلله انا تمام بشوفتكم ^^ >>>> واثق انكم بتسالون P: ..

ايام الطفوله = ايام كنا نلعب نضحك نصيح ندلع ننام ناكل ونسوي اي شي نبيه باي وقت نبيه ^_^ ..

طبعا هذي الايام ولت وذهبت مع الريح .. بلا رجعه .. واكيد كلنا اشتقنا لذيك الايام او على الاقل اغلبنا ..

عاد كل واحد يقولنا وش الاشياء الي اشتاق لها بذيك الايام .. والكعاده انا اببدا P: ..


ChildHood MemoRies

كوووووووووووووووووووووووووووووره ..

اخخخخخخخخ بس يالكووووووووووووره ..

ياما لعبنا بكور .. ياما سطحنا كور .. ياما صقعت وجهي كور .. ياما تضاربنا على كور ..

كنا دايم نلعب ببيت خالي .. انا وولد خالي فريق واخته فريق >>>>> اموت على التشكيله D: ..

ومع ذلك كانت دايم نتايجنا متقاربه ومتعادله .. >>>> فشلنا جنس الذكور -____- ..

وكنا دايم نكسر اللمبات والسقف حق الغرفه .. ومسكين ولد خالي هو الي يتورط -___- .. حتى لو انا كسرت شي هو الي يتورط -____- ..

===========

Toooooooom & Jeeeeeeeeerry

مثل الحبشه كنا دايم نلعبها انا وولد خالي (الي فوق نفسه) واخته الي كبري واختي انا بعد ..

لازم تتخبى باي مكان تبيه .. وما يصير تمشي لازم بس تمشي على اربع -____- ..

بس كانت فله .. بالذات بالغرف الحوسه الكبيره .. واصلا كنا دايم نحوس عشان يصير فيه اماكن كثير نتخبى فيها D: ..

وطبعا لازم نتصفق بعد ما نخلص .. ونرجع نرتب -____- ..

===========

بدوووووووووووون كلالالالالالالالالالالام ..

برنامج مسابقات كان يجي الظاهر على الام بي سي .. وهو اصلا برنامج كان يجي بالـBBC كنا نتابعه وحنا ببريطانيا ..

وانشهرت اللعبه هنا .. اعتقد كثيرين منكم يعرف اللعبه .. تمثل وتحرك يدينك عشان الشخص الثاني يحاول يعرف وش تقصد انت .. لعبه مشهوره على كل حال ..

وكنا دااااااااايم نلعبها انا وعيال وبنات عمي .. ونجمع اوراق كثيره .. ونكتب عليها اشياء هذي الاشياء لازم واحد يمثلها .. والبقيه يعرفون وشي ^^ ..

========

الشـــــــــــــــــــــــــــــــــــــــــــــــــــــلــــــــــــــــــــــــله ..

وااااااااااااااااااااااه ولله من زمااااااااان مره ما سمعت هذي الكلمه ..

من اول كانت عندنا شله .. " انا وعيال وبنات عمي " .. وانا كنت الرئيس فيها ^___^ >>>> اكبر واحد منهم (واول حفيد لجدي ) ..

عاد اذكر كنا مطلعين اسم لها .. بس نسيت ولله -___- .. وطبعا كنا نسوي مهمات وخرابيط .. ونحاول نجمع فلوس عشان كل اسبوعين نسوي مثل الحفله >>>> يا حليلنا ..

واذكر كنت اعاقب اي فرد يخطأ بمهمه اني ما اخليه ياكل حلاو -___- >>> يا قوي انت p: ..

واذكر اننا سوينا لغه خاصه فينا .. يعني نسوي اشكال وكل شكل مقصود فيه حرف .. وطبعا كل واحد لازم يحفظ ..

يقالنا شفرات وحركتات .. خخخخخخخخخخخ ..

========

العجوز الصرقا ..

لعبه ..

كنا نروح اي غرفه ونسكر اللمبات .. ويصر واحد منا هو الي يلاحق البقيه .. يعني مثل الحبشه بالليل ..

بس عيال عمي كان يخافون يلعبونها -___- .. فـكنا نلعبها اكثر مع عيال خوالي ..

لعبه جدا ممتعه .. بس ياما تأذينا منها -____- ..

======

العائله ..

اعتقد لو افراد عائلتك كثيره .. راح تكون مجرب هذي اللعبه ..

اكبر واحد يتزوج اكبر وحده وتلعبون عائله >>>> يلعن ام الفله D: ..

عاد انا كالعاده متسلط على اختي .. الي تكون بنتي .. ومسوي رومنسي مع زوجتي P: ..

ويقالنا مطبخ .. ناخذ مطبخ لعبه .. والزوجه تاخذ خبر زكرافت .. ويقالها تطبخ ..

وانا اخذ السياره الكبيره (لعبة طبعا) .. ويقالي اسوق واوديهم السوق والمهالي والخرابيط هذي ..

عاد الاصدقاء يزرورون بعض ونسوي عزايم وحركتات .. وبعض الاحيان كان فيه ادوار دراميه ..

الي يتطلق .. والي يهج من اهله ويروح لخويه ويتربى عند اهله ..

خخخخخخخخخخخخ ولله ايام ^________________^ ..

========



انشالله استاستنوا على سوالفي .. ولا تنسون تشاركونا ^^ .. See Ya All LateR

^_^ ..

[XenO]

موضوع روعة سعودي .. ^^

وذكريات فعلاً ولا أحلى ..

امممممممممم .. من ذكريات طفولتي ..

اعتقد مثلك تقريباً في الكورة :P

بس كنا نحب نلعبها في مجلس جدتي أكثر .. وكنا ننطرد كل مرة .. ><

وكمان اتذكر مخترعين لعبة مسمينها " لمسة يد " ..^^

كانت فعلاً مسلية اتذكر .. أيضاً كان يحلى اللعب بمجلس جدتي .. مدري ليش .. :P

هذا ما في جعبتي حالياً .. :] إذا تذكرت شيء برجع أرد ..

عموما .. شكراً على الموضوع التووحفة ..



بايوووو

[Yoshi SD]

والله مشتاق لايام الطفولة...

طبعاً أكثر وقتنا أنا وعيال خوالي وأعمامي كان لعب كمبيوتر أيام الـ NES ثم الـ SNES من بعده...

بس كان التلفزيون قديم وفتحة الـ AV الصفراء صغيرة فكل أسبوع كنا ندور على سيم (السيم زي السلك المعدني الدقيق) ونلفه على الحديدة حقت الأصفر وندخله...

وخالاتي كانوا دايم يهاوشونا ويقولون أن عيونكم بتخرب من لعب الكمبيوتر وبيجيكم صرع وتيفوئيد وهربس وسرطان الثدي...

وأذكر أول ما شريت Donkey Kong Country طيحت التلفزيون وخرب فجابوا لنا تلفزيون من تلفزيونات خالي (طبعاً بعد الصياح والهواش والإضراب والشكوى) وقالوا أن التلفزيون هذا يخرب إذا لعبتوا فيه أكثر من ساعة ولازم يستريح ساعتين قبل ما تلعبون ثانية...

وغير ألعاب الكمبيوتر كنا نلعب غرفة ظلما (زي لعبة الأخ سعودي)...

وكنا نروح للملحق ونحوس كل المراكي والجلسات ونطامر ونرمي على بعض...

وكان فيه لعبة اسمها "لحد يشوفنا" خليط بين الحبشة والغميظة ولكن من غير قوانين...

وفيه ألعاب كثير غيرها...

[QataR NighTMarE]

ذكرتني بالماضي الجميل

من موضوعك تذكرت لعبه ياخي وهي

العجوز الصرقا ..

لعبه ..

كنا نروح اي غرفه ونسكر اللمبات .. ويصر واحد منا هو الي يلاحق البقيه .. يعني مثل الحبشه بالليل ..

بس عيال عمي كان يخافون يلعبونها -___- .. فـكنا نلعبها اكثر مع عيال خوالي ..

لعبه جدا ممتعه .. بس ياما تأذينا منها -____- ..

اعتقد هي نفس اللي كنا نلعبها
نروح غرفه ونصكر كل شئ يكون المكان ظلاااااام بالكامل
وننخش (نتخبى) بأي مكان وواحد يدور بالظلام علينا
كانت لعبه حلوه ايامها
ويازينها من ايام

[Y a z e e d]

^___^ ذكرياتك فلة ..
هالايام احسك متسلط على الذكريات ^_^ ،،
إصابات و ألعاب و ... رومانسية :6 ....
كثير من العابك لعبتها -__-
وكنت انا احياناً الزعيم ..
واحيانا تابع ,,,
اما بالمدرسة -___-
كانوا يبعدوني " انقلع يا دافور "
والدافور هو شيء أزرق يعبأ غاز و يستخدم بالكشتات ...
.
..
...
....

^___^

مشكور عزيزي ..
موضوعك رائـعـ ..

كما اعتدنا منكـ ..

[mod]

جخجخجخجخجخجخجخجخجخجخ

أضحك الله اسنانك <--- بلشه

بصراحة انا كنت آخر العنقود وأقرب اخ لي بيني وبينه 6 سنوات

وأقاربي ما كنت اروح عندهم كثير

لكن كان عندي جيران

كنت العب العاب مثل الالعاب الي قلتها ... اضافة الى :

الدغدغة

كل واحد يرفع يدينه فوووووق ... ويجي واحد يدغدغة .. والفائز هو الي يتحمل ما يضحك

الام والذيب :

عاد الام ترص الاولاد وراها ويجي الذيب ويقول شعوذة معينة الي هي ( انا الذيب بآكلكم )
فترد الام برقية ( وانا الام باحميكم ) وتجلس الام تحامي على الاولاد الى ان يقضي الذيب على الاولاد تماما ً <--- شوف الدفاع ولا بلاش

المدرسة :

صح ما كنا نطيقها ... لكن تخيل كنا نلعبها مع بعض
نعين مدير ووكيل ومرشد والباقي طلاب ومدرسين ونعيش حياة المدارس ( وعلى فكرة فيه ضرب ) .

والكثييييييييييييييييييييييير الكثيييييييييييييييييييييييييييييييير الي ما اقدر اتذكرها الحين

ما بيدي الا اقول :

الا ليت الطفولة تعود يوما ً لأخبرها ما فعل الشباب

وشكرا ً اخوي على الموضوع

[Mada Mada Dane]

ذكرياااات

تصدق ذكرياتك تشبه الي يصير لي وانا صغير بشكل كبيررر

بس كنا نلعب ثلج ماي زياده عنكم

[tidusxxx]

خخخخخخخخخخخخخ يخرب عقلك

ذكرتني بعذاب الطفولة....مشكلة اذا كنت صغير تروح فيها
اذكر اذا تجمعنا يمسكنا ولد خالتي الكبير نلعب كورة غصب....بنات على عيال على بزران توهم يمشون المهم نلعب.... يحطنا كلللللللللللللللللللنا فريق وهو لحاله فريق....المشكلة انه يفوز علينا
ولاحظوا اني كنت حارس المرمى بس والله مو ذنبي اذا المرمى يمتد من الجدر للجدر واذا برا الحوش يعتبر مرمى
كنا نلعب بوليس وحرامي.....الحرامي هو ولد خالتي السابق ذكره....طبعا مستحيل نمسكه وتخلص اللعبه باننا نكون كلنا رهائن عنده
مرة اخترعنا لعبة الحصن....بالمراكي والمخدات...واحيانا يجيك واحد يهبدك من المدافعين...يقاله عرقلة
مرة في بيت جدتي لعبنا جزيرة الكنز.....السفينة كانت كرتون مدري من وين جايبينه...طبعا حطوني(تريلوني)
تصدق حتى احنا كنا نطفي اللمبات ونقعد نركض ونصارخ الين يجون الامهات ويهاوشون ويفتحون اللمبات(يعني اللعبة ماتدوم 10 دقايق)

وتشكر على الموضوع المسلي

[Trapped Inside]

مثالله على الردود ^^ ..


Xenosaga 155

انت اروع خيو ^_^ ..

انت احلى ^^ ..

هههه هين الطرد .. لالالالالالالالالازم تجربه وانت صغير -___- ..

ولعبة لمسه يد .. معروفه .. تصدق كنا نلعبها بالمدرسه !! .. نسيت اكتبها -___- .. بس كانت فله ^^ ..

ننتنظر عودتك ^^ ..

العفو ^_^ ..


Yoshi SD

من اول ما شفت اسمك وانا عارف انك بتتلكم عن ننتندو P: ..

يااااااااااخي لالالالالالالالا تخليني اصيح -_______________- .. ولله السوبر ننتندو ايامه كانت من احلى ايام حياتي ..

ماريو .. دونكي كونج .. جوفي .. العاب لن انساها مهما حييت >___< ...

لوووووووووول .. اجل كسرت التلفزيون -___- .. ياخي يا زينها من ايام ^_^ ..


QaTar NightMare

عاد وش نسوي .. هذيك ولت بالماضي البعيد .. ولا يسعنا الا ان نتذكرها -____- ..


Angel's Knight

هلاع ^_^ ..

لوووول ايه .. احس فله اننا نتلكم عن ذكرياتنا ^^ .. ولا .؟ ^^ ..

مثلك -___- .. عند عماني انا زعيم .. خوالي انا تابع -____- ..

ههههههههه تقريبا مثلك .. بس الحمدلله حصلت كم واحد على ذيك الايام كانوا اصدقائي ^^ ..

العفو عزيزي ^^ .. انت اروع ^_^ ..



MoD

لوووووووول .. الحمدلله انك ضحكت على الموضوع ^_^ ..

يووووووه -____- .. اخر العنقود مره وحده .. عاد تصدق .. احس انها احلى من اول العنقود >>> مثلي

خخخخخخخخخخخخخ وش ذي اللعبه .. ولله روعه ^___^ .. بس من جد صعبه -____- ..

يووووه مره معروفه ذي اللعبه .. وكنا نلعبها كثييييييير بعد .. بس اذكر كنا نقول شي عن الوان ..

ههههههههههههههههه .. المدرسه كنا نلعبها بس قليل .. لان عددنا ما كان كثير -____- ..

العفو خيو ^_^ ..


Mada Mada Dane

!! .. اجل انت استانست وانت كبير -____- .. حتى ثلج ومويه نسيت اقولها -____- ..

حلوه مره اللعبه ^^ ..


TidusXxX

هلا .. وينك .. ما صرنا نشوفك كثير بالمنتدى -___- ..

من زين عقلي عشان يخرب

لووووووووول ذكريات فله .. واكيد تحس بضيقة الصدر وانت تكتبها .. لانها مب راجعه -____- ..

العفو خيو .. ولا تسحب علينا ^^ ..



والف شكر على مروركم ^____^ ..

[البـاحث]

هههه اضحكني هذا المقطع كثير

العائله ..

اعتقد لو افراد عائلتك كثيره .. راح تكون مجرب هذي اللعبه ..

اكبر واحد يتزوج اكبر وحده وتلعبون عائله >>>> يلعن ام الفله D: ..

عاد انا كالعاده متسلط على اختي .. الي تكون بنتي .. ومسوي رومنسي مع زوجتي P: ..

ويقالنا مطبخ .. ناخذ مطبخ لعبه .. والزوجه تاخذ خبر زكرافت .. ويقالها تطبخ ..

وانا اخذ السياره الكبيره (لعبة طبعا) .. ويقالي اسوق واوديهم السوق والمهالي والخرابيط هذي ..

عاد الاصدقاء يزرورون بعض ونسوي عزايم وحركتات .. وبعض الاحيان كان فيه ادوار دراميه ..

الي يتطلق .. والي يهج من اهله ويروح لخويه ويتربى عند اهله ..

هههه

بالنسبة لي كنت أحب ألعب حبشة وألعب كيرم مع عيال خالتي

وطبعا الكورة كانت لعبتنا المفضلة

[tidusxxx]

TidusXxX

هلا .. وينك .. ما صرنا نشوفك كثير بالمنتدى -___- ..

من زين عقلي عشان يخرب

لووووووووول ذكريات فله .. واكيد تحس بضيقة الصدر وانت تكتبها .. لانها مب راجعه -____- ..

العفو خيو .. ولا تسحب علينا ^^ ..



والف شكر على مروركم ^____^ ..

خليه يخرب.....علشان تصير مثلي

موجود في المنتدى بس ما اشارك زي اول....الظاهر احس بالذنب

خخخخخخخخخ انا شكلي بودعكم الين الترم الجاي......الله يستر وانجح

بايووووووووو

[Lena]

واو@@
شكل الموضوع يجنن...اموت في هالمواضيع عاد^^

يبغاله قعدة..والساعه 12 الليل وراي محاضرة الصبح الساعه ثمان يبغالي اروح انام


لي طلة في الموضوع لاحقا..
جيت اسجل حضور لان الموضوع توحفة ههههههههههه@@
سلام:knockedou

[Trapped Inside]

الباحث

اذا كنت ضحكت اجل Mission Accomplished

يوه ذكرتني بالكيرم بعد -____- .. ذكرياتي اليمه معها .. بس تظل ايام جميله ^^ ..

مشكور على مرورك ^^ ..

Tidus XxX

اجل كنك مزفت قبل .. الله يعينك خيو ويوفقك ان شا الله ^_^ ..

نشوفك على خير ^^ ..


Lena

لووووووول .. تثلمي ^^ ..

ننتظر عودتك ^^ ..

مثكوره على المرور ^_^ ..