رحلة في التاكسي..

[Yamato]

السلام عليكم يا شباب ويا بنات..
السالفة وما فيها اني توني راد من الكلية.. وبالطبع ركبت لي تاكسي.. ويا عيني على تكاسي العين..

الواحد من هالبتانية ما يوقفون الرمسة.. جرجرجر ورا جرجرجر.. احلى شي فيهم انه يطلعون لك سوالف الشباب كلها..

الله يسلمكم اليوم ركبت التاكسي (كالعادة).. وصاحبنا بدا على طول الرمسة..

اول شي السلام عليكم وبعدها شو اسم مال انت خبيبي.. وين يريد يروخ.. اووه انا يعرف شباب واجدين من هازا سكن..

من وين انت خبيبي.. راس خيمة فجيرة.... اوه من هناك انتااا.. والله في شباب واجدين من هناك انا يعرف.. كلهم ربع سوا سوا ويا انا...

(بالطبع انا كاتم على كلامي انا كله كلامه هو اللي اكتبه).. انا بس امشيه في الكلام اشوف شو عنده.. مع انه الود ودي انه يخرس ويخليني ارتاح من الكلام الزايد.. توني طالع من محاضرة الدكتور ما سكت فيها ولا لحظة.. نرجع لمحور حديثنا...

والله يا اخي شباب مال بلاد مال انتا واجد زينين.. انا يودي اسنين لركم سلاسة.. في واجدين هناك.. وفي واخد في رقم اسنين اسمه نايف.. ربيع ما انا... وفي واهد في رقم واهد اسمه سعيد سديق مال انا..
والله يا اخي انا عندي ربع في العين من كل جنسيات عربية.. في واهد بهريني (بحريني.. سوري يا شباب هذا رمسته) في رقم واهد.. انا يعطيه رقم ما انا علشان ازا يريد يوصل مكان.. شوف خبيبي.. انا دايما اتسل على ربع مال انا.. هازا البهريني لما سافر بهرين انا يتسله لكن هو سوالي تاف ولا يرد علي.. والهين بعد يتسل فيه لكن ما يرد علي... (يا خي هالبتاني يرز ويهه وايد عالناس) (زين ما عطاني رقمه بعد)..
الله يسلمك خبيبي.. انا يعرف واهد هنا من العين.. واهد مواتن.. هذا يجي يتسلف مني انا 600 درهم علشان هو يقول فلوس ما فيه.. هازا اتسل فيني يمكن فوق عشرين مرة.. انا بعدين يسوي تلفون اشوف شو سالفة.. يقول انا يريد فلوس منك...
انا يقول متى يرد بعدين.. يقول بعد يومين.. انا يقول زين ويعطيه فلوس.. بعد يومين اتسله اقوله وين انت.. في البيت انت.. الاخ يقول انا عند هدود السعودية.. انت شو يسوي هناك.. انا عندي دورة يقول...
والله يا اخي انا يمكن يتصل فيه فوق سلاسين مرة علشان فلوسي.. هازا ولد ياخز فلوس يسرف على بنات.. والله هالة...

والله يا جماعة هالسواقين عليهم سوالف ما تنتهي... يرمسون في كل شي.. لدرجة انك تخاف يا رجل وتقول لنفسك شو خانته هالانسان...

اتمنى انه يعجبكم الموضوع.. مع انه احسه من دون هدف ولا جووووووول...

سلام..

[TEDUSE 1=BAGGIO]

ههههههههههههه.

ايه والله هالبتان عليهم سوالف .

بس حلوة هذه سوالي تاف.

انا مرة ركبت تاكسي من الشارقة لدبي وانت تعرف الطريق كيف زحمة والحبيب ما كذب خبر قام حكالي قصة حياته ويدخل فيها لغة بتانية وانا ما اعرف شو يقول كل اهز راسي .

وشكرا على القصة وكثر منها .

ويعطيك العافية .

[* مطلع الشمس *]

ايه والله اخوي

هاذيل البتان عليهم سوالف عجيبه

من اول ما تدخل التاكسي لين ما تطلع منه وهم يسولفون وياك شنهم ربعك

وياليت يكونوا يتكلمون بالعربي لا يالفون عليك بسبع لغات لين ما تتخبل

وانا اوصل البيت والاقي راسي بينفجر منهم

بس ما عليك كنت اوريهم العين الحمراء كنت العوزهم واكرهم عيشتهم

لين ما هو يسكت

وتسلم اخوي على الموضوع

[Yamato]

مب كاني كتبت موضوع ونسيته...

اشكركم يا شباب عالردود اللي تفتح النفس.. (ما احب شكرا فقط)

والله اتذكر الاسبوع اللي طاف ركبت في تاكسي.. والحبيب مثل الببغاء يقرقر.. قام يحكيلي سوالف شباب مع بنات..
قاللي انه ركب واحد معاه قاله انه متعرف على وحدة هي اللي تصرف عليه...

والله يا جماعة انا ما صدقته.. لكن حد من ربعي اكد لي مثل هالكلام.. ويالهول اللي يستوي... (ماله داعي اقرقر انا فيه)


والله يمشي على هالبتانية المثل الشعبي العالمي: يا زينك وانت ساكت..

اشكركم عالردود مرة اخرى

[أبوجمـــال]

ههههههههههههه


......


إيش السالفة....؟؟؟


أبوجمـــال

[* مطلع الشمس *]

إيش السالفة....؟؟؟

السالفه انه عجوز مخالفه ودعمت الرصيف وما قالت آسفه

[TiTaN]

و الله بصراحة



حلوة


لكن نص الاكلام ما فهمته ؟؟؟؟؟

[Sander]

خخخخخخخخخخخخ ياشيخ الله يصبرك

هذي سوالف التكاسي الي ماتخلص

شفنا منها كتير خصوصا بمكة و المدينة و بالإمارات

لاه و حق القراده.. يب يسعودون التكاسي في مكة و المدينه.. اي عشان ماتقدر تنطم و تسكت عل و عسى يمل السواق التاني و ينثبر هو الاخر

بتصير مضطر تسولف ليش ان السواق بيحكي عربي >>ويا حظك اذا ركبت مع واحد كبر جدي

يب يجيب لك قصص التراث كلها و يملى السياره غبار بسواليفه و انت لازم ترد عليه وتقول" اهاا" كلما سكت لياخذ نفس

انا سياستي مع الاجانب: ياشيخ شغل الراديو و انثبر

ثانكيووووووووو عالموضوع خيو و يسلمو السواقين... قصدي ايديك

[لذيذ]

حلووووووووووووه هالرحله

وإذا تبي تخلص .. اركب في المقعده الخلفيه .. واعطيله ورقه بالعنوان .. هههههههههه


جرب هالوصفه وقلي.. تنفع في القاهره .


شكرياااااااااااااااااااااااااا اخوووووو

[فيصل سنيك]

ولوولول
مشكور عالموضوع