ماعرفتيني؟
نفرتيتي انا اخناتون
امانة ماعرفتيني
انا سقراط وافلاطون
مداين فاضلة فيني
ابن سينا انا القانون
كتابك ليه ناسيني
انا شمس وبعض الكون
يدور بمحور سنيني
انا العاقل انا المجنون
انا الاضداد تكويني
انا ثورة امل مطحون
وضعيف الناس يعنيني
انا انسان لو يدرون
وطين المجد من طيني
انا مابي علي يرضون
لهم دين ولي ديني
على هامان يافرعون
تبي ذبحي بسكيني
اذا ناسي معاي عيون
اشوفك ياامعنيني
قسم مابيع لو يشرون
عشق دمي شرايني
ترى الكرسي مع الماعون
صور وآيات تهديني
لكتاب الله لو يقرون
عطوني نورها عيني
انا هالون انا هالون
منو وده يخاويني
ساعة الفرحه
ياساعة الفرحه تشوقت للعيد
عيد العيون وعيد قلب الصبابه
رد الجمال لشوفتي ياأتلع الجيد
واسحب على حرفي لحون الربابه
حرفي بصوتك ياأجمل الصوت تغريد
يارمز حبي هاك رمز الكتابه
ياصبح عمري منك للعمر تجديد
وحبك يجدد كل يوم شبابه
للعين والقمرا وحسنك مواعيد
وليل الهوى شرع للأحباب بابه
ياما صحت بالصوت بأسمك تراديد
وياما نسيم الوجد يمك سرابه
وياما تمنيتك على باقي الغيد
واقول مثلك ياغلا الروح مابه
أبيك تسوى مثل ماأسواك وتزيد
يامن خفوق القلب حسنك غدابه
