طريقة تركيب الإيفوكس عن طريق برنامج ( boXplorer ) و بدون FTP و شبكات و دوخة راس

[3bod]

السلام عليكم ورحمة الله وبركاته ..

عن طريق هذا الشرح تستطيع تركيب برنامج الإيفوكس الشهير ..

أولاً ..

البرامج الي راح نحتاجها في التركيب ..

1- ISO TOOLS : للتحميل إضغط هنا

2- ملف ISO لبرنامج الإيفوكس : إضغط هنا للتحميل .. ( ملف الـ ISO : يعني صورة كاملة من قرص البرنامج ) ..

3- برنامج boXplorer لإستعراض الملفات و التعديل عليها و نسخها و نقلها .. : إضغط هنا للتحميل


أوكي ..

نبدأ :

إنشاء سيدي يحتوي على البرامج و يعمل على الإكس بوكس ..

1- نسوي مجلد راح يشمل جميع البرامج و نسميه مثلاً XBOX PROGRAM

2- نشغل برنامج ISO TOOLS و من file نختار abrir و نختار ملف الـ iso الي نزلناه فوق ..
بعدين نضغط على كلمة evox على اليسار الزر الأيمن للماوس .. ثم نختار Extrate folder و نحط الملفات في مجلد جديد داخل XBOX PROGRAM الي سويناه بسطح المكتب .. و نسميه مثلاً EvoX .
( شيء مهم لازم تسويه بعد هذي النقطة _ تدخل على ملف evox.ini راح يفتح لك بالمفكرة .. في سطر مكتوب فيه MSDashBoard و مكتوب جنبه = "c:\xboxdash.xbe" خليها = "c:\xboxdash_old.xbe" ثم إحفظ الملف )

3- نفتح الملف المضغوط حق برنامج boXplorer و ندخل على ملف xbox files و نسوي له فك من الملف .. ثم نشيل الملفات الي داخل هذا المجلد و نحطها داخل مجلد XBOX PROGRAM الموجود بسطح المكتب مباشرة ( يعني ما نحطها داخل مجلد جديد .. نحطها مباشرة في المجلد )

4- بعد ما ضبطنا المجلد نشغل برنامج ISO TOOLS و من Tools نختار Make ISO .. نختار مجلد XBOX PROGRAMS الموجود بسطح المكتب ثم نقوله موافق .. راح يقولك إكتب إسم الملف .. إكتب أي إسم .. مثلاً EvoX3BoD ..

5- نجيب سيدي فاضي و نشغل النيرو .. أو إيزي سيدي كريتور .. أو أي برنامج يقبل ملفات صور الأقراض ( ISO ) عن طريق برنامج النيرو .. إختار Copy CD From Image ثم نختار ملف EvoX3BoD و نخليه يبدأ ينسخ ..

الآن إنتهينا من الجزء السهل و هو إنشاء سيدي ..

تركيب البرنامج على الإكس يوكس

( البرنامج تم تركيبه حسب إختيارك أنت .. منتديات عبود لا تتحمل أي خطأ من ناحية التركيب )

1- نشغل السيدي في الإكس بوكس .. و راح تطلع لنا واجهة برنامج الـ boXplorer .. مباشرة إضغط START و راح تطلع لك الدرايفات في الإكس بوكس :



C : هذا الدرايف الي فيه الداشبورد الأصلي للإكس بوكس ..

D : هذا هو السيدي الي حطيناه ..

لاحظ إنك إذا ضغطت L أو R يقلب الوجه مثل شريط المسجل تماماً عندنا A و B

نحط A ثم نضغط ستارت و نختار الدرايف C ..

ثم نحط B ثم نضغط ستارت و نختار السيدي الي هو D ..

و نروح لـ B و ندخل على مجلد الـ EvoX و نضغط X ( الزر الأزرق ) علشان نحدد الملفات .. نحدد جميع الملفات .. ثم نضغط الـ White ( الزر الأبيض ) .. راح تطلع لنا مجموعة خيارات إختار Copy .. ثم إضغط L و R و START راح ينسخ من الوجه B إلى الوجه A ..





نرجع للـ C ..

نروح لملف xboxdash.xbe و نضغط عليه الزر الأبيض .. ثم نختار Rename و نكتب الإسم xboxdash_old.xbe
ثم نضغط Start




بعدين نروح لملف default.xbe و نضغط عليه الزر الأبيض و نختار Rename ثم نكتب xboxdash.xbe ثم نضغط ستارت ..

ألحين آخر خطوة .. نروج للوجه A ثم نضغط ستارت و نختار الدرايف E ..

ثم نضغط الزر الأبيض .. ثم نختار New Folder .. نسميه apps .. ثم ندخل داخل المجلد

ثم نروح للوجه B و نحدد الملف default.xbe و المجلد Media .. ثم نضغط الزر الأبيض و نختار Copy ثم نضغط L و R و START ..

ثم أي برنامج جديد ودنا نركبه .. نحطه في مجلد داخل مجلد apps الموجود في درايف E ..

ثم نعيد التشغيل .. ونستمتع ببرنامج الإيفوكس الي يتمناه الجميع ..

حقوق هذا الموضوع محفوظة لي

عبود

[3bod]

20 قراءه .. و لا رد حتى لو .. ( ) ؟

وش دعوى شباب ؟

[astronomy]

مشكور على الموضوع بس افضل الطريقة القديمة لتركيب الإيفوكس احس انه احسن

[Hardcore~Gamer]

مشكور اخوي وانا محتاج مرررة لهالبرنامج لاني ابي انقل البيانات اللي بالهارد حق الاكس وبحطه بالجديد إ، شاء الله

[3bod]

astronomy

الطريقة القديمة يبي لها شبكة .. و إف تي بي .. وحوسة و اعدادات ..

هذي طريقة تعتمد على الإكس بوكس فقط دون استخدام الـ PC ..

Hardcore~Gamer

العفو أخوي .. و إن شاء الله تركبه بنجاح ..

[astronomy]

astronomy

الطريقة القديمة يبي لها شبكة .. و إف تي بي .. وحوسة و اعدادات ..

هذي طريقة تعتمد على الإكس بوكس فقط دون استخدام الـ PC ..
..

عموما انا احب هالشغلات شبكات وسوالف عويصه
وانا للأسف فيني طبع بايخ إذا اتعلمت طريقة بس احب استخدمها ولا اغير فيها لووول
حتى الإيفوكس اللي عندي قدييييييييييييييييييييييييييييييييييم حده بس ما احب اغيره وحط واحد يديد لأني اتعودت على القديم لووووووول:icon6: :icon6:

[Arsene Lupin]

مشكور أخوي...

هل هذي الطريقة أيضا تحتاج قطعة تشغيل الكوبي (المود تشيب)؟

جهازي ما فيه قطعه و انا موجود في امريكا يعني صعب اركبها

[astronomy]

مشكور أخوي...

هل هذي الطريقة أيضا تحتاج قطعة تشغيل الكوبي (المود تشيب)؟

جهازي ما فيه قطعه و انا موجود في امريكا يعني صعب اركبها

بالعكس انت اسهل بكثير ماعليك إلا انك تطلب القطعة عن طريق الأنترنت وتركبها

[Arsene Lupin]

بالعكس انت اسهل بكثير ماعليك إلا انك تطلب القطعة عن طريق الأنترنت وتركبها

تعرف موقع أطلبها منه؟

مشكور اخوي

[3bod]

Arsene Lupin

للأسف إنها تحتاج ..

إن شاء الله أخونا astronomy يعطيك الموقع و تشتري القطعة و ترتاح ..

تحياتي ..

[nadp]

ما لاحظتوا شي يا شباب؟
وصله الevox ISO هي نفس الوصله اللي حاطنه على موقعي....؟؟؟

[al7afey]

مشكور عبود على الشرح الرائع
لكن للأسف السي دي لم يعمل واعتقد ان السبب هو التالي

3- نفتح الملف المضغوط حق برنامج boXplorer و ندخل على ملف xbox files و نسوي له فك من الملف .. ثم نشيل الملفات الي داخل هذا المجلد و نحطها داخل مجلد XBOX PROGRAM الموجود بسطح المكتب مباشرة ( يعني ما نحطها داخل مجلد جديد .. نحطها مباشرة في المجلد )

انا لم افهم هذا الجزء الملف الي انت واضعه ما في برنامج boXplorer
فيه boXplorer.iso وهذا ملف iso وليس برنامج !!!

3- برنامج boXplorer لإستعراض الملفات و التعديل عليها و نسخها و نقلها .. : إضغط هنا للتحميل

و كيف نقوم بفك من الملف Xbox Fils ؟ و أين نضعه ؟ وما هي الملفات المطلوبه من هذا المجلد ؟؟ الرجاء شرح هذه النقطه
و شكراً على مجهودك الرائع اخوي عبود

[PLAYNOW]

السي دي لم يعمل؟؟

3- نفتح الملف المضغوط حق برنامج boXplorer و ندخل على ملف xbox files و نسوي له فك من الملف .. ثم نشيل الملفات الي داخل هذا المجلد و نحطها داخل مجلد XBOX PROGRAM الموجود بسطح المكتب مباشرة ( يعني ما نحطها داخل مجلد جديد .. نحطها مباشرة في المجلد )

هل استبدل default.xbeالموجود فيboXplorer بالموجود في الملف الي سويناهXBOX PROGRAM؟؟

اذا استبدلته لايعمل السي دي؟؟



ممكن تساعدني؟

[zupair]

بسم الله الرحمن الرحيم

مبروك عليكم الشهر



أخواني عندنا جهاز اكس بوكس شتريتة من فترة وللعلم ليس لدي أي معلومات

عن الألعاب . على العموم عندما قراءة موضوع الأخ 3bod وعنوان الموضوع

هو ( طريقة تركيب الإيفوكس عن طريق برنامج ( boXplorer ) و بدون FTP و شبكات )

وعند قراءتي للموضوع لم افهم أي شئ أو ايش هو اليفوكس أو البكس بلورَر هل من يدلني على

عنوان طبعا عربي يشرح ايش معنا هل مصطلحات أكثر توضيح وايش دورهم في الاكس بوكس

ومن أين احصل على قطعة الكوبي يعني إلي أتشغل ألسيدي المنسوخ ...



ولكم مني جزيل الشكر

[3bod]

السلام عليكم ورحمة الله وبركاته ..

آسفين على التأخير ..

بالنسبة للسيدي ..

أنا حطيت ملف ISO داخل الملف المضغوط .. للي وده يستعمل البرنامج لحاله .. يعني بدون الإيفوكس .. يحرق السيدي و خلاص ..

شوفو يا شباب .. مجلد الـ XBOX PROGRAMS راح يكون بالشكل التالي :

1- مجلد EvoX : و هذا فيه ملفات و مجلدات برنامج الإيفوكس ..

2- مجلد Media : و هذا تلقونه داخل XBOX FILES الموجود داخل الملف المضغوط التابع لبرنامج boXplorer

3- ملف default.xbe : و هذا أيضا تلقونه داخل XBOX FILES الموجود في الملف المضغوط ..

بعدين تسوون للمجلد ملف ISO عن طريق برنامج ISO TOOLS الموجودة وصلته فوووق .. ..

بعدين عن طريق أي برنامج نسخ للسيديات و يفضل يكون النيرو .. تسوون حرق للسيدي عن طريق ملف الـ ISO الي سويناه لمجلد XBOX PROGRAMS ..

إخواني أنا أقدر أحط ملف الـ ISO جاهز .. لكن ودي تفهمون آلية الطريقة هذي .. إذا تبون الملف ما عندي مانع ..

zupair : الإكس بوكس .. فيه هارديسك .. و الهارديسك تقدر تحط فيه برامج .. و منها برنامج الإيفوكس الشهير .. الي يعطيك قائمة جديدة .. مع سهولة لدخول البرامج الأخرى .. ..

تحياتي للجميع ..