وش علاقةالنوم المبكر بالقطوة السوداء ام سنون والديناصور ابو راس مفشوق؟؟؟

[Lena]

السلام عليكم ورحمة الله وبركاته..

من زمان عن كتابه موضوع في هالمنتدى الغالي..

يا حبيلي كني ابكتب شعر..

لالا لايروح بالكم بعيد

والله الكتاب باين من عنوانه..

كان ودي اكتب كذا موضوع مزركش وحلو وعليه القيمه كده هوه

بس والله لظروف طارئه ابي اكتب هالموضوع كلكم تشاركون ما احس به هذه الايام<== احب الفصحى انا

بسم الله نبدا

انا في السنة الثالثه جامعه<==هلا والله تشرفنا

ههه لا والله الغرض من هالمعلومه اني اقول انه ما بقى لي شي واتخرج تف تف مشالله علي

ونتيجه هالسنه راح تدخل معدلي النهائي

قلت يا بنت شدي حيلك..

اول الايام شديت حيلي من ناحيه الدروس بس النوم..مهناش..زفتون..

ولا جايني ارق خييييييالي مدري وش بلاني..ام عيال ولا ام عيال..

انسدح 12 الليل ما انام الا 3 الفجر..وصلت حالات اكل ادويه تنوم حقات حاسسيه وكحه,,<== حالة صعبه

المهم

الويك ان الي فات..قررت قرار

..ابعدل نومي واصير دجاجه

ويك اند يعني دايم انام الفجر..لا هالمره ابنام 11 الليل..

يا سلام بس علي..والله وناسه النوم مبكر احس اني صحيه..

ولكن!! ما تسوى علي..!!

وش هذا!!

وش هالكوابيس!!

اخبر النوم المبكر مريح..ماشفت الراحه والله..

احلام ماعمري شفت زيها الا ايام الفتوة والطفوله والمغامرات ..اما الان يازين انا واحلامي الرقيقه حقات السهر..

توني ادري ان النوم المبكر يجيب هالعلوم..!! بسم الله علي افز متصروعه وانا ما كملت خمس ساعات نايمه

خل اقولكم الحلوم تقولون فلم مرعب ولا Jurassic park

.:الحلم حق يوم الاربعاء:.

انا وبنات خالي وخواتي نغسل الحوش..كان وصخ وغبار يوم غسلناه وتنفتح الارض اشعاعا ونقاوه والسماء تهبل والغيم مغطيه كانه جو شتاء ينعنش

الحلم حتى الان يبشر بالخير..:slaphappy

اخر شي يوم خلصوا... اقول انا لا ابي انظف زود ابقعد وقلت لبنت خالي تقعد معي..

(خلي النظافه الزايده تنفعك الحين)

واجتهد وارشش لي المويه بكل مكان..وفيه هناك نخله بالزاويه وراها حوسه وخشب وغبار وعشه

"بالحقيقه مب موجود شي وراء النخله"

قلت خلني انظف الي هناك

وارش المويه..ويطلعون لي ثلاث قطاوة سسسووووووووود@@

وبنت خالي هربت

والتفوا هالثلاث حولي..وانا متروعه وش اسوي واناديهم انادي اهلي..

فجأة يكبرون ويصيرون فهد اسود تعرفونه مثل الي مع ماوكلي..ولا ينبت لهم سنون طويله انيابهم صارت طويله..

والله ماشفت افلام قبل لا انام ولا فكرت الا بدروسي وهمومي بس.. مدري من وين جو ذولي

المهم يمسكوني اثنين مع يدين يعضوني ويحطوني بالارض

والثالث الزعيم حسبي الله عليه عضني مع افمي ودخل انيابه بافمي وحسيت كاني اتخدر ويغمى علي وانا من داخل انا دي امي..واصيح؟؟واحس بحراره دموعي..ممكن يضحك الحلم بس قسم الام والصياح كان حقيقي..

والله رعب والله..كانه صدق..اخر شي فزيت من الحلم بسرعه..

بسم الله..والله فيه احد يقوم الخميس سبع الصبح..وش هالنوم المبكر قمت ابكر من اللازم بس غصبت نفسي انام..

يلاه وش تفسيره هالحلم...اضغاث احلام؟ ولا له معنى؟ ومن وين هالثلاث السود الي مافكرت فيهم ابد اصلا..

.:هاتي الي بعدووو:.

ويجيك حلم امس يوم انام الجمعه مبكر..

نمت الساعه 11 الليل وهالشي غريب بتوقيتي مرة مبكر..قلت الله يا سلام انام من 11 لسبع الصبح مرة وحده شبعه

مادريت ان سلسله scary movie راح تستمر..

هالمرة بغابه..تجنن الغابه..نور شمس واشجار وامشي..برواقه بين هالشجيرات الجميلة يا سلام بس..

وفأة يجي رجل يركض لابس بنطلون جيشي وفنيله علاقي اسود..ومملوح مشالله عليه:scratchch <==هذا الي همك

بس اشوفه متوصخ ويلهث ومعاه رشاش... ويقول تعالي وراي انتبهي

واركض وراه ومنهبله

اقول وش فيك؟؟؟!!

يقول فيه دايناصورات تلاحقني..

"وش تبي فيني يوم تبلشني معاك"

ولكني ركضت وراه ما قدرت اقاوم. .<==اسوي اثارة

ونركض بسرعه وسط هالادغال ويقول وراي وراي ومسوي فيها الرجل الشجاع..اخر شي وتخلص الادغال على قصر..القصر له بوابه كبيييييييره عليه... وحوله سور

واقف عند السور وحش مادري دايناصور يشبه حقين Doom يروع

ويقوم الرجل الشجاع يطلق عليه من الرشاش..وينفجر راسه ويطلع الدماغ ويطيخ الوحش بالارض منبطحا مغشيا عليه..احم اقصد ميت..

وش رايكم "بالرجل الشجاع" ههههه

وهنا رحت اركض للسور عشان اطلع من البوابه فرحانه بيخلص الهم والخوف هيييييه وارض واروح لمها ..

واناظر الرجال فرحان بنفسه وماسك رشاشه عند الباب..يسوي فيها جون ترافولتا ولا رامبوا..

الخبل ما حس ان البوابه حقت القصر انفتحت وراه وطلع لنا الزعيم الاخير الBoss

وشو هو؟

الديناصور الي يمشي على رجلين اكل اللحم عرفتوه؟

ولا حس فيه الرجل لانه فرحان بعمره..

ويجيه يمسكه بفمه من وراه ويفعصه ويتهشم جسمه..ولا بعد القهر كاميرة الحلم حقتي قربت للمنظر واشوف منظر التهشم..ويش هذا يا قوم والله رعب واصيح بالحلم

"ادري انكم بتضحكون زي صديقاتي اقول ما يحس بالنار الي كاويته"

واركض لمه اشوف وش صار عليه"ماش ما قويت "

ولقيته ميت..اهيء...

واتغبى من الزعيم الاخير..وما شافني..لسببين:

اما انه خربوط ماينفع عنده شي بعيونه..او انه ما يقدر عالجنس اللطيف:embarasse ..

المهم واصيح عالرجال المتهشم وامعتصمااه

.. والا الاخ ابو راس منفجر يقوم هو ودماغه يلمع فوقه طالع@@

..وش يبي الاخ..قسم ماقهرني بالحلم الا هالموقف..اشوف هالشي الكبير يتجه لمي..

ولا يقزني ومتجه لمي

انا خلاص تجمدت بالحلم ماقوى اتحرك..والرعب رعب حقيقي احس به ولا اقدر انساه ..

واقول لنفسي قومي من الحلم قووومي قومييييييي><

ههههههه عارفه اني بحلم بعد

بس والله شي مرعب الشعور الحين اضحك بس بوقته انواع الروعات والفزات

اخر شي فزيت على الساعه خمس الفجر..حسبي الله عليكم يا ديناصورات

بالله عليكم مايصلح الجزء الرابع مدري الثالث ل Jurassic park?

وش هالتخاريف حتى عقلي الباطن مظنه فكر فيها ..وش ابي افكر بالرجل ذا والمغامرات..حتى اربيجي من زمان مالعبت..افلام رعب اكرهها..وط از ذيس..

الي قاهرني اني بنت مسالمه اكره الافلام المرعبه: همي دراستي ..اهلي..ان كثرت فكرت بالاكل والملابس والمكياج وخرابيط البنات..

وش جاب هالافكار امدري..

بس كرهت النوم المبكر..

واليوم خربتها وابسهر ..

ويا انا وابو راس مفشوق...

...

[Lena]

امممممم ايه صح نسيت اقول

اني متفشله من هالاحلام:knockedou..وين احس كبيره على على هالتخاريف هههههههه
فيه احد قد حلم كذا وهو بالعمر ذا =.=؟؟ (تبي تحس انه فيه احد مثلها مب شاذة عن القاعدة)

[..daredevil..]

ههه لا والله الغرض من هالمعلومه اني اقول انه ما بقى لي شي واتخرج تف تف مشالله علي

... حتى انا هذي اخر سنه لي.. ولكن تف تف علي انا دفره... وح اتخرج بمعدل تف تف جيد..

الويك ان الي فات..قررت قرار

اين زهب الحرف.. اكلتيه ؟؟

كان وصخ وغبار يوم غسلناه وتنفتح الارض اشعاعا ونقاوه والسماء تهبل والغيم مغطيه كانه جو شتاء ينعنش

هذا يدل على ان واخيرا وبعد جهد جهيد.. المنتخب الثعودي ح يفوز بكاس العالم..

المهم يمسكوني اثنين مع يدين يعضوني ويحطوني بالارض

هذا يدل على انو في فامباير يتربص بقطاوتك.. حذاري منه

وفأة يجي رجل يركض لابس بنطلون جيشي وفنيله علاقي اسود..ومملوح مشالله عليه <==هذا الي همك

هذا يثبت انك ستقعين في غرام (سنيك ) ولكن ح يروح للحرب مع الجيش الامريكي في العراق ويرجع Dead body وبهذا تكون انتهت سلسله المهاجم الخطير سنيك ..


انا شكلي بكلم منتج سينمائي هندي عشان نستفيد من خبرتك في الافلام الموعبه ونطور السينما المصريه.. ها ايش رايك اجيب العقد.. :You_Rock_

وانا صراحة ما حلمت بالاشياء اللي زي كوذا ابدا.. لكن حلمت اني اصير لاعب كورة في نادي الهلال.. بعدين انتقل لبرشلونه ..

وفي مباراة يطب على واحد من زملاي لاعبين برشلونه ويقصني في رجلي ... الله يكافيه.. :vollkomme

واغلب احلامي تكون عن الموت..

وطانكيو على الموضوع..

[memy]

ههههههههههههههههههههههههههههههههه

اما عليك احلام ..... من جد مدري وش تبين بس الله يعطيك العافيه ضحكتيني انا و اخوي كنا زهقانين ما ندري وش نسوي الا نشوف موضوعك خخخخ تحفه

الحين انا بفسر لك احلامك على الطريقه الميميه

اول حلم اللى هو عن قطاوه .... هذا دليل على انك تحبين القطاوه <<< قولي شي جديد

بس .....

وارش المويه..ويطلعون لي ثلاث قطاوة سسسووووووووود@@
والتفوا هالثلاث حولي..
فجأة يكبرون ويصيرون فهد اسود تعرفونه مثل الي مع ماوكلي..ولا ينبت لهم سنون طويله انيابهم صارت طويله...
المهم يمسكوني اثنين مع يدين يعضوني ويحطوني بالارض

هذا دليل ان القطاوه ما يحبونك وانك غاثتهم و سووا عليك انقلاب

والثالث الزعيم حسبي الله عليه عضني مع افمي ودخل انيابه بافمي

هذي عاد قطوه قليله ادب


المهم .... هذا الحلم تحذير من القطاوه اذا ما وخرتي عنهم راح يسعملون القوه

الحلم الثاني ..... قبل لا نفسره ترى صوره الديناصور اللى انتي حاطته ترااه لطييف اللي ياكل اللحوم له اسنان كبيره و دايم فاتح فمه

اما الحلم فتفسيره انك وجه نحس للافس الشديد ... كانت الغابه هاديه و حلوه الا طلع ديناصور و بعدين صار يلاحق رجال مسكين و بعدين هالرجال ابتلى فييك و بعدين مات بسببك ... و الديناصور اللي ما شافك فهذا لانه متعمد ... انتبه للاشياء اللى سويتيها عشان كوذا انحاش من نحسك وليس ما شافك

و خلاص انتهى .... المره الجايه احلمي اكثر

يلاع مع السلامه يا كوخه

[Yamato]

قطاوة ورا نخلة...
هذي سوالف الجن على حسب علمي.. والله اعلم...

بس انا اشوف احلا اخس عن احلامج...

ياما شفت افلام في احلامي... تجنن....

[Electro M]

الزبدة من هالموضوع اذا سُمِح لي بابدائها هي :
لا تكثر سبيس تون قبل لا تنام

[Trapped Inside]

ولله انا كثير احلم بقطاوه مدري ليش -___- .. واغلب الاحلام تكون مرعبه ..

اذكر مره حلمت بقطوه "ما اذكر التفاصيل" .. بس المهم .. انها فزت علي تبي تعضني .. وانا على طول قمت من النوم ..

" بالمناسبه انت تقولين انك قمتي من النوم بسرعه .. طريقة القومه مثل الي بالافلام .. يعني يقوم كله ولا بس عيونك "

انا بس عيوني ..

" بالمناسبه بعد .. اذكر ان بالحلم مفروض ما تتعور او شي .. كيف اجل عضتك القطاوه ؟؟ .. وانا دايم اذا حلمت شي يبي يسويلي شي .. اقوم قبل ما ينقض علي " ..


الحلم الثاني ..

ليتك تعرفت على الرجال .. على الاقل كان فيه شوية رومنسيه بالحلم P: ..

ديناصور مره وحده .. وزومبي بعد .. Dino Chrisis Mixed With Resident Evil -___- ..

من جد شكل هذا الحلم يخوف ...

ترا احلامك مره تشبه احلام اختي .. دايم تكون مرعبه وخرابطيها زي خرابيطك ..

وترا Jerassic Park موصل الحين للجزء الثالث .. يعني حلكم رقم اربعه -_- ..

> نصيحه وحده< ارجع لنومك من اول اصرفك لك ... على كذا بتعيشين حاله قلق .. وانا دايم احب انام متاخر .. عشان انام بالفصل .. لوووول ^^ ..

بس انتي جامعه .. شي ثاني -___- ..

الله يعينك .. يعني القهر انك ما تفكرين باشياء مرعبه عشان تحلميني ذي الاحلام .. ووراك جامعه بعد .. وما اعتقد فيه حل منطقي ( الحل الغير منطقي ارجعي لنومك اول ) ..

على كل سمي بالله قبل ما تنامين واقرا دعاء النوم .. ان شاء الله يفيدك ^^ ..


====

بالنسبه لاحلامي .. ولله انا احلامي مره قليله .. وحتى باليالله اتذكرها .. ما اتذكر الا الاشياء المهمه " ان تذكرت شي " ..

لووووول حتى اذكر من اول احلم حلم .. واقوم .. على طول ابغى اروح لاقول لامي عنه .. اذا وصلت عندها انسى !! -__- ..

مشكوره على الموضوع ..

وكثري منها ... المنتدى يحتاج مواضيعك ^^ ..

ثلام ^_^ ..

[Mada Mada Dane]

نا معروف عند ربعي ان خيالي واسع , اجل كيف احلامي ...

خخخ والله لو ابدا اسولف مااخلص وبتستغربون

بس اكثر حلم يقهر من زمان صار لي وماانساه

وهو :-

رحت المدرسه , وداومت , ولما جات الحصه الاخيره قربت تخلص يجون الاهل يقوموني يقولون يالله قوم للمدرسه !

صار دوامين بيوم واحد

[Angel whisper]

it's kind of .. normal to have such a dream ..
i dreamt that I'm a witch and that Al Pachino wanted to kill me damnit ..
so no worries ..
it might have happened to you because of the sudden change in your sleeping timings ..
btw ..
my cat has smokey coat .. dark grey/very light grey ..
and she looks just like the kitten in your siggy .. lol
anyhoo .. i hope that you won't see any more of these dreams ^^

[KJF]

اففففففففففففففففففففف
قريت نص الموضوع, ووقفت..
موضوع طوييييل, ردود طويييييلة
متعيجز اقراها
علشان جذي بختصر ردي بثلاث كلمات:
لا تكثري مارجوانا (امزح عاد لا توخذيها جد لينا )
ومشكورة على الموضوع الرائع

[megaman]

من جد أحلام غريبة .... صايرة كأنها فلم ... خاصة الإخراج وكامرة الحلم

أنا أتذكر مرة حلمت إني أطير ..... بدون أجنحة ولاشي , كان فيه زي الطاقة بجسمي تخليني أقدر أطيّر نفسي من جد حلم ما ينسى ..


على فكرة بالنسبة للكوابيس ياليت تحرصين إنك ماتقولينها لأحد بالمرات الجاية ... يمكن تكون بعضها رؤيا .. فإذا حكيتيها ممكن يتحقق اللي بالحلم وأنتي ما تدرين إذا كان يبشر بخير .. ولا يحمل فاجعة لا سمح الله

ياليت تنتبهين لهالشي أختي ...


سلام

[ssaa]

حاولي تقرين المعوذات قبل لا تنامين

[Snake Eyes]

انا مرة حلمت انه في المدرسة طلعتلي قطوة بس ماني فاكر اذا سودا ولا لا المهم وتقز علي وتشبك في اصباعي واخوي واقف اقله تعال ساعدني يطنشني ويمشي وانا حقدت عليه المهم حسيت بالعضة ولما صحيت لقيت يدي مبللة ....والله غريبة بس هذا الموضوع صار له 3 سنوات
وفي اوقات احلم بالجن كثيرا

[*Ran*]

يا بنت فضحتينا على هالأحلام.... الحين يقولون الجنس اللطيف في عقله شي

لا بكل صراحة أحلامك لينا دليل على إنك مشروع فنانة ناجحة

انسدح 12 الليل ماانام الا 3 الفجر

Like me

ويك اند يعني دايمانام الفجر..لا هالمره ابنام 11 الليل..

الويك اند شي ثاني ...... محد ينام إلا بعد صلاة الفجر وطبعاً تنتهي مع هوشة بنات

الحلم الاول @@

أول شي ماشاءالله على النظافة ^_^ لكن بنت خالك طلعت خاينة ليش خلتك مع

القطاوة بروحك لازم تنتقمين منها ( بدت تطيح بين البنات ^_^ )

ولكن زعيمهم لازم تشتكين عليه لأنه مايستحي ^_^


والآن تفسير الحلم * أغنية حماسية * ....

هو إن إنتي لازم تقفلين باب كبت ملابسك عشان لا تسرق الخدامة شي ولازم تسلمين

على أمك 10 مرات في اليوم <<<<<< أقول اسكتي يا بنت الناس


الحلم الثاني ....

هذا فيلم رعب رائع ^_^

وفأة يجي رجل يركض لابس بنطلون جيشي وفنيله علاقي اسود..ومملوح مشالله عليه <==هذا الي همك

لينا شنو هالكلام عيب ..... إذا عندك صورة له دزيها لي

تبين تفسير الحلم ولا اسكت ^_^ اسكت أحسن

وعن الأحلام شي طبيعي تعالي شوفي أختي متزوجة وحامل وتحلم أحلام وحده عمرها 5 سنوات

أما أحلامي انا كلها إني عروس او رايحة عرس ------- ميته على العرس ^_^

ومرة السنة إلي طافت أيام المدرسة كنت خايفة من المعدل وكان علي امتحان فيزيا آخر

السنة وكنت دارسة عدل لكن في الليل نسيت كل شي وقمت أفتح الكتاب وأقرا صفحة أول

الكتاب وصفحة آخر الكتاب ومرتبكة وحالتي حالة وقلت خلاص بنام والله كريم يوم نمت حلمت

اني في قاعة الامتحان وايدي صار فيها حساسية وماقدرت اكتب مع اني عارفة كل الاسئلة

وقمت أنادي البنات محد يرد علي بعدين قمت أصيح وفزيت من النوم ..... كانت الساعة

3الفجر ( انا كنت نايمة 12 بليل) ومن الخوف مانمت وحطيت كل كريم عندي على ايدي

بس الحمدالله دخلت الامتحان وحليته وغشيت شوي وافتكيت من الفيزياء ومدرسة الفيزياء

إلي ماكانت تشتهي تشوف خشتي

في عندي أحلام ثانية اخليها في رد ثاني

[.Atlas.]

وعليكم السلام ورحمة الله وبركاته ^^

خووش أحلام لينا

أفلام رعب معتبرة

بالنسبة للأحلام ...نادرا ماأحلم ..وإذا حصل هالشيء ...دايما تكون مرعبة:shock22: ...يعني مثل هالأحلام بس ..

إني دايما أحلم إن فية أحد بيؤذيني

واقعد بس أصيح وأنادي بس ماكو فايدة -_-

الغريب إني ماأذكر تفاصيل الحلم

بس هذا يعتبر تحسن

قبل ما اذكر الحلم كلش...أذكر إني حلمت ...بس مادري بشنو أو بمنو

أما بالنسبة لأحلامج فهي نتيجة لتاثير التفكير بالدراسة ^^

إسأليني <<< خبرة البنت