بسم الله الرحمن الرحيم
اخواني
البارحة أنا رحت السوق
و رحت لمركز كابول
أنا طلبت دونكي كونغا
بس...........
تفاجئت
أشوفه جايب كرتون فيه طبلة
أنا قلت: أخوي أنا أبا اللعبة
هو قال: اللعبة مع الطبلة في صندوق واحد
أنا استانست و السعر كان مكتوب 285 درهم
اشتريته على طول مع ميجا مان X آر بي جي
و رحت البيت و ركبت الطبلة و شغلت دونكي كونغا
خل نوصف لكم الطبلة:
-منظرها جميل و الحجم صغير نوعا ما
-ملمسها خشن شوية
-في زر Start في النص و فوقه ميكرفون حق التصفيق
عيوبها:
عيبها الوحيد هو الميكروفون
الميروفون حساس جدا
خل نفترض أنك تطبل أثناء اللعب ، بس اذا عطست الميكرفون يسمع العطسة و يحسبها صفقة
علشان جي خلك ساكت طول اللعب و حاول ما تكح أو تعطس أو تسولف أو ألخ ........
تصوروا أني جربت أوقف 8 أمتار بعيد عن الطبلة أثناء اللعب و صرخت
و الميكرفون سمعها و حسبها صفقة !!!
لازم تكون منتبه ، و المشكلة أن منافسك يمكن يخرب عليك
يقعد و يصرخ و يخرب عليك
ثانيا: الأغاني
الأغاني رائعة
و أحلى الأغاني هي
- بوكيمون ، و هي نفس أغنية مقدمة المسلسل بالانجليزي
- We Will Rock You و هذي الأغنية من فرقة Five المشهورة ، ولكنها ليست صاخبة للأسف
يعني مثل الي في ونينج ايليفن.
- زيلدا و مافي لحن أحلى منه ^^
- ماريو
هذي أحلى الأغاني عندي ، بس يارتهم حطوا أغاني سونيك ، خصوصا أغاني هيب هوب مالت نكلز
و في أغاني سخيفة حق الأطفال ><
أسلوب اللعب :
أسلوب اللعب ممتع و رائع ، خاصة بالطبلة
أنا أنصحكم بشدة أنكم تشترونها مع الطبلة
بدون الطبلة اللعبة ما تسوى شي
أي سؤال أو استفسار هذا موضوع الأخ spy
http://www.montada.com/showthread.php?t=311167
و صدقوني
هذي من أحلى الألعاب على الجيم كيوب و أنصحكم بشدة أن تشتروها
و طبعا الشركات المنافسة راح تقلد
و يسوون طبلة خاصة ( حسب توقعي )