ختم القرآن في الشهر الكريم

[Arsene Lupin]

السلام عليكم و رحمة الله و ربكاته

بسم الله...

أولا أبارك لكل الأمة الإسلامية قدوم الشهر الكريم... شهر رمضان... كتب الله أجره لنا لا علينا...

كل ما يمر علي شهر رمضان أتحمس اني أختم القرآن... على اني أختم في كل يوم جزء. لكن دايم أنتصف في الشهر تقريبا و خلاص أوقف.. أصير أقرا في الاسبوع جزء

الهدف من هذا الموضوع هو التعاون على ختم القرآن الكريم... و نكون مع بعض عشان يقل التخاذل و يزيد الحماس للقراءه.

أي واحد عازم على ختم القرآن أتمنى يرد في الموضوع و يقول انه راح يشارك معنا... و راح تكون فيه قائمة بأسماء الأعضاء المشاركين في ختم القرآن... و كل ما يعدي يوم راح أكتب قائمة الأعضاء المشاركين كلهم و كل واحد جنبه أكمل الجزء او لم يكمل .

الهدف من هذا ان الواحد يوجد شي فعلي يربطه بقراءة القرآن و ما يصير يتخاذل.

أحيانا يوسوس الشيطان للواحد و يقول لا ما راح أشارك هذا رياء... القرآن بيني و بين ربي. صحيح القراءة بينك و بين ربك... لكن الواحد يقدر يخلص نيته و يشارك مع الناس ما فيها أي شي أبدا. الهدف هو فقط انك تكون مع مجموعه أشخاص يقرؤون القرآن و يشجعون بعض.

الله سبحانه يقول "للرسول" عليه الصلاة و السلام: (و اصبر نفسك مع الذين يدعون ربهم بالغداة والعشي يريدون وجهه ولا تعدو عيناك عنهم تريد زينة الحياة الدنيا، ولا تطع من أغفلنا قلبه عن ذكرنا واتبع هواه وكان أمره فرطا) (الكهف 28)

لاحظ الكلام هذا موجه لأشرف الخلق... نبينا محمد عليه أفضل الصلاة و أتم التسليم. يأمره بأنه يجبر نفسه بالالتزام مع الطائعين لله... لأن هذا أيضا يدفعه للاستمرار في الطاعه.

عموما... أتمنى من المراقبين انهم يثبتون الموضوع طوال الشهر الكريم... و أي واحد يتمنى التسجيل معنا ياليت يرد على الموضوع... و انشالله راح أكتب قائمة بأسماء المشاركين... و كل واحد كل ما ختم جزء يرد يقول ختمت الجزء...

و راح تكون المتابعه يوميه... يعني على كل واحد انه يختم جزء كل يوم

و انشالله نشوف من يصمد معنا إلى آخر الشهر

و احتسبوا الأجر في هذا كله... و انشالله يكون انجاز هائل ينور الفراغ و الملل الي يكون في حياة الواحد.



و أيضا ممكن نذكر بعض الآيات في الأجزاء الي قريناها... آيات تكون أثرت في الواحد... ممكن يكتبها و يتكلم عنها أو نتناقش عنها.. و هكذا دواليك

و في الأخير... مبروك عليهم الشهر مره ثانيه...و الله يوفقنا جميعا لختم القرآن...

سلامي للجميع

(لا تنسون تسجلون )

[..daredevil..]

وعليكم السلام ^ـــ^

انا صراحة ما اقدر اختم القران هذي السنه... لان عندي دورة في شركة..

وعلى العموم بس حبيت امر على الموضوع وابارك للكل على الشهر الكريم..

والله يوفق الجميع..

[RPG_master]

كنت أفكر بالموضوع أمس, فلذلك ابسجل

[Arsene Lupin]

وعليكم السلام ^ـــ^

انا صراحة ما اقدر اختم القران هذي السنه... لان عندي دورة في شركة..

وعلى العموم بس حبيت امر على الموضوع وابارك للكل على الشهر الكريم..

والله يوفق الجميع..

عليك جمجمه



يابو الشباب أنا عندي 18 ساعه كرف على خشتي هنا... و ما فيه شي اسمه عطله ... عادي كل الناس تقدر توزع وقتها بين شغل و قراءة قرآن...

عموما بكيفك و الله يوفقك

و الله يبارك فيك


شوشان.. You are in



راح يكون فيه فلكه للي يعدي يوم و لا قرا الجزء المطلوب

[Arsene Lupin]

و نقطه للي يخاف ما يكون عنده وقت... كل بعد صلاة اغصب نفسك و امسك المصحف و اقر صفحتين بس!!!! (والله ما راح تعدي بسرعه و احيانا تحس ان ودك تكمل)... لا تزود على نفسك عشان ما تمل بعدين.. و خل عندك وقت معين في اليوم تقرا فيه فترة طويله شوي... تكمل فيها باقي الجزء.

يعني الجزء 20 صفحه... خمس صلوات كل وحده صفحتين... يعني يبقى من الجزء 10 صفحات... تكون القراءة نص الي كانت عليك لو ما قريت شي في الصلوات.

أكيد فيه ناس كثير تقدر تنظم وقتها أحسن... هذا مجرد اقتراح... جربته فترة و صراحه ولا أروع...



عموما... هذي هديه لكم... خلفية ابداع من المبدع "خالد ولد ابو خالد" (عمره بحدود 12 سنه)

Enjoy

[The Noble]

راح يكون فيه فلكه للي يعدي يوم و لا قرا الجزء المطلوب

ههه ذكرتني بحلقة التحفيظ


المهم أنا معكم و اذا انتهينا نحاول نختمه مرة ثانية ان شاء الله..

[Arsene Lupin]

راح يكون فيه فلكه للي يعدي يوم و لا قرا الجزء المطلوب

ههه ذكرتني بحلقة التحفيظ


المهم أنا معكم و اذا انتهينا نحاول نختمه مرة ثانية ان شاء الله..

ههههههههههه مسوي شده

انشالله نفكر فيها لاحقا... أهم شي حاليا كل واحد يكون همه ختم القرآن مره في رمضان.

القائمة حتى الآن:

Arsene Lupin
RPG_master
The Noble

[RPG_master]

راح يكون فيه فلكه للي يعدي يوم و لا قرا الجزء المطلوب

معليش تذكرت اني معزوم برمضان ما اقدر اشارك

[Arsene Lupin]

معليش تذكرت اني معزوم برمضان ما اقدر اشارك

تعاااال

(تعوذ من ابليس خلاص لا نخرب الموضوع ههههههههه )

[D0WN~T0WN]

ياخي والله شي عظيم ختم القران بذا الشهر الفضيل بس وين الصامل؟

كل سنة اقول باختم وانا من جنبها للاسف
والدراسة الله يقلعها لها دور في اشغال الواحد(مشكلة اللي معدلاتهم 4 ونص)

الله يعين

[أفلاطون]

فكره جميله جدا

سجلني معكم..==>بس يمكن ما احضّر معكم يوميا


فيه اقتراح بسيط.. وهو ان اللي يقرا القران لو يقرا معاني الايات وتفسيرها يكون ازين عشان تصير اقرب واوضح للفهم والتأثير..


واكرر اعجابي بالفكره مره ثانيه ..

[Arsene Lupin]

ياخي والله شي عظيم ختم القران بذا الشهر الفضيل بس وين الصامل؟

كل سنة اقول باختم وانا من جنبها للاسف
والدراسة الله يقلعها لها دور في اشغال الواحد(مشكلة اللي معدلاتهم 4 ونص)

الله يعين

هلا والله بولد شقرا

ههههههههه والله مثلك... استغفر الله ما قد قدرت اختم القرآن في رمضان... دايم أغرز في النص.

عشان كذا السنه هذي أبي أغصب نفسي... ففتحت هالموضوع... و بإذن الله ما راح أتهاون أبد.

عموما حياك الله لو ودك تحاول و تشارك معنا. اغصب نفسك و شف النتيجه بعدين... و انشالله ربي راح يجازيك على نيتك

[Arsene Lupin]

فكره جميله جدا

سجلني معكم..==>بس يمكن ما احضّر معكم يوميا


فيه اقتراح بسيط.. وهو ان اللي يقرا القران لو يقرا معاني الايات وتفسيرها يكون ازين عشان تصير اقرب واوضح للفهم والتأثير..


واكرر اعجابي بالفكره مره ثانيه ..

الله مير يسلمك

مشكور على اقتراحك.. و طبعا هذا راجع للي يقرا. لكن ياليت اذا الواحد بيشارك في نقاش الآيات انه يكون كلامه هو. التفاسير كلها موجوده في كل مكان و كلنا نقدر نقراها. لكن الهدف هو ان الواحد بنفسه يصير يتعمق في فهم الآيه و يستشعر معانيها... أكثر من انه مجرد يفهم المعنى.

بالنسبة للحضور يوميا... عادي... بس اذا رجعت بعد يومين أو ثلاثه أهم شي تكون ماشي معنا في القراءة


القائمة:

Arsene Lupin
RPG_master
The Noble
أفلاطون

[A Step--ForWarD]

السلام عليكم ورحمة الله وبركاته...

أول شي أشكرك أخوي Arsene Lupin على إهتمامك وفكرتك الرائعة يبيلنا أحد يشوتنا علشان ننتظم :buttkick: وانا ان شاء الله ناوي أختمه الشهر هذا بإذن الواحد الأحد ...سجلني الله لا يهينك... وهناك عدة طرق للي يبي يختم القرآن...
1-لمدمن كمبيوتر فيه طريقة مفيدة وهي إنك تشتري CD للقرآن كامل وممكن تقراه عن طريق الكمبيوتر (القرآن الكريم تلاوة وتفسير الشيخ الحذيفي) ..
2-وطبعاً ممكن تقراه عن طريق الفلاش في موقع رائع جزاه الله خير اللي سواه القرآن بالفلاش مجرد اختار كلمة المرتل وبيدخلك على الفلاش...
3- وأيضاً عندك هذا الموقع الشبكة الإسلامية .
4-وبعد تقدر تحمل القرآن الكريم بصيغة PDF وتعرضه عن طريق برنامج adobe acrobat ...
5- يمكنك الإستماع للقرآن الكريم.
واللي عنده طرق اضافية يضيفها..

[Kubaj]

Meaningful ideas lead to stickiness

thus.. I stick