صدقني مات كل اللي فات
و بقيت بعيش على ذكريات
و مسيره قلبي هيداوي جرحه
و لا يوم هيبكي على حب مات
ايوة هداوي الجرح و هنسى
و لازم قلبي يلاقي المرسى
مرسى ترجع حب زمانه
مرسى تقول لقلبك ينسى
ينسى اني في يوم هرجع له
و اني هحن لضعف مشاعره
قلبك زرع الجرح و لازم
يحس بجرحه بعد ما زرعه
قلبك علم قلبي الجرح
و ازاي يعرف ينسى الفرح
و لازم بعد ما زرعه يعيشه
عمر الجرح ما يطرح فرح
قلبك قاسي و زي ما خان
عمره في يوم ما يحس امان
بكرة تحن لاول مرة
حبيت فيها بجد زمان
لكن ندمك مش هيفيدك
لما تحس ببعد حبيبك
بس انت اللي اخترت حياتك
ايوة دموعك تبقى نصيبك
صدقتني ؟
مشاركة: قصيدة شعر حزينة ( صدقني ) اول اشتراك اخبروني برأيكم