رسومات مبتدأ..... نقدكم!

[Mista Koo]

السلام عليكم

بما أني من هواة الرسم حبيت انشر رسماتي في المنتدى لاحصل على بعض التوجيهات :icon6:
ولكني استغربت كل اللي يحطون رسوماتهم محترفين ما في أي مبتدأ وللا أنا أول واحد

الأولى رسمتها ثم رسمت الثانية بعد أن قريت بعض الدروس في المنتدى

وأنا ما أعرف أرسم يد طبيعية فما رسمت لهم يدين

فضلا لا تبخل علينا بتعليقك

وشكرا

[oniAkuma]

حلو رسمك بس ناقصك تمرين واحنا بنساعدك والشباب ما يقصرون

[الزاحف الأرضي]

حلو رسمك بس ناقصك تمرين واحنا بنساعدك والشباب ما يقصرون

مثل ما قال

[Mista Koo]

شكرا على آرائكم ^_^

بس ممكن تحددون بالضبط ايش لازم أسوي؟؟

كمشور

[orange road]

محاولاتك حلوة اخوي
يعطيك العافية عليها..

لكن يبيلك تمرين شوي..

اول شي لازم تزيد حصيلتك البصرية.. يعني لازم يكون في مخك أرشيف حق أغلب الأشياء انك تقدر ترسمهم بدون ما تجوفهم.. ومعنى هالكلام انك لازم تجوف رسوم غيرك.. وبكمية كبيرة.. والنت الحمدلله ما تقصر.. تقدر تدخل مواقع المحترفين والهواه وتخزن رسومهم وتتفرج عليهم براحتك..

بعدين جوف الرسوم اللي تعجبك وبسيطة وحاول تنقلها.. النقل تدريب وايد زين وللحين استعمل هالاسلوب علشان احسن رسمي..

ركز انت الحين على هالشي.. وحاول انك تنقل اشياء وايد.. الأيادي.. الويوه.. الملامح.. ركز على تقاسيم الجسم..
بعد ما تنقل رسوم غيرك بتلقى ان يدك صارت اخف من قبل.. وبتلقى انك تقدر ترسم اللي تبيه

بالتوفيق.. لكن تذكر التدريب ثم التدريب

[hohohohoho]

انا عندي اقتراح

انتحر

[Mista Koo]

خلود
شكرا على النصايح بس حاليا اختبارات ان شا الله نحاول بعد الاختبارات ^_^

هوهوهوهوهوهوهو
"خذوا الحكمة من أفواه الحكماء".... وليس السفهاء >_<

[Rewayah]

هوهوهوهوهوهوهو
"خذوا الحكمة من أفواه الحكماء".... وليس السفهاء >_<

صدقت!

وإلى الأمام أخوي.

رسوماتك جميلة وهادية وفيها ذوق.


حياك.

[auronxxx]

رسوماتك تذكرني ببعض الكرتون الغربي (لا يكون خذوا رسماتك بدون ما يقولون لك^^)

[Tokimeki]

مثل ما قالت خلود احسن شيء في البداية انك اتشوف مجموعة كبيرة من الصور و الرسمات و تحاول تنقل الرسومات السهلة و صديقني ايدك راح تتعود و تتحسن ^___^
و بالتوفيق ان شاء اللة ^^

ملاحظة :
حتى انا اكرة رسم الأيد و اغلب الوقت ارسمها معوقة

[Mista Koo]

كمشور لكم اخواني على آرائكم ^_^

بس حاليا اختبارات باقي اسبوعين >_<

أول ما أخلص ان شا الله اوريكم إبداعاتي ~_^