Talents

[Trapped Inside]

السلام عليكم ^^ ..

اخباركم .. اخبار رمضان معكم ^^ ..

مره اخرى اتيت لكي اقلقكم بخرابيطي ^^ .. الي مثل وجهي >>> مب لازم تقولون حلوه .. ادري


" مواهب " ..

مواهبك ؟ .. مواهبك في السابق ؟ .. تتمنى ان تكون موهبتك ؟

مو شرط لازم مواهب .. يعني شي كنت مبدع فيه .. يعني حتى لو كان شي كنت تحبه وكنت جيد فيه .. عادي^^ .. يعني اشياء كنت تتميز فيها ^^ ..

Talents In The Past

- الرسم ..بحصة الفنيه طبعا لازم ترسم .. وما اذكر ان رسماتي كانت رائعه .. او اني محب للرسم الى ذيك الدرجه.. بس الاستاذ اعجب برسماتي.. وصار يخليني اشترك بمسابقات الرسم بالمدرسه ..

ومره صارت مسابقه للمملكه .. وخلاني اشترك فيها .. وارسل رسوماتي للمسابقه .. بس ما اذكر وشي النتيجه ابدا -_- ..

رسماتي اغلبها .. تكون عن المطارات .. مدري ليش .. بس كنت احب ارسم طيارات بالمطار .. والسيارات الي تودي الشنط .. والناس الي يشتغلون .. ووو الخ ..

بالمناسبه هذا الكلام وانا بثالث ابتدائي ..

الحين الرسم ميت عندي مره .. للاسف كان ودي ارسم الحين .. بس ما اعرف ارسم ابدا ..


- كنت لاعب كوره ممتاز .. من افضل لاعبي المدرسه بمركز الوسط .. وصاحب القدم اليسرى الذهبيه .. ..

طبعا كنت اشارك بدوري المدرسه .. وكنت اناول دايما .. ما كنت اناني ابداً ..

لدرجة لو كان المرمى قدامي فاضي .. وجمب واحد .. كنت اناوله ..

هذا الكلام بالابتدائيه .. يوم جت المتوسطه .. قل اهتمامي بالكوره .. حتى الناس كل العب معهم دايم (اقاربي) .. ما صاروا يحبون الكوره .. فـشوي شوي .. صرت اتركها .. والحين صار لعبي عادي جدا ..


- حبي للفديز جيمز .. وكنت جيب فيها .. افضل واحد من عيال عمي .. بس من خوالي هذا شي ثاني -__-

- الرياضيات .. كنت احب الرياضيات .. وكنت ممتاز فيها .. دايم اجاوب واشارك .. والاستاذ دايم يقول " اكيد قاري الكتاب قبل " ..

وغيرها .. هذا الي ببالي الحين ^^ ..

Talents Now

-_______________- .. NONE

Talents u Wish

هممم .. الرسم .. صراحه صرت احب الرسم .. وودي اكون رسام ..

التاليف .. لي مده وانا اقرا كم شي ادبي ( الله يخلي انجلز نايت -_- ) .. وبدت تشدني اكثر واكثر ..

طبعا ودي اكون رياضي .. ومتقن لكم رياضه .. سله وقدم وسباحه -___- ..

وودي اكون هكر


Sooo .. What about u ? :icon6:

[The Noble]

وعليكم السلام


والله رمضان حلو وجميل بالنسبة لي لأنه اول رمضان اقضيه وأنا ما وراي شي الحمد لله <<< ما يبي يغيظ أحد

بخصوص المواهب فهي كثيرة


بالمدرسة كنت أحب الرسم يعني رسمي كان لا باس فيه وكنت اشارك بالمعارض اللي تسويها المدرسة

بس ولا مرة أخذت جائزة الا مرة وحدة وما كانت عن الرسم لكن كانت عن عمل فني وقتها سويت مسجد من الفلين والكرتون هذا الكلام في أولى متوسط

والصراحة الحين ماعدت أرسم

لكن كان اكثر شي يعجبني هو رسم الأشياء اللي قدامي مثلا مزهرية كوب مويه حتى يدي مرة رسمتها


الكورة حبيتها فترة وكنت ألعب يوميا بالحارة مع العيال حتى مع اخواني بالبيت :icon6: << وهات يا تكسير

واستمريت بلعب الكورة الى اولى ثانوي ثم بديت احس بالملل ولا عاد أحد من الشباب لعب فأهملت هذه الرياضة


وأنا صغير كانت هوايتي الأولى هي متابعة أفلام الكرتون أو الأنمي زي ما تسمونها كنت ما اترك شي لا بايخ ولا زين

وكنت أطلع واشتري أشرطة فيديو واتابع وأشوفها خمسين مرة

وبعد كنت أحب الدعايات كنت أتابعها بشغف

لكن كل هذا مر و ولّى

اما الفيديو جيمز فكنت احبها موت وكنت ألعب بالساعات بدون ملل وأعيد اللعبة اذا أعجبتني حتى لو 40 مرة والله بدون مبالغة وكنت ألعب واحد بين اصحابي واخواني وبالذات بالألعاب الفردية :icon6:

أصلا ما سجلت بالمنتدى الا لما اعجبت بمنتدى البلاي ستيشن وكنت أشارك هناك دائما وبحماس وأكتب مواضيع الخ

وعندي تقريبا كل الأجهزة القديمة والحديثة

والحين خف لعبي كثير ماعدت لعبت الا نااادرا واذا كانت اللعبة تستاهل جدا زي ميتل جير 3 اللي حتنزل قريبا بلعبها أو ريزدنت ايفل4 على الكيوب الجديدة كمان بلعبها وسايلنت هيل هاللعبة تشدني كثير..

لكن هواياتي وموهبتي الحالية محصورة في النت فقط لا غير ... والكومبيوتر بشكل عام

اما مواهب اتمنى اني اتلقاها او استمدها مستقبلا

فهي اتقان الشبكات وعملها بشكل كامل وما ودي تفوتني لا كبيرة ولا صغيرة فيها اتمنى اصير موهوب في مجال الكومبيوتر وبث


شكرا على الموضوع

[Angel whisper]

مواهب ... وين انا والمواهب .. -___-
رسم .. ما اعرف ارسم حتى بطه ..
كتابه .. اسلوبي تعبان .
رياضه .. اكرهها من يوم ما كنت صغيره ..

ممن شي واحد فيني ابقدر اعتبره موهبه .. وهو اني اقدر احل مسائل حسابيه طويله بدون ما استخدم آله حاسبه وبسرعه .. يعني مب طويله وايد ومعقده -_- بس بطول معقول ..

وخاطري ارسم عدل

وثانكس عالموضوع .. نشيط ما شاء الله عليك ^^

[NsaN]

امممم..كنت و لا زلت احب الرسم و امارسه..بس للأسف مستواي جداً تعيس -___-..
اكثر شي اعرف ارسمه هو الكاريكاتير و الوجوه الكرتونية العبيطة..
و حالياً قاعد احاول اتعلم ارسم على طريقة المانجا..

هممم..مادري اذا هاي تعتبر موهبة و لا لأ..بس عندي و الحمدلله قدرة كبيرة على الاقناع..و خاصة يوم تكون المسألة متعلقة بمقلب..
و بعد احب اذا قعدت مع واحد اني احلل شخصيته (ادري تقولون معقد ) بس بالعكس..المسألة مسلية وايد..
خاصة اذا طلع كلامك عنه صحيح..Kinda Makes U Feel Smart..

بالنسبة لموهبة اتمنى انها تكون فيني..
الصراحة ودي احسن مهاراتي الكمبيوترية..
و بعد ودي اتعلم العزف عالكمان..و البيانو..

مشكور اخوي على الموضوع و يعطيك العافية..

[Lezard Valeth]

Angel whisper

حرام عليج آينجل شنو كل هذه المبالغة والتشائم -_- , حبطتيني معاج لاني مثلج ما اعرف ارسم وجه حتى , اما الكتابة فخطي يصنف من الخطوط الكوفية من وضوحه , اما الرياضة فهذا الشي الوحيد الي اقدر اقول فالح فيه احب التايكوندو والضرب بالعالم والسباحة بعد

وما شاء الله مخج حسابي ! , على الاقل احسن مني كل الي فالح فيه هو الادب -_- , بالحساب كله يا جيد يا مقبول يا ساعات بالحظ جيد جدا

اما بالنسبة لي فاقدر اقول اني عديم المواهب , الشي الوحيد الي افلح فيه شوي هو الادب في تأليف الشعر وقصص وفلسفات مصرقعة , وبعد اقدر اقول فيني من الله حب لعلم النفس وعندي نوعا ما خبرة فيه ^^

وثااانكس ترابد آنسايد على الموضوع الكوول , صاير كوول هل ايام

[.Atlas.]

وعليكم السلام ورحمة الله وبركاته^^

أما عن مواهبي قبل...اممم

هي موهبة غريبة شوي

قبل كنت اموت على الهندسة ...وقصدي هني تفكيك الالات والاجهزة وتركيبها من جديد

ويافرحتي لخرب شيء في بيتنا

اقوم اهندس فيه لين ماعرف اشغله

اللحين اندثرت هالموهبة والسبب بلا فخر هو الكسل

اماالرسم قبل رسمي تعبان -_-"...واي شيء ارسمه يطلع يضحك لو ان الرسمه حزينة

بس اللحين الموهبة في تطور وتحسن بس اعرف انقل عدل...انسخ الرسمه اللي قدامي تمام

المواهب اللحين شبه معدومة

اما المواهب اللي ودي اتعلمها عدل هي اللي تختص بالكمبيوتر والانترنت وشغلات البرمجة

حدي غشيمة فيها

مشكور اخوي على الموضوع

[مصرقع اس اس]

انا ماعندي مواهب الاشي واحد افلحت فيه

....................................الصرقعة وكتابت القصص..............................

[Snake Eyes]

انا ماكان عندي مواهب وليس عندي الان مواهب
اما اللي نفسي اتعلمه هو:
الرسم
البرمجة

نفسي اطور كتابة القصص عندي لاني بديت خلاص بس قصص مضروبة

[Yamato]

لا تذكرنا باللي مضى ونتحسر عليه الحين يا خي...

ايام الاعدادية كنت موهوب بالرسم... اتذكر على بداية السنة كنت راسم رسمة لبدوي في الصحراء وكنت مضبط فيه كل شي حتى ناقته كنت راسمه صح... والظلال.. لدرجة ان اتذكر انه استاذ الرسم قالي راح اتبناك واوديك معاي لتونس.. عندنا مراكب هناك بوديك البحر... >>>> عندي اعتقاد انه هذا سبب تراجعي بالرسم..
وحاليا بديت ارجع للرسم.. لدرجة اني حتى على اوراق محاضراتي قمت ارسم عليها...

وحتى القصص كنت اكتبها واتذكر اني كتبت قصة تقول كانها فعلا طالعة من عالم الاربجي.. وكانت حق مسابقة في مجلة ماجد... والله يوم شفت قصص الناس اللي نشروها انصدمت.. كل واحد كاتبلي قصة انسانية ولا اجتماعية على قولتهم.. بالطبع كان عمري وقتها يمكن 16 سنة او ما شابهه.. والله انا حسيت بالندم اني كتبت ذيك القصة.. قلت لنفسي اكيد لما شافوها قالو شو هالياهل.. مع اني متاكد انه ولا وحدة من القصص اللي نشرت كانت من راس صاحبه اكيد حد ساعده.. >> بعده متاثر بالموضوع..

ولما دشيت الجامعة.. كانت عندنا محاضرة للغة العربية والدكتور طلب منا موضوع تعبير.. وانا كتبتله قصة يا ناس..
لدرجة انه قال انه راح يطرشها لجريدة الاتحاد.. وبالفعل طرشها ونشروها في الجريدة.. شو كنت فرحان وقتها.. والاحلام تطير براسي.. واحس عمري صرت مشهور.. لووووول ..^^..

بالطبع حاليا وفي وقتنا الحاضر المر الكئيب.. ما اقول غير انه مواهبي دفنت...

وما اتمنى غير انه هالمواعب ترد لي مثل اول...

وتسلم على موضوعك يالمحبوس داخليا.. لوول

[Angel whisper]

Angel whisper

حرام عليج آينجل شنو كل هذه المبالغة والتشائم -_- , حبطتيني معاج لاني مثلج ما اعرف ارسم وجه حتى , اما الكتابة فخطي يصنف من الخطوط الكوفية من وضوحه , اما الرياضة فهذا الشي الوحيد الي اقدر اقول فالح فيه احب التايكوندو والضرب بالعالم والسباحة بعد

وما شاء الله مخج حسابي ! , على الاقل احسن مني كل الي فالح فيه هو الادب -_- , بالحساب كله يا جيد يا مقبول يا ساعات بالحظ جيد جدا

اما بالنسبة لي فاقدر اقول اني عديم المواهب , الشي الوحيد الي افلح فيه شوي هو الادب في تأليف الشعر وقصص وفلسفات مصرقعة , وبعد اقدر اقول فيني من الله حب لعلم النفس وعندي نوعا ما خبرة فيه ^^

وثااانكس ترابد آنسايد على الموضوع الكوول , صاير كوول هل ايام

هههههههههههه بعد شسوي .. هاذي الحقيقه المره -____-
اممم خطي يقولون انه وايد صغير وفيه وايد curves بس معقول ..
انا في الرياضيات فالحه بس في الاساسيات .. اذا تعمقت وايد .. اغرق -__-
وعادي شو فيه الادب؟ وناسه ..
"A bookworm"
and you are talented .. you know why

[hitler is back]

mmmmmmmm lemme see
























لحظه








خلني القى شي ينقال عنه موهبه








اوكي يمكن......تصدق ذا السؤال ماطرى على بالي!!

تحطمت يوم بديت افكر فيه

بس يمكن بالفيديو جيمز بعض الالعاب اكون فيها فنان...او تجيني فتره "افتل"

غيره يمكن.........تنسيق حفلات اصلح!!!!!!!!!!!

[Argandir]

الرسم...

ماابغ اتباها لكن الرسم عندي موهبة ربانية...

اخذت مرة مادة اختيارية رسم...وعلى الرغم من اني كنت وقتها مارسمت لي اكثر من سنة...

لكن مع كذا في خلال اسبوع كانت لوحاتي الي اقدمها من افضل لوحات الفصل...حتى الدكتورة نفسها كانت تسئلني اذا كنت ماخذ فصول رسم من قبل ...

بس بصراحة انا نفسي مهمل هالهواية بالمرة...يعني تجيني هفات ابداء ارسم بشكل يومي...وتمر علي شهور وبعض الاحيان سنين وانا مامسكت قلم ارسم به...


الكتابة...

فيني حب تئليف القصص...لكن ماادري هل فعلا انا موهوب اما انسان هاوي لا اكثر؟؟؟


الاخراج...

يوووووووووووووووووووووه...ياني احب هالشغلة بشكل

كنت يوم اني صغير...كل اجازة صيفية اجمع عيال عمي واقول يالله بنسوي فلم...واقعد امسك كامرت الفيديو واصورهم

لولا ان الشغل في الافلام حرام...كان يوم رحت امريكا بدل ماادخل دراسة الاعمال...كنت بدخل كلية الفنون...

لكن قدر الله وماشاء فعل

[SkaveN]

موضوع جميل..
كنت موهوب كروياً .. لاعب فذ في دوري المدرسة
هذا لي كنت فالح فيه ..
الحين اتكتك على الكمبيوتر .. برمجة و حولها ..
احاول احسن مستواي..لاني بالجامعه ناوي ادخل كمبيوتر
اما عن الفيديو جيمز ... كانت هواية .. موب موهبة

[كارولينا]

أنا كان عندي موهبة الرسم وكنت ارسم أفلام الكرتون

وعندي هواية تجميع الخواطر وتنظيمها في ملفات بشكل حلو


أما الان فما عندي شي

ومستقبلاً أتمنى اصير مبرمجة حاسب

[Justine]

مواهب.
مواهب..
مواهب...

يا ولدي انا من الناس اللي ما عندهم ابدا مواهب.. يعني مجرد كائن عادي جدا يمشي على الارض بقدمين..

سابقا ايام المتوسطة ما كنت ماهر بالرسم.. لكن كنت جيد في الاعمال الحرفية.. مثلا النقش على النحاس و تطريز مدري ايش.. استاذنا كان يقول اني من افضل اللي يسووا ذي الخرابيط..

شي انا طيب فيه.. يمكن الاستماع للناس.. بصراحة كثير منهم يشتكوا و يحطوا همهم علي.. و احيانا تطلع الحلول من حيث لا ندري..

يمكن ما تعتبر موهبة لكن بدأت أحترف الوينينج اليفين.. صاروا المتحدين يتوافدوا و اشتهرت بين اصحاب اصحابي XD

و شكرا على الموضوع يا فتى الادغال <<<< ما يدري انه صايم