سلام عليكم ^^
اول شيء احب اقلكم اخيرا اني قدرت العب اللعبة ^^
بس انا عن نفسي ما اعرف في اي سيرفر انا -__- <<< اصلا ما تعرف شيء
واستفساري لهذا اليوم هو :
اول شيء بقلكم اللي صار ^^
خلص الابديت قبل صلاة المغرب بحق نص ساعة
بعدين قدرت العب
سويت الشخصية
واخترت باستوك كمدينتي الاساسية ...
المهم
جاتني محادثة مع اثنين في البداية وقالولو بما انك جديد روح خذ شوية فلوس تبدأ فيها وخذ سلاحك على ما اعتقد
المهم .. في هذي اللحظة اذن المغرب .. فما قدرت اقاوم صراحة .. ركض على السفرة ^^ وقلت بعد الصلاة اكمل
ولا جيت بعد ما حمدت ربي على النعمة الاقي النت فصل وخرج من اللعبة .. قلت مو مشكلة بدكة اخش ^^
وخشيت اليوم والمصيبة اني مو فاكر فين اروح علشان آخذ اغراضي ولا كيف وولا شيء
فانا الحين عايش بدون فلوس (بس معي 10 -_-)
وبدون سلاح .. اروح اقشر بصل احسن لي
هذي هي سالفتي .. فمو عارف ايش اسوي الحين .. جيت كلمت واحد طلع ياباني -__-
فالله يخليكم واحد يقلي ايش ممكن اسوي لانه حتى اتضارب مو عارف -__-
قبل شوي تلطشت وانا ما ادري -__-
قلت بما اني مو عارف ايش اسوي فاحسن شيء استكشف .. وحضرتي رحت برة المدينة وقلت خليني اتمشى !
مريت جنب هورنت ما سوالي شيء .. حتى اول مرة اكتشفت انه ما عندي سلاح لمن خشيت في مضاربة معاه .. اول ما خشيت المضاربة اكتشفت انه ما عندي سلاح حطيت رجلي ! بعديت صرت امر من جنبهم ما يسوو شيء .. بعدين شفت نا طحاش قمت اتفلسفت قلت اكيد ما راح يسوي شيء كمان .. ولا الاقيه ضربني تيرمور .. حطيت رجلي ولا هو راي الين ما قتلني -__-
<<< سالفة على السريع :P
ايه صحيح وفي كمان شيء بسيط بس ابغى اعالجه ..
لمن اخش الاكاونت حقي تطلعلي الصور اللي في المرفق .. من فين اقدر اعدل المشكلة هذي ؟
آسف جدا كثرت عليكم كلام لكن لو ما كنت محتاج حل لما سألت ^^
ارجو الاجابة في اسرع وق ممكن ^^
وشكرا لكم ^^