فهودي (انا) يطب فوق الجمر .. وارفين تنقلب فيه السيارة .. وسورا تتكرفع وتنكسر ايدها...

**سكوال** · 20-08-2001, 10:04 PM

اممممم...

من فين ابداء ......

لقيتها ..راح ابداء من البدايه >>>>>>>>>>>>>>>>>>> هذا واحد مسوي خفيف دم

__________ وبعد هذة المقدمه الطويله .... سيداتي سادتي ..راح اخش بكم عرض في الموضوع__________

(المهم بدون احراج ..انتم تعرفون اني مااعرف اكتب مقدمات لمواضيعي)

امممممم...

ماادري ...

بس الصراحه ... خالجني شعور غريب بالأمس ......

بالظبط عندما عرفت ان حبيبتنا (سورا) تكرفعت من فوق الدرج وانكسرت ايدها....

خالجني شعور بالنصر ...

ايه نعم .. خالجني شعور بالنصر ..... والفرحه .... والابتهاج ...

لماذا ....... لست ادري...

ففكرت ...........

ليش مو كل اعضاء المنتدى ... يعلمونا بالظبط ... ايش الحوادث المؤلمة الي مرت عليهم في حياتهم ....

او الحوادث الي كانوا فيها على وشك الموت ..... وكانوا بيفكونا من وجيههم....

خلونا نستانس شوي .......

ومثل ماقال المثل \ مصائبو قومين ..عندا قومين حلوتون

اوكى ... كل واحد فيكم يقول لنا عن الحوادث الي اصابته ....

وراح ابداء بنفسي ..... (ماراح تفرحون كثير ..لأنه ماجاني غير حادثين)....

1_ كنت صغيرا انذاك ....... جالس اطارد في البران .....وكان اهلي حافرين حرفتون كبيره ومعبينها جمر عشان الشوي ....

ومن حسن حظي ..... انى كنت حافين .....( حافين = حافي ..ماعليه جزمه)

ومن حسن حظي ايضا... انى طبيت بوسط الجمر وانا واقف.....

والنتيجة ..... ثلاثة شهور بالمستشفى وشهرين ماقدرت امشي ........

2_ كنت مع اخي وحبيبي ..ارفينوه

وكنا راكبين مع احد اصدقائنا في جيب جديد فل كامل (متحسف عليه) ........ وراجعين من السفر

انا انتبهت ان اخي وحبيبي الصغير نايم ...... فقلت خلوني اصحيه بكل لطف

فإتفقت مع صديقي على اننا نمشي 160 وبعدين نجلس نخمس بوسط الشارع (كنا الفجريه والخط فاضي) .... عشان نخوف اخي وحبيبي ارفين

وبكل دفاشة وغشامه (قد شفتوا احد ينطل بجيب دفع رباعي ..لا ومن الزود ينطل بالفرامل abs) ....

فجاءة انقلبت بنا السيارة قلبتين .......

وطلعنا انا وارفين مثل الجن من تحت السيارة .. من دون ان يصاب احدنا بشيء ....(قولوا ماشاءالله) ..

وطبعا المصيبه طاحت براس صديقي ..... لأنه هو الي كان يسوق ...

.... بس .. هاذي هي اكبر مصيبتين مروا علي في حياتي الملئية بالمصائب.......

استانستوا الحين ...

يالله جاء دوري .... ابغى اوسع صدري عليكم ... كل واحد يقول لنا حادثة من الحوادث الي مرت عليه....

ملاحظة صغيره مره\

ممكن احد يشرح لي معنى كلمة ((خالجني)) .......؟؟؟

**smileface** · 20-08-2001, 10:13 PM

انا صار لي موقف في ايام حرب الخليج دخلت غرفة الغسيل تعرف غسالة البابطين هذيك البيضا الدائريه المهم كان فيها نشّافه ودخلت يدي فيها وهي تدور وارتفع جسمي عن الارض وصرخت اختي وجت امي وشالتني وودتني للمستشفى وطلعت بقعه وش كبرها في يدي في البدايه كانت حمرا وبعدين زرقت وبعد تقريبا شهر تحولت الى بني ومع مرور السنين صارت نقط سبحان الله كأنها صورة تين من داخل وبالرغم من مرور 10سنين الا ان اثارها مازالت موجوده

**TOO COOL** · 20-08-2001, 10:14 PM

انا مرة مع اخوي توه شاري له سيارة

كنا ماشين إلا يطلع لنا كابرس ويوقف بوسط الطريق واخوي تجاوزه بسرعه وفقد السيطرة على السيارة

وصدمنا في سور حديقه وراحت السيارة

بس المشكله ان كيس الهواء طلع بوجهي بقوووة وخوفني:واو:

**conanweb** · 20-08-2001, 10:14 PM

جا الاهبال وانا ابيه

خالجني الظاهر معناتها اختلط شعور او عانقني شعور

المهم

العن حوادثي
كان عمري اربع سنين وجاي مشتك ومسرعه الا بالعمود
وعندي 7 غرز براسي

والثانيه دعمتني سيارة وما صار فيني شي قمت ورحت البيت

والاخيرة قبل كم يوم

مسكت محول بيتنا وايدي مبتله وبنفطني ويحذفني مترين وراه

واغمى علي ودوني الطبيب وقالي لا تحرك ايدك لمدة اسبوع واكثر

وللأسف ايدي اليمنى

عسى بس وسعت صدرك

**سكوال** · 20-08-2001, 10:16 PM

كتب العضو (TOO COOL)
انا مرة مع اخوي توه شاري له سيارة

كنا ماشين إلا يطلع لنا كابرس ويوقف بوسط الطريق واخوي تجاوزه بسرعه وفقد السيطرة على السيارة

وصدمنا في سور حديقه وراحت السيارة

بس المشكله ان كيس الهواء طلع بوجهي بقوووة وخوفني:واو:

يا حرام....... انشاء الله الكمارو ماجاها شيء...

(للبدونج ..الكمارو هي سيارة اخو توكول)

**ارفين** · 20-08-2001, 10:16 PM

اقول تتذكر لما كنا في البر... وكنت انت وعيال عمي حافرين حفره عمقها مترين....

وتجي بنت عمتي تلعب علي تقول ( تعال داعس بالسيكل... وراح تطمر الحفره بدون ما تطيح فيها )

انا مخفه صدقت.... صراحه صدقت عشان عيونها مب لاني مخفه..... المهم واجي داعس بالسيكل....و

انشق ثمي وبغى ينقطع لساني وبغت تنكسر يدي... والسبب عشان عيون بنت عمتي

**سكوال** · 20-08-2001, 10:20 PM

كتب العضو (ارفين)
[COLOR=purple]COLOR]

[COLOR=purple]

انشق ثمي وبغى ينقطع لساني وبغت تنكسر يدي... والسبب عشان عيون بنت عمتي

والله انك نصاب....

مو عشان عيونها......

عشان التويكس الي بيدها....

**داج2222** · 20-08-2001, 10:20 PM

كخخخخخخخخخخخخخخخخخخخخ و الله من زود هالغشامه(من زينك يالدبشه تنتع بالثالث)

المهم عندي كم من لقطه حلووووه كذا علق عليها العلماء و قالو:يا فرحه ما تمت

1-مره من المراريت رحنا انا و بعض من الشباب للهافمون و معنا في اكس ار خليجي مسوين فيها نستعرض من قدنا و يجي السواق على باله بيطلع القص(السياره فلته و السواق عليمي)المهم و الله و يطلعها معد بقى الا شوي و الله عزم السياره راح و لا بعد وصل و ناكل لنا قلبتين حلوات اشوى اني كنت محشور بين دبين ما تحركت من مكاني

2-برضو مره من المراريت ايام الطفوله البريئه كنت قاعد عن خالتي بالرياض و جالس عند مسبحهم من الزهق عاد ايامها كنت غشيم من قلب سباحه جيت لقيت كوره تطفووو(فصيح انتا)على سطح المسبح و اجي ابي القطه و اتكرفس و اطيح طرييييييييييييييش دور علي 5 دقايق قاعد اطافش على حظي بعدها جاني زوج خاله بدري و يطلعني

**الجليله** · 20-08-2001, 10:24 PM

يومها كنت انا وماما وبابا نتفرج على الزير سالم اختي الصغيره شافت الناس ينطعنون وينقتلون
بعدين راحت المطبخ قالت للشغاله {اديني ثكينه} الشغاله {لي} اختي ماما تبغاها
ذي الهبله ادتها السكينه وجاتني وقالت لي اثمهان ابغى اقتلكي ماما تصااااااااااااارخ
شيلو السكينه من البنت وبعدين ندمت اني اتفرج على الزير سالم وفيها قاتل ومقتول
وذي الهبله معاي

**سكوال** · 20-08-2001, 10:27 PM

كونان ويب .... سمايل .. دجو.. ارفين .. توكول

من بين حوادثكم الحلوه .....

اعجبني حادث سمايل ....

ليش ....

لأن البنات يخافون على جمالهم اكثر من اي شيء ( اموت يالجمال ...... عجوز معصقلة جالسه تحفر بكلية اللغات عشر سنيين)

تحس انها تتكلم من قلب ... لأن الغسالة افسدت وشوهت جمالها .........

**ارفين** · 20-08-2001, 10:28 PM

انا لما كنت صغير دخلت يدي في غسالة البابطين... والله واسحبتني لما وصلت ذراعي...

عاد الشغاله كانت تموووووت فيني.... لما شافت الموقف بغت تنهبل ما عرفت تتصرف... جلست تشوت في الغساله..

وتجي اختي الكبيره وتطب معها تشويت في الغساله... وتجي في النهايه امي العزيزه وتفصل الفيش

طبعا ودوني للمستشفى وعطوني اكسجين... ما ادري وش دخل الاكسجين في يدي

بس الحين راح اثر الفغصه

بس بقى نقط نقط نقط......

**TOO COOL** · 20-08-2001, 10:29 PM

كتب العضو (سكوال)

يا حرام....... انشاء الله الكمارو ماجاها شيء...

(للبدونج ..الكمارو هي سيارة اخو توكول)

وانت شايف ماعندي إلا اخو واحد?:

**سكوال** · 20-08-2001, 10:30 PM

كتب العضو (الجليله)
يومها كنت انا وماما وبابا نتفرج على الزير سالم اختي الصغيره شافت الناس ينطعنون وينقتلون
بعدين راحت المطبخ قالت للشغاله {اديني ثكينه} الشغاله {لي} اختي ماما تبغاها
ذي الهبله ادتها السكينه وجاتني وقالت لي اثمهان ابغى اقتلكي ماما تصااااااااااااارخ
شيلو السكينه من البنت وبعدين ندمت اني اتفرج على الزير سالم وفيها قاتل ومقتول
وذي الهبله معاي

سيداتي سادتي...

ننتقل بكم الأن الى استاد الملك فهد الدولي ......

لنعرض لكم آخر الفضايح .....

اكتشفنا ان اسم الجليلة هو ((( اسمهان))

**الجليله** · 20-08-2001, 10:32 PM

كتب العضو (سكوال)

سيداتي سادتي...

ننتقل بكم الأن الى استاد الملك فهد الدولي ......

لنعرض لكم آخر الفضايح .....

اكتشفنا ان اسم الجليلة هو ((( اسمهان))

هذه مي فضيحه كلهم يعرفون

**smileface** · 20-08-2001, 10:33 PM

سكوالوه انا عجوز تراني كبرك مولودين في نفس السنه

الموضوع: فهودي (انا) يطب فوق الجمر .. وارفين تنقلب فيه السيارة .. وسورا تتكرفع وتنكسر ايدها...

أدوات الموضوع

فهودي (انا) يطب فوق الجمر .. وارفين تنقلب فيه السيارة .. وسورا تتكرفع وتنكسر ايدها...

ضوابط المشاركة