تحدي خاص إلى the sniper في التصوير !!
السلام عليكم و رحمة الله و بركاته ،،
في البداية اعرفكم بنفسي ... انا يديد على هالقسم و هاي اول مشاركة لي فيه .. كنت اشارك من سنتين في منتدى ويننج الفن لكن انقطعت لفترة طويلة ..
المهم ما عليكم من عنوان الموضوع ... حطيته بس علشان الفت انتباه صديقي the sniper
الصراحة استغربت يوم شفت انه استوى من هواة التصوير .... خاصة انه ما كان يعرف شي في هالحياة غير ويننج الفن
و على فكرة ..... مبروك عليك الموتر اليديد ( النيسان ) .... يعطيك خيرة و يكفيك شره ان شاء الله
ادري اني جديم شوي ... لكني شفت موضوعك الاول عن النيسان و وادي سيجي و قلت ساعتها إلا اتحداه هالشرجاوي :vereymad:
و بالنسبة لي .. انا بعد هاوي ... و الصراحة ما صورت وايد ... مجرد اشتريت كاميره خلال اجازتي الصيفية و التقطت بعض الصور الطبيعية و العائلية خلال اجازتي اللي قضيتها في سويسرا و المانيا و النمسا .... و ما بطول عليكم .. تفضلوا هالصور ..... و يا ليت ما تحطموني تراها اول مشاركة لي ... خاصة ما ابغي اي انتقاد منك انته .. هيه نعم انته يا راعي النيسان يا the sniper !!
1 >
هاذي سلمكم الله صورة لجبال الألب في سويسرا .. التقطتها من القطار .. و اعذروني لان جودتها مب بالمستوى المطلوب لاني ما بغيت حجمها يكون كبير وايد ..
2 >
و هاذي صورة التقطتها خلال جلوسي في السيارة .. و عيبني شكل المطر على الجامة
3 >
هذا اخوي الصغير .. يطل من على حافة السفينة خلال رحلة بحرية في بحيرة زيوريخ .. و تلاحظون قوس المطر في السما ..... كأنه رسوم متحركة .. ما شاء الله
4 >
هذا هو نفس القطار اللي اخذنا إلى قمة jungfrau .. اعلى قمة جبلية في اوروبا ...و لكن الصورة ماخذنها لقطار كان يمشي ورانا ( لأن سايقهم ما يدل الطريج و ما لقى إلا يلحق قطارنا
5 >
هالصورة التقطتها في جنيف .. و تشوفون فيها اخوي الصغير ( الخربااااااااااان ) .. يالس يطالع هالانجليزي اللي طالع من النهر بعد ما تسبح فيه ... و للشباب اللي اعمارهم اقل من 15 سنه ... لا تدققون وايد في عيون الولد .. لانها نظره بريئة و ما كان يقصد
هاذي كانت آخر صورة ..... كنت بحط صور اكثر لكن اعتقد ان الموضوع بيكون بطيئ وايد بالنسبة للي عندهم دايل اب .. فقلت اقلل شوي من الصور و اكتفي بـ 5 .. و ان شاء الله بعدين بحط باقي الصور اذا لقيت فيه تشجيع و ما حطمتوني من اول موضوع في هالساحة
و بانتظااااااااارك يا راعي النيسان
============
تحياتي / بو حميـــــد
مشاركة: تحدي خاص إلى the sniper في التصوير !!
خخخخ
