....إلى من يشك فيه شوية من الصرقعة....
....إلي يستنى صرقعة وما صارت له....
...إلى يحلم بالرجه ..و ما تحققت صرقعته .....
..إليكم يا اعضاء المنتدى المصرقعين و الغير مصرقعين ؟....
هل أنت مصرقع ؟
وإذا كنت كذالك .. ماهو مستوى صرقعتك ؟
للإجابة على هذه الأسئلة ماعليك سوى اجراء هذا الاختبار النفسي
السؤال الأول
انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة
تبي تدخل خشمك .. ما هي ردة فعلك
1-
تمسك النملة وتفعصها بإصبعيك وأنت تكركر ومستانس و تقول : والله يا أنتي نملة
منسمة تبين تخترقيني .. هع هع هااااااي .. بس على مين أنا أبو جلمبو والأجر على الله
2-
توخر النملة عن وجهك و تنتفها وانت تشتمها
3 -
تخلي النملة تدخل خشمك >>>> 
السؤال الثاني
رااااجع من المدرسة أو الكلية او العمل .. المهم وتلقى الواااالدة سرحانة في الصالة
تفكر وش تصلح بكرة إذا بغت تسيير في الضحى على أم صويلح .. ماذا تفعل
1-
تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الرياض .. حب ورثته من الجدوووود
هع هااااااااااااااااااي والله تسحيبة يمة
2-
تجي بشويش من ورى أمك وهي سرحااانة وتصرخ في أذنها وتقول : مساااااتس الله
بالخير .. وطبعاً هي بتنفجع وبتقول وجع الله يمسيك بعصا إن شاء الله
3-
تطلع غرفتك وماتسوي شيء
السؤال الثالث
انت توك مقيل وماخذ لك قيلولة على كيف كيف مرت جيرانكم ونااازل الصالة إلا
وتشوف خواتك الصغااار عند سبيس تون طااايرة عيونهم .. ماذا تفعل
1-
تجي يعنني تكنس وتغطي عليهم التليفزيون <<< أحلى يا أليسا
2-
تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف
3-
تقعد تتفرج معهم>>>
السؤال الرابع والأخير
بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة
1-تنسم كفراته الأربعة
2-تسلم عليه وتلزم عليه يعزمك على العشاء
3-
تشتري له تويكس معك
النتيجة
أعط نفشك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة
9 - 12
أنت مصررررقع جداً ..
حالتك خطيرة .. وقد تتحول صرقعت إلى هبااال رسمي .
الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .
5 -8
أنت مصرقع بس على نذااالة شوي ..
مستوى صرقعتك معقول لكن لا تستخف دمك كثير لأنك ستجيب العيد .
الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..
4 - 5
يا أخي انت منتب في الدنيا .. ميت والناس حيين ..
انتبه على نفسك لأن أهلك احتمال ينسووووك إذا بغو يسافرون.
الحل : كورس صرقعة مكثف عند أعلام الصرقعة في المنتدى
المشاركة الأصلية كتبت بواسطة مصرقع اس اس
<<ما أقدر أترك العادة .. خلوني أفكر.. رجاءا عدم الإزعاج 
..
