باقي عنب تفاح ليمون والموز
غنولها ياشلة البرتقاله
والخوخ والرمان والتين واللوز
خوذو على كل الفواكه وكاله
عيب العرب عبر الفضا صار مهزوز
بفعل الخشاش اللي سعو في زواله
من شأنهم بث الفضا صار محجوز
يدفعهم المفتون في زود ماله
الشايب اللي به بدت قطعة إفيوز
من هزته للرأس يعرف إخباله
وذاك الذي جيله سبق جيل فيروز
لا زاد عمره زاد غي او جهاله
واللي فتح صدره به الصوف مغروز
سلاسل ومكياج قدوة ضلاله
تقليد لبس الغرب والراس مجزوز
اغراب ضيع مشيته من اهباله
والشات منبر من شكو حرة اقزوز
قلة حيا وغفلة امضيع اعياله
عدونا يضحك بنا ميل البوز
كبر وساده عن يمين او شماله
والسان من ينقد هل الغي مخروز
عيب العرب ياحيف كفا ادلاله
عن موقفي عبرت ما نيب مدزوز
وازيدها توضيح لاجا مجاله
مشاركة: شـــلـــة الـــبـــرتقالــــــه
مشاركة: شـــلـــة الـــبـــرتقالــــــه
