مرحباااااااااااااااااااااااااااا
هذي قصة مغامرة من مغامراتي في المدرسة ( لوتقرأون قصصي راح تعرفون شو انواع مغامراتي ) ولكن هذي المرة مغامرة قوية
كنت قاعدة في الصف مع صديقاتي و كنا ملانيييييييييييييييييييين عالأخير فسمعنا شوية شباب و بنات يقولون انهم راح يهربون من المدرسة بكرة في وقت الفسحة كانو 3 شباب و 4 بنات
قلنا نحن مع بعض ليش ما نشترك معاهم و نهرب و نسوي شي عمرنا ما سويناه ترى نحن نعتبر من البنات المؤدبات مالنا في هذي الأشياء
نحن بنات عربيات و ما نقلد اي شي يسوونه البنات الأجنبيات و لكن هذ المرة خطر على بالنا ان نحن نسويها
فقلنا للشلة ان نحن نبي نهرب معاهم و بما انهم خبيريين نبيهم يساعدونا نطلع من السور و بس يعني ما نبي بعدين نطلع معاهم او اي شي
طبعا قالو اي ليش لأ لأني دي دي و غالية و الطلب رخيص
لا اقصد هم وافقو و كانو عادي لأن لو صار اي شي راح يتخلون عنا بسهولة
المهم قعدنا في الفسحة الأولى نظبط الخطة
ترى الهروب من هذي المدرسة امر صععععععععععب المدير اكثر الأحيان لما يكون في فسحة يقعد يلف حول المدرسة عشان يشوف الهربانيين و اكيد في مدرسين كثاااااااااااااااااااار واقفين برة ( هذول مدرسيين يجيبوهم مخصوص لهذي الأمور و أحيانا يجيبوهم لو كان في مدرسة غايبة عشان ياخذون مكانها )
شو اتفقنا
اتفقنا ان نحن نهرب من الملعب الكبيييييييييير و كانت شروطهم:
1) لو احد انمسك منا لازم الكل يطلع نفسه و يقول انا هربت معاه يعني مو واحد يبتلي بروحه ( قمة النذالة هذول الأجانب ) و اذا ما كشفنا عن نفسنا راح يفتنون علينا و تكون العقوبة اكبر لأن بوقتها راح نكون هربنا و تمتعنا
2) لما نهرب ما نكون مع بعض نركض كل شخصين يكونون مع بعض عشان ما يبين الأمر و ننكشف و نطلع واحد ورا الثاني مو كل خبط لزق ( عاد الأجانب لما يخططون تقول قاعدين في فلم عصابة )
3) لما نطلع أو نهرب من المدرسة الكل يروح في طريق ولا كأنا نعرفهم
4) لما نطلع لازم نركض بأقصى سرعة لمكان بعيد عشان ما ننكشف ترى اكثر المدراء و المشرفين يلفون حول المدرسة بالسيارة مثل ما قلتلكم
شروط سهلة التنفيذ
طبعا اختارو كل شخص مع الشخص الثاني اللي راح يكون معاه طبعا انا و من حسن حظي راح اكون مع الزعيم مالهم احم احم لأن هو قال انا هبلة والله مافي حمار غيره
المهم صارت الفسحة الثانية و كلنا حافظين الخطة
الكل انتشر في الملعب الكبير و الكل اختبى ورا الأشجار
ألحين هم 3 شباب و 4 بنات و انا و صديقاتي 3 صرنا كلنا على بعض 10
اول اثنين ركضو و الثانيين ما انتظروهم راحو ركضو وراهم على طول عاد زعيمهم قعد يسب و يلعن
طبعا المدرسين شافو 5 مادري 6 مادري 7 قاعدين يركضون ورا بعض مثل النحل اكيد شكو بالأمر
المدرسين طلعو صفاراتهم و قعدو يصفرون و يركضون وراهم تقولون شرطة مسكوا 7 ما بقى غيري انا و الولد و صديقتي
الولد قال قومي نهرب
انا قلتله و الشروط مالت ويهك اللي لازم نسلم نفسنا اذا غيرنا انمسكو ترى راح يفتنون علينا
هو قال لا لا انا زعيمهم مستحيل يفتنون عليي بس عليج انتي راح يقولون لأكبر مدير
انا فتحت عيوني جذي
و ركضت عشان اسلم نفسي و انا اركض باتجاههم المدرسين ما شافوني كيف ؟ الله اعلم
وقفت ورا الشلة إلا و سمعتهم يقولون بصوت واطي اهربي يا هبلة اهربي ما شافوج
انا سمعت جذي و على طول ركضت طبعا اول مرة اكتشف اني سريعة في الركض
ركضت و طلعت برة و لقيت السيارة مالت الزعيم إلا و ركبت فيها بسرعة من غير تفكير
قالي هل هربتي عيل وين الشروط و مادري شو
قلتله ألحين اطلع بسرعة راح يمسكونا
مشى هو بالسيارة بسرعة و ليقته وقف فجأة
قلتله لييييييييييييييييش
قال في بوستر مال إيمينم
قلتله مو وقته ارجوووووووووووووووووووووووووووك
قال لا لا هذا بوستر رهيييييييييب و نادر
قلتله صاحب المحل راح يشوفنا لابسين ملابس مدرسة راح يتصل بالمدرسة و يقوووووللهم
قال لال لا لا لا تخافين
و نزل من السيارة و قال كم بوستر عندك اخوي
قاله اثنين
قال وريني
قال عطيني هذا الأول
بعدين قالي تبين انتي بعد بوستر
قلتله لأ
قال على علمي انج تحبين إمينيم و دي 12
قلت جيب و خلصني
صاحب المحل قال لااااااااااااااااا
قلتله ليش
قال افاااااااااااااااااااااا انا تقولين عليي اني راح افتن عليكم ليش شو شايفتني ( والله العظيم كذاب هذا معروف انه فتان بكل شي)
قلتله لا لا خلاص من اليوم و رايح راح اصدقك ( اضحك عليه مو صدق)
ركب الولد بالسيارة و اول ما شغل السبارة شفنا صاحب المحل يتصل
الولد قال يلا انزلي
قلتله شو انزل ما انزل نحن بعدنا قريبين من المدرسة على الأقل وديني عند بيتي ترى الرجال اتصل بالمدرسة
قال لا لا لا انا متفق مع الشلة مالتي نبي نطلع مع بعض انتي تيجين شو تسوين معانا يلا انزلي
و نزلت و شفت مدرس من المدرسين جاي ناحيتي
انا قلت مافي حل غير اني ارجع للمدرسة و ركضت بأقصى سرعة للمدرسة و لقيت المديرة تكلم صديقتنا الثامنة اللي ما انمسكت مع بقية الشلة
انا على طول رحت للمديرة و سويت نفسي ابكي <<<<< شاطرة بالتمثيل
قالتلي تعالي للمكتب ابي اكلمج
انا رحت و سويت نفسي اني زعلانة من المشاكل اللي في بيتنا و كلام فاضي عاد الأجانب يهتمون لهذا الكلام
فقالتلي خلاص لا تبكين انا ما راح اتصل بأهلك ولا راح اعطيكي حجز بس المرة الجاية لو تكرر الأمر راح اعاقبج قوي
قلتلها زين
قالتلي يلا روحي لصفج
رحت لصفي فرحانة ان المشكلة انتهت و لقيت صديقتي
قلتلها هاااي اشلونج
قالتلي زفت
انا ضحكت و قلتلها كيف مسكوج
قالتلي يا ستي انا في مدرس ظل يلحقني و انا على طول ركبت الباص و هو ظل يلحقني بسيارته لين ما نزلت من الباص و راح مسكني و جابني للمدرسة و المديرة عطتني حجز بعد المدرسة و راح تقول لأهلي
و انا قلتلها حكايتي قالت يا محظوووووووووووظة قلتلها لا تفرحين وايد اكيد بكرة راح تفاجئني بالحجز لأن المديرة هذي بالذات تكرهني
و خلصت المدرسة و رجعنا للبيت
ما يستفاد من القصة: <<<<<< صارت مصرقعة اس اس
1) لاتهرب من المدرسة ابدااااااااااااااااا
2) لا تتفق ما شلة عددهم كبير او اغبية
3) لا تثق بالناس دايما
4) مافي رقم اربعة
5) لا تصدق كل شي دي دي تقوله
ليش؟؟:
1) دي دي ما تركب سيارة مع شباب
2) دي دي ما تهرب من المدرسة او الصف لأنها مؤدبة
3) دي دي إنسانة تهتم لصفها و حصصها و مستقبلها
4) دي دي عمرها ما تقلد احد
5) دي دي صحيح ممثلة شاطرة لكنها ما تستخدم تمثيلها في امور مثل هذي
لأن كل اللي صار هذا
حلمX حلم
تعيشون و تاخذون غيرها من دي دي
انا صدق حلمت هذا الحلم اليوم و اول شي خطر على بالي اسويه هو اني اكتبه في المنتدى الحلو هذا
ههههههههههههههههههههههه
صيام مقبول إن شاء الله
اختكم دائما
دبل دي
سواليفك حلوة جدا 
بس عليكي ذاكرة خيالية بالتأليف القصصي الهزلي 
.
مشاركة: ما راح اعيدها مرة ثانية صدقوني
)
