مشكلة في محول الطاقة (بور سبلاي)

[sul911]

الحين لي أكثر من أربعة شهور اذا ركبت محول طاقة جديد يقعد يوم يومين يسخن بسرعة وينحرق :vereymad:

وشو الحل هل في بور سبلاي قوي لمواصفات جهازي مع العلم الجهاز عندي من سنة وما صارت المشكلة إلا قبل 4 شهور

يمكن لخبطت في إعدادت كرت الشاشة أو شي هذي المواصفات :

ASUS P4C800
ATI RADEON ALL-IN-WONDER 9800 PRO

للمعلومية محولات الطاقة الي أركبها بـ 50 ريال

[JoOoKeR]

واللة انا مثلك أخوي وجهازك يحتاج بور قوي

أنصحك ببور من نوع (( دوال فن )) صناعة ياباني وكويس وسعرة حلو

350 واط ب115 ريال أما 450 واط ب150 وأنصحك تركب 450 لأنة أفضل ويجي لونة أزرق بس اذا حصلتة لأني دورتة في أسواق الكمبيوتير في الشرقية ولا حصلت 450 أنقطع من السوق بتحصل 350 وانا مركبة الحين وماشي زي الحلاوةولونة يجي أسود وفية مروحتين باللون الذهبي

[sul911]

مشكوور ^^

[sul911]

ركبت PourePower ممتاز شكلة

بس مشكلته انه يخلي الجهاز شوي ويقلع

[JoOoKeR]

غريبة

كيف ما فهمت قصدك يعني اذا شغلت الجهاز جلست شوي يعلق

اذا كان كذا ماهو من البور ومستجيل يكون من البور البور أعراضة ثلاااااث

يا تشم خيااااااااااس وريحة حريق

أو يطفي الجهاز

أو ينفجر الباور

صدقني ما تطلع من ذا الثالاثة

[sul911]

ايه كل الثالثة صايره لي

بس انحلت كل المشاكل الثلاث بعد ما ركبت البور الجديد وأنا قصدي من إن الجهاز شوي ويقلع ان المروحة سريعة جداً وصوتها عالي

[JoOoKeR]

مثلي طيب البروسيسير الي عندك بريسكوت يعني الكاش فية 1ميجا ولا 512 كيلو بايت

[BeaUnkill]

شباب .. انا طالما تمنيت اعرف ايش ممكن يفيدني الباور سبلاي اذا كان قوي ..

وسؤال موجه للاخ JoOoKeR : وين المحل بالظبط الي شريت منه الباور حقك ..

" لاني بصراحة بديت الاحظ الاعراض حقت الباور , خصوصاً ابو ريحة خخخخ . احم ! "

good luck

[JoOoKeR]

شباب .. انا طالما تمنيت اعرف ايش ممكن يفيدني الباور سبلاي اذا كان قوي ..

وسؤال موجه للاخ JoOoKeR : وين المحل بالظبط الي شريت منه الباور حقك ..

" لاني بصراحة بديت الاحظ الاعراض حقت الباور , خصوصاً ابو ريحة خخخخ . احم ! "

good luck

هلا وسهلا وناسة

شوف كانك من الشرقية وهذا ما أظنة لأنك قلت مرة أنك رايح الجبيل وما أدري وين

روح محلات PC NET جمال الجاسم تحصل عندهم بور من نوع كويس وأسمه دوال فن يجي 450 وهاذ الي أنصح فية لونة أزرق ولون المروحة ذهبي ويجي 350 ولونة أسود ولون المروحة ذهبي وهذا الي عندي بس مشكلة 450 انه خلص من عندهم روح شيك يمكن جابو 450 واذا ما جابو 350 من شركة محترمة مثل دوال فن ليست بالسيئة أبداً

وماواصفات جهازي المعالج 3.2 بريسكوت والرام 1 غيغا و في هاردسكين وفي مرواح زيادة وعفسة و350 شغال وياي أوكي يعني اذا ما لقيت 450 خذ لك 350

[BeaUnkill]

مشكووور حبيبي على ردك ..

انا ساكن بالدمام .. ورحت لجمال الجاسم الي بابراج الدوسري ولقيت عندهم باور سبلاي 350 " تقريباً في رمضان هذا الكلام " وكان سعره 120 ريال ..

على كذا راح اروح لهم قريب ان شاء الله , وعلى الله الاقي 450 واط واريح راسي ...

اشكرلك اهتمامك غالينا ..

تحياتي لكم ..

[JoOoKeR]

حياك اللة وناسة وصحيح انا شارية ب120ريال واذا شفت 450 خذ وترا سعره ب150

[BeaUnkill]

بارك الله فيك غالينا الــ JoOoKeR رحت لبي سي نت ولقيت 450 واط .. لكن سعره كان غالي شويتين .. قال لي 190 ريال .. لكن اخذته بــ 160 ريال فوق خشمه .. وصارت سالفة طويلة عريضة وهواش ومشاكل ( اخذت واحد وطلع خربان رجعته وقال لي ما يترجع لان ما عليه ضمان !! ) بس الحمد لله بعد محاورات ومناوشات رسينا على بر .. واخذت لي واحد ثاني ..

وبصراحة احس الجهاز وضعه مرة مستقر .. وماشي زي الحلاوة وحرارة القطع الداخلية انخفضت كثيييير ..

بس عيبه الوحيد لونه .. مو راكب مع الكيس الاسود !!

بالتوفيق ..

[UAE200000]

انا اشتريت 450 ب 25 درهم شو رايكم فيه وهل سيؤثر على الكمبيوتر لانه مش اصلي

[JoOoKeR]

بارك الله فيك غالينا الــ JoOoKeR رحت لبي سي نت ولقيت 450 واط .. لكن سعره كان غالي شويتين .. قال لي 190 ريال .. لكن اخذته بــ 160 ريال فوق خشمه .. وصارت سالفة طويلة عريضة وهواش ومشاكل ( اخذت واحد وطلع خربان رجعته وقال لي ما يترجع لان ما عليه ضمان !! ) بس الحمد لله بعد محاورات ومناوشات رسينا على بر .. واخذت لي واحد ثاني ..

وبصراحة احس الجهاز وضعه مرة مستقر .. وماشي زي الحلاوة وحرارة القطع الداخلية انخفضت كثيييير ..

بس عيبه الوحيد لونه .. مو راكب مع الكيس الاسود !!

بالتوفيق ..

على البركة الباور وهو سعرة أصلاً ب160 ريال لا كن انا زبون عنهدم ويعطيني أياه ب150 رحت مرة ويا واحد من الشباب وكان ب150 على العموم على البركة الباور صح من جد لونة غريب شوي يعني الي عندي 350 لونة أسود والكيس حقي أسود راكب وياااه مظبوووووووووووط

[JoOoKeR]

انا اشتريت 450 ب 25 درهم شو رايكم فيه وهل سيؤثر على الكمبيوتر لانه مش اصلي

المشكلة في الباورات التجارية لو تقيس قوة الواط حقها تلقاه ما يجي 100 واط يعني أكيد الي عندك وزنة خفيف مرة لاكن لو تشوف وزن الي شراة الأخ وناسة كنأنه جهاز لحالة