سلام للجميع .
ودي اعلمكم على طريقة او طريقتين في اساليب المواجهة
طبعا من خلال دراساتي الميدانية لردود الافعال لدى غالبية الناس
احم احم نبدأ:
1- اذا كان في شخص مأذيك ومطفشك في المدرسة ويبي يكون خويك وانت ما تحبه :
في طريقتين مجربة مني طبعا لهذا الموقف ...
الاولى : وهو يكلمك لا تعطيه وجه ولا تسمع لكلامه واذا سألك عن شي .. نادي واحد من خويانك
وقوله ابيك في في موضوع خاص وما ابي احد يسمعه .
بكذا تتخلص من اللي مطفشك بطريقة مهذبة شوي
الثانية : اتهزأ بأي شي يقوله ولو كان صحيح ..
خله كذاب واهبل ومغفل في عيون الشباب اللي معك ... وكل ماتجيك فرصة انك تعييب فيه لا تتردد
واذا كان غثيث بعد هذا كله مالك الا طريقة واحدة بس لها فعالية كبيرة ولازم تكون عندك قوة وجه
وما تستحي ولا تخجل ..
قول له قدام الجميع : ياخي انا اكرهك تراك اذيتني وطفشتني ... هيا انقلع عن وجهي ولا عاد تكلمني ( مع دفعة
قوية )
هذي افضل طريقة في الحقيقة والمفروض انك من البداية تسويها صدقني ما يعود يكلمك ولا يقربك
2- حصل انك خرجت مع شباب ( كعابي ) يعني تتمشون على رجولكم من غير سيارة ويوم انكم راجعين
في الليل وفيكم تعب شديد ودكم بسيارة توصلكم :
الامر سهل جدا كل اللي تسويه انك تأشر للسيارات طبعا مو الاجرة والتاكسي لأن فلوسك ضيعتها كلها
المهم لمن يوقف لكم واحد .. قول له : وصلنا على طريقك ..
هنا تنقسم ردود الفعل لاصحاب السيارات الى قسمين :
الاول : يخجل ومايعرف يردكم .. يقوم غصب عليه يرضى
وكذا تكون ريحت نفسك وكسبت توصيلة مجانية
الثاني : رايح يرفض انه يوصلكم .. عاد انت لازم ترد عليه :
طماع تبي السيارة لك وحدك اناني انعل ... >>>> بلاهة لكنها تستفز ابوه
وهو يقوم يسب ويلعن وانت رد عليه الصاع صاعين واذا فيك شدة للمشاكل احذفه بحذيانك
وحط رجلك وادعس
بكذا اكون افدتكم ان شالله في موقفين حلوين
نصيحة للسمان لا يجربوا الموقف الثاني مع اصحاب السيارات لأنهم بيتكفخوا تكفيخ
تحيتي للجميع .
