ياناس انا ضايعة

[moon]

احد يقولي انتوا اي مقررات تاخذونها

محد يعني عندة مثل مقرراتي في البحرين

لحد احين ولا مرة حطيت موضوع احد جاوبني تراني يأست

انا في ثاني ثانوي بس ابي احد اقدر اسألة مو عارفة

تحياتي:

moon

[راي مستريو]

هلا اختي

انا في ثالث ثانوي في البحرين و عندي خلفية عن مقررات ثاني ثانوي المسار العلمي

اذا عندش اي شي حطيه و بساعدش ...

[moon]

تسلم ماقصرت والله كلك ذوق خوي

بس انا شوي عندي في كيمياء التحليلية مادري يعني

بعض المسائل خارجية واخاف النهائي ايبون خارجي واتوهق

وريض 213 متجهات 2 هذا سهل عندي واعرف القوانين واطبقها بس ابي اعرف طريقة الدراسة

لان يبت فيه اقل درجة واول مرة في رياضيات معنى سهل .

وفيز 212 الموجات عاد مادري صراحة شفية وش مافية يعني خايفة ايب في الثمانين وهو ابو اربع ساعات.

زين قولي الحل خوي

تحياتي:

moon

[راي مستريو]

انا اقولش الحل

بالنسبة للكيمياء التحليلة اقولش ان هذا اسهل كيمياء في الثانوي حتى اسهل من 101 بس حطي بالش شوي عليه و ان شاء الله بتجيبين زين و اهم شي فيه الوحده الاخيرة اكثر شي يجي منها المسائل ووزن المعادلات الاكسدة و الاختزال

اما بالنسبة للمتجهات هذا اربع ساعات و مهم يبي ليه دراسة خصوصا الوحده الاخيرة هذي فيها قوانين واجد يبي ليها حفظ و فهم و تطبيق اما الوحده الاولى و الثانية هذلين يبي ليهم فهم و ما فيهم صعوبة واجد

اما بالنسبة للموجات فهذا مقرر يبي ليه دراسة عدله لان فيه افكار كثيرة خصوصا في الوحدة مالت الضوء و الوحدة الخامسة و السابعة و اذا تبين ملخصات بحاول اجيب ليش لان كان عندي موقع فيه جميع الملخصات و المسائل لمقررات الفيز تبع العلمي بس اخترق حديثا بس بحاول احصل لش الملخصات و لاتخافين منه ترا مافي شي يخوف دام انتين تدرسين عدل و تحطين على روحش

و اي شي ترا انا حاضر

[moon]

ياربيه امممم تدري الكيم ذا تصور خلصنا الكاتب تخلينا نسوية خريطة مفاهيمية وتالي تكتبها على اللوح وهي تقراها وبس

يعني شنو بسوي دام انها سهلة يبي لي ادرسها ذاتي

والريض ماقول الا راحت علي بس يعني بحاول اركز على الوحدات الأخيرة مثل ماتقول وذا عن الحفظ اعجبك عندي اسهل

وعن الفيز اذا ماعليك كلافة ابي ترى اعاني وايد من هالمدرسات احس روحي ادرس المواد ذاتي

مشكور خوي اسفة اذا تعبتك معاي

تحياتي:

moon

[Mr.X]

موون انتي شكلك داشه غلط وخشيتي بالسالفه من دون مقدمات ؟
اكتبي موضوعك شوي شوي علشان القراء يعرفون وش تبين تقولين

[راي مستريو]

شوفي هالموقع فيه كل اللي تتمنيه و هو عبارة عن منتدى خاص بمقررات البحرين كل مقرر ليه منتدى و انا اشارك اهناك باسم جبريل باتيستوتا
www.easyscience.org/ib
و انصحش ابعدي عن سالفة الذاتي لانها ما منها فايدة و عوار راس اخذي المقرر في سنته افضل بكثير

[التراث السعودي]

شوفي اختي المواقع هذي ممكن تفيدك

http://www.arabchemistry.net/

http://ar.wikipedia.org/wiki/%D9%83%...8A%D8%A7%D8%A1

http://www.emoe.org/sites/subject/chemistry.html

http://search.zorona.com/pages/arabi...andreferences/


http://olom.f2web.net/ib3/ikonboard....ST;f=2;t=12976

http://www.khayma.com/turki/

وبالتوفيق

[moon]

التراث السعودي

مشكووووووور خوي كلك ذوق وماقصرت

الله يعطيكم العافية اخواني

تحياتي:

moon

[ياسر 12]

لو اردت العلم تتعلمين حتى في المنزل واذكري دائما ان العلم في قدرة الفرد وليس المدرسة وتذكري دائما من ليس لهم مدرسه ولو تحت الشجرة وقولي الحمد لله وتابعي في المدرسة القريبة من منزلك فهي انسب لك والله