يالله يـامـحـيـي هـشـيــم الـثـمـامـه
يـافـارج الكـربـات ياعـالـم الـغـيـب
يقول من هو عافت عيونه المنامـه
قامـت تهامـل فـوق خـده مساكيـب
قـــام يـتـعـبـر ويـتـجــرع هـيـامــه
واجروح قلبه وسط جوفه معاطيب
عـبــرة يـتـيـم(ن) قاهـريـنـه عـمـامــه
وإلا سجـيـن حــال دونــه كـلالـيـب
علـيـك يالـلـي مامـشـت بالنـمـامـه
ولا يشيـل لسانـهـا منـطـق العـيـب
الـوصـل فيـهـا والـوفـا والـكـرامـه
ماهـي تفـرح بالحـكـي والعـذاريـب
والديـن فيـهـا والـكـرم والشهـامـه
كم سطـرت للشعـر معنـى وترتيـب
قالـوا تـوفـت قـلـت جــات القيـامـه
وش نبغـا بالـدار عقـب المعـازيـب
اللـي عـطـت ولا ضــرت بالمـلامـه
تلم شمل اللي كسـى راسـه الشيـب
راحـت وكـم بكـت عيون(ن)نـدامـه
راحت وانـا بجـاوب الـورق ياذيـب
شـافـت منازلـهـا وهـــذي عـلامــه
في جنة الفردوس خضرا المناجيب
ياقبـر جعـل يسقـي عليـك الغمامـه
من رايحات المـزن سيلـه مجاذيـب
وصــلاة ربــي عــد رمــل العـدامـه
وإعداد مـن عـدا بـروس المراقيـب
علـى النبـي اللـي وفـا فــي كـلامـه
شفيـع الأمـه فـي نهـار المكاسـيـب
مرثيه في الغاليه المرحومه جدتي
تسلمون
مشاركة: مرثيه في الغاليه المرحومه جدتي
يسلمووووووووووووووا
