وخر انت وياه!!!الي يقول قابلت و لا كلمت واحد من المنتدى!انا قابلت باتي و اسهران و ناف
و أخييييييييييييييييييييييييييييييرا بعد طقاق و طقيق و معارك مع حظي الملعون قدرت اقابل الشباب باتي و نواف
و السهران بس بعد ايش...............
أقول أنت مدري أنتي شكلك يكسر الخاطر جاي تركض و تلهث حالتك حاله خذ لك نفس اشرح لك السالفه من
الى المهم.............
يقولون لك نواف يوم قال باجي للشرقيه هالكلام يمكن من متى....مممممممممم خلوني اتذكر الظاهرالسبت انا
كالعاده مشهور بكرمي و حسن الضيافه(عطاك اياها دجو)المهم قلت له تعال حياك و الي بيستقبلونك انا و باتي
قال طيب بعدها قال لي ولد عمته السهران ترا نواف راح للبحرين و ماهوب جاي الا الاربعاء قلت لحوووووول
طيب اصبر ويش وراي و استنى الا يوم الاربعاء و لا جاني خبر و لا شي عن وصوله و قعدت على المسنجر
كعادتي الى الفجريه و انا و باتي مستلمينها سوالف قال لي ايش رايك نتقابل و نفطر سوى قلت قدااااااام الساعه
كانت 6 و نص قال ترا بنحرك الساعه 7 و ربع من البوفيه قلت له ما عليك قال طيب خلاص و الله و ادور
مفتاح الكامري اثاريه مع الاستاذ الكريم بابا ما لقيت حل غير اني ادخل عليه و هو نايم اسرق المفتاح طبعا يا
كثر ما طيحت اغراض مع الرهبه بس يلا الاخ نومه ثقييييييييييييييل و اخذ مفتاح الكامري و الساعه 7 و 5 قلت
يلا يمديني الحق و ادعس على البوفيه وصلت و الساعه 7 و 25 ما لقيت احداثاريهم مشو تحطمت صراحه
بعدها رجعت للبيت و انا حالتي حاله و قعدت على النت و في الظهريه تفاجئت برساله على جوالي من مين...؟
نواف المهم يقول انه وصل للشرقيه و يبي يقابل بالراشد قلت خلاص قدام الوعد الساعه 5 على قولتهم بس
بابا كان طالع لحضتها حول الساعه 4 و نص استناه يرجع علشان امشي ما جاء قلت بانسدح على الكنب شوي
على بال ما يجي تعبان و ظهري ذابحني انسدحت شوي(عاد حضرتي مواصل 3 ايام)المهم و احطها بالخامس
و اسدح ابو ابوها نومه قمت الساعه كم...........؟؟قمت الساعه 8 و نص بالليل قلت يا الله راحت علي و القى
3 رسايل من نواف 13 مكالمه لم يرد عليه منه و من بروكين هارت بعد متصل عليه قال له دق على دجو شف
وينه و دق و لا رديت كان يستناني و حضرتي نايم ارسلت له رساله اعتذرت له و كل شي ما رد علي قلت
الظاهر انه زعلان توه
القاها من نواف مسامحني و كل شي طلبت منه يقابلني ثانيه قال انا في قرية الخليج مقطوع عن الدنيا وين
اقابلك فيه قلت اي مكان بس قابلني و بس قال خلاص بكره(الي هو اليوم الجمعه)بالراشد الساعه 9 و نص
الصباح قلت طيب خلاص الوعد الراشد قال جيب معك باتي قلت خلاص منها اقابله بعد زيادة الخير بركه
و الله دجو تشقق(انا)المهم و انا مواصل على اعصابي استنى الساعه تجي و احرك قاعد مع الشباب على
المسنجر و سيلفي و و و المهم ارسل لي نواف رساله قال لي يمكن اتاخر قلت طيب بعدها ارسل ثانيه قال اسمح
لي ما اقدر اجي
باتي على المسنجر قلت له بالي صار و قلت له تعال قال طيب خلاص ان شاء الله اجيك و مره ثانيه اروح
لغرفة ابوي و اسرق المفتاح و اطلع للراشد بس تذكرك:واو: ابوي بيطلع يصلي و ان ما حصل السياره ويش
بيسوي فيني فمريت على ولد جيراننا ثقه و كلش المهم رحنا للراشد قلت له خلاص ضف وجهك وقف السياره
عند بيتنا و خلي المفتاح السبير حقي عندك على بال ما اجي قال طيب و راح و نزلني عند البوابه 11 جيت
بادخل و تخبط جبهتي بالباب احححح ويش فيه مو راضي يفتح اثاري الراشد ما تفتح الصباح الجمعه(طول
عمرك في الشرقيه توك تدري امحق)المهم و اخذ لي فره على كل البوابات مقفله و انا امشي و هالشموس في
وجهي و الله و استقر عند البوابه 1(يوووووه مشوار من 11 ل1 مشي توني الاحظ و لا بالشمس اكتملت)المهم
استنى و يرسل لي نواف رساله ثانيه كاتب داخل انت و لا كيف ترانا برا ما فتحو لنا قلت ادري تعالو لي عند
البوابه 1 بسرررعه ترا هالشمس ذبحتني قالو طيب و الله و استنى و استنى محد حولي و اشوف صني خضراء
جايه من بعيد ما في غيرها في المواقف قلت اييييه تذكرت موضوع الزهراء الي باتي تحت المجهر يوم قال
سيارتي صني 2001 قلت بس هذا هو و الله و ينزل و اليكم تعبير الخشش من بعيد
باتي:?:
دجو::واو:
باتي:
دجو:بس هذا هو
باتي: لا اجل ذا عثيمين في غيره
باتي:السلام عليكم(لاحظو هو الكبير و الله اني قليل حياء بس ما انلام على هالقعده بالشمس)
دجو:و عليكم السلام هلا و الله
باتي:انت عثمان و لا لا
دجو:ايه نعم
و خذ و هات كيف الحال ويش لونكم طيبين و و و المهم و يجي فان كحلي جاي فيه اثنين يعني معقوله بيكونون
غير نواف و السهران و ينزلون بعدها اربع خشش تتبسم
نواف و السهران:السلام عليكم
باتي و دجو:و عليكم السلام
نواف:انت عثمان؟
دجو:ايه نعم(يا شين الواحد لا انشهر يا ناس)
نواف:كيف الحال؟
دجو:بخير و انت
المهم سوالف على الطاير بيننا ما ندري ويش قلنا و ويش تركنا المهم مستعجلين نواف و السهران نواف وراه
روحه للرياض و السهران بيمشي
نواف و السهران:يلا شباب عن اذنكم
دجو:ذنك معك توصلون بالسلامه ان شاء الله
باتي:..................نفس الي قلته
السهران:لا تنسانا ترانا فيه يعني جيران
دجو:ابشر و لا يهمك
و يمشون نواف و السهران بقى بس انا و باتي في هالمواقف الفااااااااااااااااااااااااااااضيه وجع مسكونه
المهم:
باتي:هاااااه وين سيارتك؟؟؟
دجو
باتي:طيب مين بيرجعك؟؟؟
دجو:مدري الظاهر ليموزين
باتي:لا يا رجال امش معي(كفووووو)
دجو:طيب خلاص قطني عند اقاربي في الدوحه و انا باخذ السواق و اروح لبيتنا في السكن
باتي:لا ما عليك انا اوصلك امش بس(و الله ما تبي توديني علشان سواد هالعيون الا علشان الي داخل)
دجو:طيب على راحتك(انواع سعة الوجه)
باتي:يلا مشينا
و نمشي و الله و نستلم سوالف عن المنتدى و و و ما بقينا احد الا و حشيناه(لا تصدقون)المهم و نوصل للسكن
و كالعاده انواع اللعانه عند البوابه الثانيه:
السكرتي:وين رايحين
دجو:جده 22 ااااقصد بيقطني الرجال لبيتي
باتي:ايه نعم باقط الرجال لبيته(يالمرجوج ما فيه بنات هالحزه)
السكرتي طيب روحو سجلو السياره و ادخلو
دجو:لحووووول طيب
و ننزل عند التسجيل و جاي متحمس مع وجهي مدري على ايش و اجي بارقى الدرج الا و فيه درجه مفلوته و
اكل لي طيحه طراااااااااااااااااااااااخ و باتي يناظر و يضحك
المهم دخلت و شوي باتطاق مع السكرتي الي داخل علشان يسجل السياره و سجلنا و مشينا ذبني باتي عند بيتي
و باتي حرك لبيته و نزلت انا لبيتي و انا فاك كشرتي و السلام خير ختام واااااااااااااوك ما بقيت شي الا و
و قلته
