اشتراك في DSL

[Sea Dragon]

السلام عليكم..

يا جماعة انا تعبت أدور حلقات أنيمي غير البتورينت

وعزمت في الأخير اني اشترك في خدمة DSL

ممكن احد من المجربين يعطيني نصيحة كافية وافية عن الخدمة , من ناحية أفضل شركة والتكاليف الكلية

مع العلم اني من سكان شمال الرياض

عشان اهري الجهاز بالحلقات اللي اسمع فيها ولا أشوفها

ولكم مني جزيل الشكر........

[DMC]

صراحة اخوي اي دسل تختاره عندى نفس خاصية تسمع منها وتشوفها
وفي سالفة اي واحدة احسن شركة هاذا والله اعلم
النهاية

[~o3OOMo~]

والله انا انصحك به اسئل مجرب ولا تسئل طبيب

انا مشترك من سعودي نت وتمام التمام السرعه 128

شهرين على حسب السرعه انا 128 ادفع 250 ريال

اقل 64 تدفع 150 ريال

الاشتراك والله مادري الحين كم سعرهم بس اكيد اول ماتدفع 700 ريال

اشتراك 3 اشهور مفتوح سرعه 64 هذا غير المودم المودم على حسب

في 400 الى 700 وانا عندي واحد زياده جديد ونظيف استخدام شهر ابيعه 250 ريال

USB الكتيل يعتبر افضل مودم سعودي نت تستخدمه وتوصي فيه speedtouch

وتقبل تحياتي

[NOBUNAGA]

والله يا اخوي لو تتصل على الأتصالات وتسئل

لأني انا مثلك ساكن بشمال الرياض وسئلتهم قالو: مانركب عندكم توسيع بالشبكة(يعني بالشمال)

ومن ناحية اسرع اتصال واقل خراباة فيه منتديات كثيرة يقولون اشتراك حق شركة سعودي وجيه (الحريري)

بس نسيت اسمه

[الخبره]

شف أخوي ما دامك تبي دسل لا يهمك ...صح فيه ناس كثير تقول سعودي نت أحسن اشتراك بس مشكلتهم يبطون ما يركبون لك....

كلش و لا تقرب النكابين شركة أوربت اللي مسويت ستاليت على الغفلة 2 way .. اشتركت معهم شهرياً تقريباً 800 ريال! و بالأخير اكتشف أحياناً ان الدايل أب أسرع منه...عاد الأبلود لا تسأل خربان عندهم ما يحمل و لهم سنه يقولون نبي نزينه بس شكله باقي سنة ثانيه...حسبي الله عليهم غرونا الله يهلكهم....
نصيحه يا إخوان لا أحد يشترك عندهم و الله انهم خادعين و لاعبين على العالم.....أنا الحين أبروح أشترك بالدسل ان شاء الله .....الله ييسر .

[Sea Dragon]

شكراً جزيلاً للجميع الذين شاركوا والله يقوّيكم

وإذا في شئ جديد تبون تضيفونه فأنا في الإنتظار

وأنا ناوي ان شاء الله على شركة نسما سرعة 128 مودم speedtouch alcatel USB 1 port

أعطونا رايكم في هذا الإختيار وهل هو صواب

ولكم منّي جزيل الشكر..

[z.o.e]

لايغرك ياخوك كثره الدعايات أو التوصيات إلي ينادون بها الشركات .
أنا عندي dsl من سعودي نت .
كان 64
وطورته إلى 128.
وأنا أرى إنه أحسن إشتراك لل dsl في السعوديه هو سعودي نت
تسألني ليش؟؟.
لأنه الإشتراك الوحيد ألي يعطيك لامحدوديه للتحمييييييييييل .
مو مثل نسما نت ألله يفشلهم. حاطين لك 2 غيغابايت في الشهر بس .
وبالنسبه للمودم أنا عندي d-link من pc-net جمال الجاسم للإلكترونيات. .
وسعره رخيص 250 ريال بس أنت تقدر تثبته عالجهاز بدون مساعده مهندسين حراميه .
ياخذلك على تثبيت الإشتراك والمودم 350 ريال:shock22: .
ليه جايبين فلوسنا من الشارع.؟

عالعموم هذا ألي حبيت أن أدلي بدلوي به في هالموضوع .
وأي مساعده أنا حاضر..........