ماريو الجديده و افتراضات سعد و ارائه(اذا كنتوا مهتمين)
بسم الله الرحمن الرحيم
لعبه ماريو الجديده…من يوم ما شفتها كنت اسأل نفسي وين موقعها من الاعراب ؟ خاصة انها لاقت انتقاد لكن مهو حاد مثل زيلدا اللي كان لها نصيب الاسد من الانتقاد و السب مع انها جيده بنظري حسب موضوعي السابق.
كثيرين انتقدو اللعيه لانهم يعتقدون انها نسخه من ماريو 64 مع تحسين طفيف بالرسوم… لكن اللي خلاني استغرب كيف يحكمون و هم ما شافوا أي شيء عن اللعبه الا عرض بسيط ما فهموا منه أي شيء …و بعضهم زعلوا من الشكل الجديد للمرحله اللي عرضت لانها ابتعدت عن منظر ماريو المألوف.و الادهى انهم ما اخذوا بالاعتبار ان كل اللي شافوه هو مرحله وحده بس ما توضح أي شيء الا انه فيه لعبة ماريو جديده…و استغرب من اللي زعلوا من البيئه الجديده هذي و واحد خبير اعرفه قال انها تقلد سونك عشان البيئه الحضريه اللي تدور فيها اللعبه… ليش ما احد فكر في ان هذي المرحله الوحيده اللي شافوا هي الشيء اللي اخيرا من خلال الكيوب قدروا يسووه ؟ و ليش ما يفكرون ان الكيوب راح يسمح للمبرمجين بوضع افكار مستحيله سابقا مثل هذي المرحله؟ليش ما يحبون التجديد و التطور؟اتمنى ان كلامي هذا اقنعهم و الان ابغى منكم قراءة افكاري عن اللعبه القادمه برحابه صدر مشكورين:
اول شيء ابغى اتكلم عن الافتراضات اللي جابتها سعة الاسطوانه:كلنا طبعا نعرف ان ماريو القديمه ما كان لها قصه او لها قصه صغيره(سلق بيض) و ما تتخللها احداث كثيره مؤثره على سير القصه و كل هذا بسبب السعه للكارتردج…اما الان مع الاسطوانات يقدرون يحطون قصه معقده او كوميديه او حتى ملحميه 
و احداث قويه من نفس رسوم اللعبه تتبعها مؤثرات مجنونه اخيرا جاء الكيوب و جابها للواقع معه.اما من ناحية الرسوم فحدث و لا حرج العرض كان صافي جدا و التفاصيل كثيره و التحريك ناعم بشكل يصعب على الادراك و توقعوا فيها اشياء ما تتوقعونها!
و طبعا مع الوعود اللي كانت عن ماريو 2 اللي كانت مفترض تظهر على ننتندو64 نقدر نتأكد ان اللعبه الان على الاقل بعيده عن الواقع بشكل راح يطور معه واقعك و خيالك اللي راح تعتبره محدود اذا شفت اللعبه…و اذا صدقت الاشاعه في ان ماريو تلعب لاعبين في وقت واحد فهي راح تكون اطوره ابديه مع انها بدون هذي الميزه راح تكون اسطوره برضه.و اللي يحرمك من ايجاد الافتراضات هو ان الكيوب مثل ما قال احد مبرمجي ستار ورز شيء نادر،حيث قال ان الكيوب يعطيك كل اللي عنده بسهوله و دائما تقدر تضيف باي وقت للعبه.يعني أي شيء يطري على بال مياموتو يضيفه متى ما بغىو حط ببالك خياله الواسع اللي ما ينضب .خاصة بعد ما تأكدنا من زيلدا(حتى لو ما اعجبتكم لازم تعترفون انها جديده و خيالها مستحيل).الجرافيكس انا متأكد انه راح يضيف نقطه جديده لننتندو مثل ما اضافت ماريو 64 سالفه الماء الواقعي.
النقطه اللي بالنسبه لي المفروض تكون اكثر اثاره للجدل هي مسألة الادوات:هذي بالنسبه لي على الاقل تعتبر ثوره(مؤنث ثور)بحد ذاتها.و اللي يأكد وجود الادوات الاداة اللي معلقه على ضهر ماريو الصغير. هذا يفتح عالم كامل للافتراضات و التفوق خاصة اني قريت مره ان مبرمجي ايرث ورم جيم في (في أي اس)قارنوا لعبتهم بماريو لان ماريو ما عنده اسلحه او ادوات!الحين ابن امه اللي يقارن نفسه بماريو.
نقطه اخيره هي انا اتوقع ان اللعبه بتميل للعالم الخيالي اكثر من السابق و لا تغركم المرحله اللي شفتوا.
كتبت هذا الموضوع و اتمنى ينال اعجابكم …خاصة الاخ العزيز انسبكتر . و حبيب البي ykm
و شكرا.
ملاحظه:اللي يدخل يرد و يشارك مهوب مثل الموضوع اللي قبل اكثر من 100 دخلوا و لا رد الا كم واحد..فيهم البركه لكن برضه شاركوا و عطونا رأيكم لانه مهم.
التعديل الأخير تم بواسطة ganon ; 25-08-2001 الساعة 07:20 AM
من زهور الدر:
مشى الى البحر يداعب امواجه و اضواء غريبه ملونه جميله غير مستقيمه تتلوى بلا مصدر حوله ،لكنه التفت اخيرا الى اجمل شيء بهذا العالم السحري،كانت سحابه بيضاء لم يرى بضخامتها شيء،كانت تبدو مزخرفه لكنها تتبدل باستمرار لتصبح اجمل،و بينما هو غارق بدهشته وما كاد يلم بنظره على السحابه كلها حتى بدأت تتوقف و تتغير،اذ ظهرت فجئة على السحابه حشرات ضخمه صغيره قياسا الى السحابه تشبه النمل و ما هي بنمل،تتفاوت الوانها بين السواد و الحمره ،بدأت الحشرات بنهش السحابه بنهم و تشتيتها بسرعه و كانت الحشرات تتكاثر في كل مره يطرف سامي بعينه،بثواني معدوده كانت السحابه غاية بالصغر و مستمره بالتقلص.احس سامي بشيء غريب حوله فلما التفت رأى كل شيء يتغير،و الالوان تنتهي بسرعه ،و لما نظر الى جسده رأى المرض ينتشر به بنفس السرعه و القشور تنمو،احس بالخوف و سمع نفسه يصرخ بكلمه لم يدرك ماذا كانت الا عندما فتح عينيه على عالمه الحقيقي،فتح عينيه و هو مدرك ان الحلم انتهى و انه كان يعني شيء واحد…ان النهايه لم تعد بعيده…
كتبها سعد الذي بحث عن السعادة عبثا فلم يجدها ...
فباع نفسه لحياة الشقاء عن طيب خاطر ....
.
داري أنك ماراح تخلي اللقافه الي عندك وأنك راح تقرأ الكلام الي أنا كاتب .
أنا قصدي بالنصب يعني خوي الفتح ( مثل ما الثورة مؤنث الثور 
.في الحيقة انا جذبتني في اللعبة اشياء كثير من ضمنها الموسيقى الي تجبرك على الفرح ولالوان والزاهية الي تشعرك بانتعاش الصباح (هذا الكلام مايشملك يابو ماوضيع بعد الفجر
