كيف أعدل الإضاءة في الأدفانس؟؟؟

**raayg** · 25-08-2001, 06:13 PM

أمس اشتريت الجيم بوي أدفانس واشتريت معاه شريطين سوبر ماريو أدفانس وراي مان أدفانس من باب التجربة ...
المهم لما شغلت اللعبة وشغلت معها شريط راي مان أدفانس لقيت الصورة غامقة بشكل غير طبيعي حتى إني منب قادر ألعب قلت يمكن العيب في الشريط (لأنه مهب معقول اللعبة توها جديدة متى لحقت تخرب؟؟؟) ...
المهم شغلت سوبر ماريو أدفانس وطلعت لي نفس المشكلة الإضاءة كانت غامقة بشكل غير طبيعي قلت أكيد العيب في الجهاز ... المهم دورت على زر تعديل الإضاءة والتباين لكن للأسف ما لقيته ...
المهم في اليوم التالي رحت للبايع قال لي إن اللعبة مصممة بحيث ما تتعدل إضاءتها و معدل التباين قال لي ممكن تبدل الجهاز بس حتجلس نفس المشكلة...طيب وش الفايدة؟؟؟
والحين وش أسوي بهذه اللعبة معقول أرمي لعبة بـ500 ريال في الزبالة

(وهذا اللي باين حأسويه)
لكن تذكرت إني قبل كذه قريت موضوع عن تعديل الإضاءة في الأدفانس فاللي يعرف الطريقة يا ليت يقول لي وبالله لا تبخلوا علي

مع محبتي,,,
رايـــق

**nintendo** · 25-08-2001, 09:27 PM

الطريقة الي تتكلم عليها اخوي رايق تدمر الجهاز تمام ولا عاد يتصلح بعدها ابنعد عنها انصح جميع من فعلها بشراء جهاز جديد ...

**raayg** · 25-08-2001, 09:43 PM

مشكوووووور أخوي ننتندو على التحذير

لكن لقيت حل ما يحتاج إلا لتعديل زاوية الرؤية ويمكن هذا الحل يعني على سبيل المثال أجهزة الكمبيورت المحمولة تحتوي على شاشة الكريستال السائل ولازم تخلي شاشة الجهاز على مستوى الرؤية (يعني قدامك بالضبط) لأنك لو طالعت من فوق أو تحت حتشوف اللعبة مظلمة زيادة عن اللزوم وهذا السبب لأن اللعبة تعتمد على نفس نظام شاشات الكريستال السائل LCD وإن شاء الله هذا الحل...

بس ليه ننتندو ما وضعت زر التحكم بمعدلات الإضاءة والتباين عشان تسمح للاعب بمرونة أكثر في التعامل مع الجهاز؟؟؟؟

**COLLEGEGUY** · 25-08-2001, 11:43 PM

هالمسمار - فيوز - للشاشه لا تحاول تلعب به
ومشكلة الإضاءه لها حلين :
إضاءه كفايه في المكان اللي بتلعب فيه
أو تشتري اللمبه الخاصه بالأدفانس

**raayg** · 27-08-2001, 02:05 AM

أو تشتري اللمبه الخاصه بالأدفانس

وش هي اللمبة الخاصة بالأدفانس؟؟؟?:

الموضوع: كيف أعدل الإضاءة في الأدفانس؟؟؟

أدوات الموضوع

كيف أعدل الإضاءة في الأدفانس؟؟؟

ضوابط المشاركة