اليوم رحت لموعد الاسنان....
الدكتور امريكي والممرضات فلبينيات....
يعني اللي ما يعرف انجليزي يضيع...
المهم ما اطول عليكم...
اسمعوا السالفة من طقطق الى سلام عليكو...
==================
اليوم: الاحد
الساعة: 11ونص
ام ناف: نوااااااااااااااااااااااااااااااااااف....
انا مع الروعة تعلقت في السقف تقول كاني قطو....
ناف: سمي
ام ناف: موعدك يا الدلخ اليوم...
ناف: يوووووووه...كنت احسبك نسيتي...
ام ناف: ايييييييييييييش...
ناف: لا ابد سلامتك...بس كنت اسأل الموعد متى...
ام ناف: الموعد بعد نص ساعة يا الدبشة....
ناف: يوء....خلاص ما يمديني...خليني انام....
زوووووووووووووووووو...طااااااااااااخ....(هذا صوت الجزمة الكعب حقت امي وهي تتلزق فيني)
ناف: (وعينه مورمة) آآآآآآه.....ليه
ام ناف: انت ما ينفع فيك الا العين الحمرا...يله رح خذ لك دش ريحتك تقوم الميت....بعدين روح للموعد....يله
ناف: ان شا الله ان شا الله.....(الخوف يسوي الهوايل)
طبعا اخذت لي دش وانطلقت مسرعا الى العيادة وانا ادعي ربي اني اوصل لها وهي محترقة....
وصلت....ولقيتها سليمة معافاة....يعني الا بالقوة اروح للموعد...
وادخل عليهم وانا نفسي في خشمي...انتظر احد يكلمني عشان افقع له وجهه....((بس محد كلمني))..
رحت للرسيبشن (الاستعلامات للقراوى)...ولقيت حرمة (هذي عاشر مرة اجي للعيادة...وتوني اكتشف انها حرمة)
الحرمة: اهلا نواف...كيف الحال....((عارفتني من كثر ما اجيهم))
ناف: لا اهلين ولا سهلين....دخلوني على الدكتور بسرعة ابغى اخلص...
الحرمة: (وهي تبتسم على بالها زينة)...ليه مستعجل استريح شوي...
ناف: منيب قاعد...ولو سمحتي لا تبتسمين....تراك شينة....بسرعة دخليني على الدكتور....
جتني الممرضة ودخلتني على الدكتور...
الدكتور: مرهبا نواف كيف الهال إنتا كووييس <=== امريكي وعلى باله يتكلم عربي
انا: كويس...بس دكتور اليوم (آي دونت وانت مشاكل وبنج وألم....او كي)
الدكتور: ok....يله سيت داون...
انا ما امداني اقعد الا والمح بطرف عيني الدكتور يأشر بعيونه للممرضات...بس انا مانتبهت لهم الا متأخر....على طول انقضوا علي وكتفوني....كل ممرضة ماسكة رجل....واشوف الدكتور يطلع ذيك الابرة الحديد اللي طولها 7 متر.....
انا قلت هذا بيذبحني....اهرب احسن لك يا نواف.......
بس المشكلة انهم ماسكيني صح....يعني ما اقدر اتحرك....
الدكتور: مافيه موسكيله (= مشكلة)....ما فيه ألم...
ناف: ههههههه...ضحكتني...اجل المرة الفاتت ما فيه الم....تلعب علي...وبعدين هذي الابرة اللي في يدك....مختلفة عن القديمة...لييييه؟
الدكتور: هأ هأ هأ هأ..(ضحكة غريبة تقول كأنه واحد عنده ربو)
ناف: اقول انت ليش متغير يا دكتور....
والمح ذيك النظرة الغريبة....قلت هذا الدكتور بيذبحني...اكيد بيذبحني..
لكن...لاااااااااااااااااا....روحي غالية....واقوم اعطي الممرضة الاولى رفسة طيرتها من الشباك...
والممرضة الثانية...يوم جيت ارفسها....طلعت تلعب كاراتيه...وبعدت عن الرفسة...
عاد ان مع الخوف تضاعفت قوتي ونشاطي...
وتجي الممرضة بتضربني...لكن انا انزل راسي واسوي فيها سفلكس خلفي...
وما بقى عندي الا الدكتور...(معه الابره)
الدكتور: (وهو يهجم علي)....نيااااااااااااااااا
واستقبله على ركبتي...واضرب يده عشان تطيح منها الابرة...واعطيه ركب وبقوس و...و...و...
نواف....يله قوم...نواااف...((امي الاصلية وهي تقومني))
طلع كل هذا حلم...
ورحت للدكتور.....وخلصت بدون مشاكل....
والحمدالله....
=====================
على فكرة....ترى الموعد صدقي....واليوم خلصت منه....
بس اللي مفرحني انه آخر موعد.....والحمد لله....
.. مع أني بموت ما أقدر أتحمل .. الوجع 
