الابيض يفشل

[علي 18]

تبو الصراحة الابيض الامارتي مايعرف يلعب في بس كم واحد يعرف يلعب والباقية وجدهم نفس عدمهم واولهم هدا الحارس الي ما يعرف يحرس الاهداف الثلاثة من الصين من الحارس والدفاع الحارس يتفرج على الهدف وهو يدخل والله مو حارس وثاني واحد ياسر سالم مايعرف يلعب ابدا اصلا مفروض الابيض ما يتأهل مو عارف فوز على الهند اليمن والمدرب عبدالله صقر التبديلات الي في الشوط الثاني خطأ في خطأ هذا رايي في الابيض وتمنياتي ان يتأهل الصين من المجموعة الثانية

[Uncharted]

هد اعصابك اخوي

شفيك معصب؟؟؟؟

يعني عاجبك السعوديه؟؟

اللي مصعتها ايران؟؟؟

ولو كانت السعوديه تلعب مع الصين مادري كم بتمصعها ؟؟

المهم فريقنا مالعب بمستواه المطلوب لكن تدارك الموقف في الشوط الثاني وان شاء الله يتوفق في المبارات القادمة


ومادريت ان في السعودية ناس امثالك يتمنون كفار يتأهلون على حساب فريق خليجي عربي مسلم؟؟؟

[علي 18]

من قال ان اتمنى ان ناس كفار يتأهلوا انا الصراحة اشجع ايران لان لعبها احسن من السعودية والامارات و البحرين والعراق اما قطر لعبها معدوم ازوبكستان تهزمها 2/1 هادي مرشحة تتأهل المجموعة الثانية الصين بتتأهل لكن عندي ايران افضل منتخب في التصفيات

[ahmad_5]

معليش يا انشارتيد بس هذا العضو ما يمثلنا احنا السعوديين

ومع احترامي له فانه ما يفهم كورة

كيف يقول التغييرات غلط في غلط?:

اصلا التغييرات (وخاصة تغيير زهير بخيت)هي اللي صحت منتخبكم وخلته يفوق من بعض الاخطاء اللي في الشوط الاول

اما بالنسبة للي قال انه يشجع ايران فواضح من كلامه ليش...

لانه..شيـ....

وارجو انكم ما تؤاخذونا بكلامه

[Uncharted]

ahmad_5 : إسمحلي ياخوك والله ماكان ودي ،، والله انك كفو والنعم فيك والسمووحة ياخوك .. بروحي مارضاها على اي منتخب خليجي ودام انه ايراني ويشجع ايران فإن شاء الله تردون لهم الصاع صاعين والله يوفقكم في مبارياتكم الجايه .. واتمنى الفوز لكل المنتخبات الخليجيه في التصفيات ..

ولاشك اذا كان فيه ضعف في الاداء مب معناته اننا ننسف فريق كامل؟؟

كل فريق يمر بفترة قوة وضعف وكل فريق تتغير معنوياته من فتره لاخرى .

ويوم غلبتنا الصين الغلط مب على المدرب الغلط من الدفاع ومن الحارس وعنصر الجمهور والارض ساعدهم والصين فريق قوي فوق هذا كله لكن مب مستحيل مانغلبه ان شاء الله نغلبهم ونتأهل وان شاء الله تغلبون قوم بندر عباس وتتاهلون ..

وان شاء الله نفرح بفوز منتخباتنا بإذن الله ..

واشكرك ياخوي على كل شي

[ahmad_5]

تسلم لي يا انشارتيد

وانشالله نشوف الابيض في كاس العالم

وقسم بالله ما عليك زعل لا من اول ولا من الحين علشان تطلب السموحة

[Uncharted]

الله يطول عمرك الغالي والنعم فيك