كل عمره بالبلاستيشن ويبغى اكس بوكس

[Mr.BM]

أنا جديد في الإكس بوكس ما أعرف عنه شي بس لعبي بالبلاستيشن وأخيرا توفر لي أن اشتري الإكس بوكس فبماذا
تنصحونني هل اشتريه وهل هو افضل من البلاستيشن او نفسه او اسوأ أرجو إعطائي معلومات كامله وشكرا

[GOCO]

اشتره لاتفكر بسررررررعه لايفوتك
1- الرسومات للالعاب افضل بكثيييييييييير من البلاي ستيشن
2- ان الشركه الي مسويته مايكروسفت (يعني لاتفكر تشتري الا الاكس بوكس)
وفيه هارد ديسك 50000 بلوك (ذاكره)

[FARES360]

توه الناس ... just jk

...
بالنسبه للألعاب الزينه عليه .. عندك
halo 1 & 2
JSRF
panzor dragon
shenmue 2
DOA ultmate
FABLE
ODD WORLD
PROJECT GHOTHAM
Tonyhawks U.G
ninja gaiden
blood rayne 2 & 1
وغيرهم .. والباجي انت دورهم في gamespot

هو الجهاز حلو وفيه العاب كوول وبالنسبه لي يعتبر احسن الأجهزه لنه ذوقي مايل لألعاب الأكس أكثر ..

أما بالنسبه للمواصفات .. معروف أنه الأكس افضل في المواصفات في جرافكس وغيرها حتى في اللايف هو الأفضل .. وطبعن ميزته فيه هارد ديسك يعني ماراح تصرف فلوسك على الميموري cards .. خزن لغاية ما تبي .. :shock22: ما يخلص !


بس هذا الي أقدر أقوله ..
أما عن أني انصحك فهذا راجع لك انت ! انت الي تقرر تشتريه ولا لأ .. شوف ذوقك وين مايل بالأول .

[Mr.BM]

بعدها هالكلام مايبيلها تفكيررررررر


شكرا

[NOBUNAGA]

لا تشاور اخوي اشتر الجهاز ماراح تندم

بس ما اقولك انه احسن من بلاي ستيشن 2 كل جهاز وله ميزاته وكل جهاز له العابه

[smigle]

أهلاً فيك أخوي

بصراحة أعتذرلك إذا كان ردي لك متأخر .

عموماً خلني أقول لك شي.....أنا عندي الأجهزة الثلاثة....بصراحة أنا أنصحك أنك تختار جهازك القادم على حسب نوعية الألعاب اللي أنت تحبها...

الأكس بوكس جهاز قوي وراح يوفر عليك أشياء كثيرة......خلني أقول لك.

1- الذاكرة الداخلية (الهاردوير) ضخمة للغاية ما راح تحتاج تشتري بطاقة ذاكرة ولا هم يحزنون, في نفس الوقت تقدر تسمع الأغاني لا وبعد تقدر تخزنها فيه وتسمعها في أي وقت تحب.

2- نظام التشفير مكسور (يعني تقدر تشغل كل الألعابي الكوبي) وتوفر المئآت من الفلوس .

3- الجرافيكس هائلة الروعة.

4- خيار الأكس بوكس لايف اللي من خلالة راح تقدر أنك تلعب عن طريق النت مع العالم كله.

5- ألعاب حصرية ولا أحلى ( هيلو 1 ,2 - نينجا جايدن - شينمو2 - داينو كرايسس 3 - ألعاب السيارات والرياظة و أيظاً بعض الألعاب التي لا أذكرها حالياً)

لكن في نفس الوقت لا تنسى ال جيم كيوب.....


أوكي أوكي, إذا كن من محبين ألعاب المغامرات و الأربيجي والألعاب الجماعيه فكر مرة ثانية.

أولاً خلني أقول لك إذا بتفكر تاخذ الكيوب لازم يكون عنك مبلغ وقدرة من المال الوفير...

الكيوب ما فيه ذاكرة هاردوير ( يعني راح تشتري كرت ذاكرة) وبعد ما راح تسمع أغاني مثل ال بلاي ستسشن والأكس بوكس ( هذا إذا كنت مهتم بالأغاني والموسيقى أصلاً).

2- الكيوب لين الحين مش متوفر علية العاب كوبي ( يعني اللي ب20 راح تاخذه ب200 أو 250).

لكن خلني أكون صريح وياك..... إذا ما كانت فارقه معاك الفلوس وايد, وإذا ما كنت من محبين الأغاني, وإذا كنت من محبين ألعاب المغامرات وخاصةً سلسلة ريزدنت أيفل, وإذا كنت تحب تلعب مع ربعك على جهاز واحد, إلخ.....الكيوب هو الجاز.....

أنا أشتريت الكيوب من حولي ثلاث شهور (بعد ما نزل سعرة) على فكرة عندي الحين 5 العاب عليه و ما حسيت بالفرق في الجرافيكس بينه وبين الأجهزه الثانيه بالعكس يتفوق على البلاي ستيشن 2 ولين اليوم هو الجهاز اللي ما يفارق يدي.

إذا كنت من محبين الألعاب اللي قلتها لك راح تشوف الأساطير في الكيوب مثلاً:
1- سلسلة زيلدا (أوكارينا أوف تايم و الويند ويكر)
2- سلسلة ريزدنت أيفل بكل أجزائها.
3- ميترويد برايم.
4- مجموعة ألعاب ماريو.
5- ميتل جير توين سنيكس.
6- ستار فوكس.
وألعاب أخرى لين اليوم ما جربتها . عموماً اللي ذكرته راح يخليك تلتصق بالتلفزيون.

أتمنى أني ما كنت أطلت أو تأخرت عليك في الرد بس في الأخير مثل ما شفت الميزات في الجهازين عديدة وكل واحد له مميزاته اللي تميزه عن الثاني ولك أنت الخيار.

نصيحتي الأخيرة واللي راح تفيدك وايد هي أنك تدخل موقع جيم سبوت وراح تلقى لائحة بكل الألعاب على الجهازين بالأظافة إلى مقاطع فيديو تشوف كل مميزات الألعاب ومراجعاتهم لكل لعبه (بس لا تاخذ على تقييمهم وايد لأنهم أحياناً يظلمون الألعاب ).

في الأخير أنت الحكم....