خشو كلكم بالذات اللي ناوي يخش جامعه البترول
أقول لايضحكون عليكم ويقولولكم جامعه تمام واحسن جامعه في الشرق الاوسط
اذا جينا من ناحيه الدراسه ما انكر
لكن ان جينا من ناحيه المعيشه فهي زفت xزفت
طبعا هخذي السنه خلوها بقروش (وانا هناك لسه لي طبعا اول سنه والناس يعبوني ويبلفوني البترول احسن البترول افضل....الخ)
المهم رحنا واخذنا رقم واستنينا يوم كامل عشان يجي دورنا 600 طالب ماقدرو يمشوهم في يوم واحد
المهم
جا دورنا واخذن االبطاقه وقالولنا روحو على الاسكان
وصلنا الاسكان قالولنا خلصت العمائر اللي هي درجه اولى ودرجه تانيه
ومابقي الا اللاينات(البيوت الارضيه واقولها بصراحه سكن العمال حق ارامكو)
ياهو ياناس مافي يمين شمال نبغى في العماير
قالو مافي خلصت
المهم قلنا امرنا لله لمن جا دورنا في الاختيار ماصلنا الا لاين بعيد
المهم وصلنا هناك
اول الاستقبال اللمبات ماتشتغل في الغرفه
واللي بعده الغرفه كلها عاشيه على فيش واحد وكمان خربان
والثالث التلفون اللي في اللاين خربان
ناقص كرسي
والمرتبه حجر
والكرسي الموجود مرعبل وحاله امه حاله
جيت ابغا اروح الحمام(الله يكرمكم) المهم كانت كل لاين له مجموعه حمامات دخلت ابي اقفل الباب مايتقفل مو يعني ماله مفتاح مايتقفل تماما يعني يبقى شبر ويعلق بقوه بالراحه مافي فايده
المهم وانا اتمشى في الحمامات (الله يعزكم) شفت شي غرييييييييييب
ولا يليييييييق الا بالكلاب والحيوانات
المروش اللي يتروشوا فيه
ماله باب بس ستاره خفيفه يعني وانت تتروش ممكن الهوا يطير الستاره
ممكن واحد يفكها
واي واحد يقدر يشوف خيالك والنت تتروش خيالك يعني على الستاره
طبعا شكل اللاين من بره مبني بحجار مو مسلح يعني زي ايام الريال الجبس
وانا الان في جده بعد ماشفت الهم هذا كله ماادري ايش اسوي
ارجو الرد بحلول معقوله
لاني خلاص طفشت وفوق كده دافع 1100 ريال عشان القرف هذا
رجعت على جده وانشالله راجع الخميس او الجمعه
وشكرا
ضحكت فقالوا ألا تحتشم ### بكيت فقالوا ألا تبتســـــم
بسمت فقالوا يرائي بهـــا ### عبست فقالوا بدا ما كتم
صمتّ فقالوا كليل اللسان ### نطقت فقالوا كثير الكلـم
حلِمت فقالوا صنيع الجبان ### ولو كان مقتدرًا لانتقــم
بسلت فقالوا لطيشٍ بـــــه ### وما كان مجترئًا لو حكم
يقولون شذّ إذا قلـــــــت لا ### وإمعةً حين وافقتهـــــــم
فأيقنتُ أنّيَ مهمــــــــا أرِدْ ### رضا الناس لا بد من أن أذمّ
