تكفوووووووون واحد يضبط سيارتي الجديدة اللي اشتريتها بمشورتكم.

[desktop_1]

أول شيء باركووووووولي على الموتر الجديد (هوندا أكورد 2005) اللي اشتريته بعد استشارتكم

و أغلب أعضاء المنتدى نصحني بالأكورد بعد ما كنت محتار بينها و بين الماكسيما و الألتيما ..


ثاني شيء أتمنى منكم تعطوني نصائح و تضبيطات عشان أخلي الأكورد فياقرا <<<<< يتحلم

و مواصفات سيارتي :-

1- اللون : أسود

2- المقاعد : قماش

3 اطارات الكفر : طاسات



هل اضع فوق قماش المقاعد تلبيسة جلد بـ300 ريال و إلا أشيل القماش و أضع جلد ؟؟؟

و هل اضع جنوط و أي نوع من الجنوط و هل أخذها جديد و إلا مستعمل ؟؟؟

هل أظللها كتم و إلا زيرو- ون و إيش الدرايش اللي أظللها ؟؟؟

هل أخشب السيارة من الداخل و إيش الأجزاء اللي أخشبها ؟؟؟

هل أركب زينون للمبات الأمامية و هل أقدر أركب لمبات الضباب؟؟؟

أبغى أعرف كم قيمة ( فتحة السقف ) و هل تنصحوني بتركيبها ؟؟؟



ملوظة :- الفلوس اللي معي الخاصة بتضبيط السيارة تصل إلى 4000 ريال



أعرف إني أتعبتكم معي و كثرت عليكم الأسءلة لكن سامحوني

أتمنى منكم الجواب على أسئلتي و إعطائي النصائح لتضبيط السيارة


أرجو منكم الرد في أقرب و قت

و شكرا

[skillman]

مرحبا اخوي desktop_1

اول شي اباركلك على الموتر الجديد

انا من جهتي انصحك فيما يلي(في حدود 4000 )

1_ تركب جنوط حلوه مستعمل يمكن النوع الزين مع الكفر 2000 (شكل مرغوب)وما تكون مخدشة

2_انوار زنون مع التركيب 900

3_تلبيسة جلد لونين رمادي(اسود)+ابيض 300

4_فيابر حلوة مع التركيب 500

5_جناح300 دراق او عايدي

والف مبروك على السيارة

[snake_911]

نصيحة .. إذا لون سيارتك أسود .. بدال ما تخشب الطبلون خله نيكل

شوف النيكل مع الأسود طالع كيف

[اسدالسيارات]

مبروووووووووووووووووووووووك
مبروووووووووووووووووووووك
مبرووووووووووووووووووووك

السيارة الله يعطيك خيرها ويكفيك شرها

لاكن يا (حيه) snake ما تطلع الصوره

[المملكه]

مبرووووووووووووووووووووك عليك السياره اخوي

وانا معي مثلها والسياره ماشاء الله مره حلوه واهنيك انك اخذت اكورد

وانا ابقولك كيف تعديلي والفرق بين سيارتي وسيارتك ان سيارتي موديل 2004 لونها كحلي و فيها فتحه بس

اول شئ ركب جنوط من الغرابي تلقاه بالف ريال مع كفراتها مثل حقت الاربعه سلندر فل مقاس 16 سبعه انش

ثاني شئ خشب من عند العليان كل السياره با 400 ريال والتخشيبه مره حلوه وتغير شكل السياره من الداخل وتخليها مره حلوووه

ثالث شئ لبس جلد من عند الاسماعيل ولا تفك القماش لبس فوقه

رابع شئ اصبغ اللي تحت البلاستك اللي برا عندك اسود

خامس شئ ركب زينون لانه مع الاسود تطلع مو فياقرا راح تطلع بي ام هههههههه

واخر شئ اقولك الله يعطيك خيره ويكفيك شرها ان شاء الله

[شـرشـر]

هلا اخوي desktop_1
والف الف مبروك على الموتر والله يعطيك خيره ويكفيك شره
واذا تبيه تعدله
1 القماش براحتك اذا تبيه مشدود لازم تفك قماش المقاعد واذا تبيه عادي مو مشدود خله فوقه واحلى نوعيه الماني
ولا يعطيك اللي كم يوم وهو محروق من الشمس حاول تاخذ عليه ضمان
2 جنوط خذ مقاس 17 او 18 اذا تبيها ملفته للنظر وخذها على شكل نجمه وخذها مستعمل بس تاكد من نظافتها وتلقاها على حدود2000
3التظليل الايام ذي ممنوع
4 التخشيبه خذها كامله بس حاول تاخذها زي حقة الكامري الفل كامل علشان يعطي منظر للسياره
5الزينون حلو على اللون الاسود ويطلع منظر
6 اطرح لفه بسيطه من قدامه بس انتبه لا تنزلها على يايات بلدها خذلك يايات تجاريه
7 فتحت السقف تكل يمكن 3000 او 4000 والافضل تروح الوكاله لان عند الثانين مايزبطونها لك
8 وانشاء الله تطلع السياره روعه بس لو معاك اكثر راح تخليها احلى
وتقبل خالص تحياتي اخوك
شرشر