نويت أشتري Pocket PC وش نصيحتكم وأي نوع آخذ؟

[alajmi]

السلام عليكم

شباب أنا ضعت كل واحد يمدح له نوع ناس تقول imate ناس تقول HP الله يرحم والديكم وين الزين ولي مافيه مشاكل تراني ميح بالهاسوالف. ويا ليت تقولون لي مواصفات كل جهاز بكل أمانه علشان ما أضيع. وعلى فكرة ولد عمي عنده imate الجديد بس انه غشيم فيه ويقولي من اعيوبه انه اذا شال البطارية يتفرمت الجهاز يعني كل البرامج اتروح ؟!


ومشكورين مقدما.

[auronxxx]

يا هلا ومرحب بك

اولا
الhp محد ياخذه من المبتدئين خاصة في الوطن العربي (عقب إذا صرت فاهم في البوكت بي سي بتعرف إذا كان يستاهل ولا لا )
وبعدين هو مب جهاز واحد نزل من هذي الشركة اجهزة كثيرة ومتنزعة (واغلبها إذا مب كلها بدون جوال)

يعني على سبيل المثال انا افكر لي بواحد من hp (موديل خاص) لمواصفاته اللي باستفيد منها بشكل كبير ويمكن كثير من المبتدئين يشوفون انه بدون فايدة ( لانه بدون جوال ) لكنني باكون عارف تماما وش اللي اسويه وايش الجهاز اللي باشتريه وايش السبب الرئيسي اللي يخليني ادفع فلوسي عليه ^^

ثانيا
الاي ميت بتلاقيه في يد كل عربي عنده بوكت بي سي (شوف شكثر ماخذينه)<==بدون مبالغة

وبما انك مبتدى فانا انصحك بالاي ميت جام إذا توفر فهو الافضل (هذا الجهاز صغير في الحجم وركز على الحجم الخفيف لانه بيفيدك وفيه كل اللي تبيه كمستخدم بوكت بي سي)وسعره بحدود 2500

او بالاي ميت العادي (بدون كي بورد)لين الحين ممتاز في المواصفات وفي السعر تقريبا مناسب2500

وولد عمك انا اقول لك قصته
هو شاف بوكت بي سي عند واحد او نصحوه انه ياخذ بوكت بي سي وذكروا له المواصفات الخارقة

المهم قال لهم وش الافضل قالوا له الاي ميت الجديد طبعا pda2k اللي ب3500 ريال (وهنيه الرجال قال لازم اشتريه وما اشتري غيره لانه الافضل )<==لكنه في الحقيقة لا الافضل ولا شيء كلام بس^^
وراح واشتراه على مشورة ناس يمكن ما يكونون اصحاب خبرة في البوكت بي سي

لكنه شراه بدون ما يفكر هو في المواصفات ولا السعر وهل بيستفيد من المواصفات بالشكل المطلوب ولا لا (على الاقل شغل خبرتك في الكمبيوتر شوي وشوف الفرق بينه وبين اللي قبله )

يعني لا يقول لك واحد اشتر الاي ميت الجديد pda2k ابو كي بورد تراه احسن وتمام (اساله وش اللي فيه احسن من اللي قبله)
بيقول لك في الشكل الخارجي (المظهر) والكي بورد!!!!!!!
وإذا قال لك اسرع قول له انت كذاب
وترى مب كل جديد زين


وفي شغلة مهمة
ممكن تقول لي وش السبب اللي يخليك تشتري البوكت بي سي؟
لازم تجاوب على هذا السؤال قبل ما تاخذه
ولازم جوابك ما يكون لانه احسن جوال بالسوق (إذا كانت السالفة على الجوال فانا اقول لك انه اخس جوال في السوق وكثير جوالات في الاتصال والاستقبال والبطارية احسن منه خاصة جوالات نوكيا القديمة 6210 )<== طبعا مب لهذي الدرجة ^^
هذا كمبيوتر وليس جوال (لكنه مدمج معاه جوال)
يعني ما تاخذه باظعاف سعر الجوال العادي إلا وانت فعلا تحتاج كمبيوتر (وإذا كنت محتاج جوال عندك جوالات النوكيا تستقبل وتتصل وترسل مسجات و حتى انه تشغل فديوات وارخص بكثير)

ياريت لو تجاوبني على السؤال قبل ما تاخذه^^ <==وبالمرة تسال ولد عمك ايش الدافع القوي والسبب الكبير (او الاسباب)اللي خلتك تاخذه

واي سؤال عندك لا تتردد

[auronxxx]

ونسيت اقول لك
نزل جهاز hp63xx (استبدل الx برقمين )<==يعني اكثر من موديل
وهو في سرعة المعالج 200 (ميزة وعيب)
الميزة انه ما يصرف بطارية
والعيب انه يمكن يكون بطيء (الاي ميت 400 سرعة المعالج)

وإذا شفت انك مكتفي بميزاته وان سعره مناسب وارخص من الاي ميت خذه

وعلى فكرة
كل بوكت بي سي إذا خلصت بطاريته (او شلتها مدة )يتفرمت
يعني مب بس الاي ميت الجديد
(وهي متعلقة بنظام التشغيل الخاص بالبوكت بي سي حيث انه يتحمل في الرام والبرامج نفس الشيء تتحمل في الرام)

[عاشق@بافاري]

أخوووووووووووووي auronxxx
انا برد بدال الاخو
انا افكر جيدا با الاي ميت
الشيخ جابر الله يحفظه عطى كل كويتي 200 دينار يعني 2500 ريال و انا عندي بالبنك 75 دينار يعني تقريبا 1000 ريال يطلع عندي 275 دينار يعني 3500 بقالي منهم 2900 ريال 299 دينار

فقاعد أدور بوكيت بي IMATE
تدري ليش بشتريه
1- صراحة مليت من نوكيا لأنها اكبر شركة نصابة
2- أنا ابي اي ميت جام
3-كاميرته 1.3 عجيبة
4- اقدر ادش انترنت بكل سهووولة
5- يشغل ملفات 3gp مثل النوكيا غير widows media player
6- شكله غريب و كوووول
7- فيه برامج مثل النوكيا و العاب يعني راح تظل المتعة مثل النوكيا
8- في بلوتوث و اي ار
9- سعره غالي بس يستاهل مو 6630 نفس سعر الجام بس المواصفات كلش ما اتساوا فرق السما عن الارض
10- أخيرا في له منتدى خاص اقدر استشير اي واحد و اخذ برامج على كيفي مجانا 0 اكيد اهومنتداكم الرائع 0


صراحة هذا الجهاز اللي كنت اتمناه
فيديو
ميموري
كاميرا قوية
انترنت
شكل حلو و اصغير
شاشة عملاقة
محاكي العاب
WORD
EXEL
ALL POCKET
و منتدى رائع
انا امعزم يوم الأرباعء انشاء الله 12/1/2005

[Phantom x]

بالنسب لي الـ Hp عندي فله برامج والالعاب وكل الي تفكر فيه

[ring]

السلام عليكم
ذي مجموعة جبتها من احد المواقع وارجو انها تساعدك



وذي مقارنة

[auronxxx]

عاشق
مثل ما قلت بالضبط ^^

فانتوم x
شوف المقارنة
هو الhp اولا يعتمد على النوع (اي نوع عندك؟)
وإذا كنت تقصد hp63xx
هو فله برامج والالعاب وكل الي تفكر فيه (ما اختلفنا)
لكن في شيء على المواصفات القياسية والاختبارات والتجارب (الhp معالجه 200 )

وعلى فكرة اكثر من واحد قال لي انه زين وما فيه بطى وماشي تمام يعني بالنسبة لاي مستخدم عادي ما تفرق معاه كثير (لكن المستخدم المتخصص يحتاج اكثر)^^

[عاشق@بافاري]

أخوووووووووي auronxx
بالنسبة للصورة اللي فيها مقارنة
الاي ميت جام سعرة 175 مو معقولة انا بشترية 225 تكفي قولي من وين المحل

[ring]

انا جبت ذي المقارنه من احد المواقع مثل ماني موضحة ..لكن لما دورت عن السعر لقيت انه مثل ماتقول والسعر الموجود في المقارنه الموجود في اسواق اوروبا

لكن بما ان ودك تشتري الجام انصحك تدخل هنا في كلام كثيييييير بالصور والردور http://www.ce4arab.com/vb7/showthrea...threadid=23729

[alajmi]

السلام عليكم

الأخوان
auronxxx

عاشق@بافاري

Phantom x

ring

شكرا على مساعدتكم لي