|| دورات الخــليـج تـخــلق الكــراهية بين ابـنـائـهـا..||

[Homoud]

السلام عليكم
يا أهل الخليج اصحوا ........... يا أهل الخليج أصحوا
ترى دورات الخليج لعبت في عقولكم كل يوم السعودي يستهزئ بالكويتي والبحريني يقول العماني ظلمني والكويتي يشكك بقومية القطري والقطري يظلم الأماراتي ووووووو
لي متى عاد ؟؟؟؟؟؟؟؟
اصحوا يا أهل الخليج........... أصحوا يا أهل الخليج
والله اني شاركت في لعبة من اللعبات الجماعية وشفت بعيني شنو يصير بالفندق او بحجز الصالات للتمرين او بكثير من الأمور ان الدولة المضيفة دايم تحاول ان تستفز الدول الثانيه وأنا ما راح اذكر اسامي الدول وكنا نتضايق بس كنا نقول احنا اهل ويمكن كانت هذي غلطة لكن هالأخطاء ما كنا نشوفها بالدورات الأسيويه.
اصحوا يا أهل الخليج........... أصحوا يا أهل الخليج
اصحوا وشوفوا نفسكم بالمنتديات كل واحد يهزئ الثاني وكله علشان كرة والله وبالله انه عيب
يعني اذا الأوروبيين يسوون هذي الشغله ترى عادي لأن ما عندهم اسلام لكن احنا والحمد لله مسلمين يعين اذا اخطأ الواحد لازم نتلمس له العذر ونسامحه وما نسيئ الظن فيه ما نقعد ونحقد على بعض علشان اسباب تافهه واذا اي واحد غلط من حكم أو اذا كان لاعب ما نعم على الشعب كله على العموم انتوا كبار وفهمتوا الرسالة اللي ابي أوصلها ولحد يقول اهما اللي بدوا .
الأسلام علمنه مبدأ التسامح وان المسامح كريم و و و
فأرجوا يا أخوان منكم بعد كل مباراة ان ان الواحد يقول للفايز ( جود لك ) وللخاسر (هاردلك ) وبدون استفزازات واستهزاء ودايمن نتحلى بالروح والأخلاق الرياضيه.
اصحوا يا أهل الخليج........... أصحوا يا أهل الخليج

واذا ما صحيتوا ترى الشيطان ما مات الشيطان اصحى من الجميع

منقول

[The Captive]

كلامك عين العقل أخوي حمود ، لكن مين يسمع

[Homoud]

كلامك عين العقل أخوي حمود ، لكن مين يسمع

الله كريم
ياخي المفروض أن هالدورة تزيد المحبة بين اهل الخليج لكن الواضح عكس هالامر تماما

مشكور اخوي رحال ^^

[:: Snake ::]

لا اخوي اعارضك..

كل هذي البلبله تنتهي بعد البطوله...
والحماس خلالها شي طبيعي ولا مالها طعم...

[Bo-Ja$$im]

كلامك جميييل جدا .,..

بس اهو حلاوة البطوولة والمنافسة والتعصب

بس مو بزيادة

وشكرا لك يا حموود

[Homoud]

!Snake 4 ever و Bo-Ja$$im

يا اخواني التعصب لفريق عادي وهذا شئ طبيعي لكن اللي حاصل ألحين أنه الامور وصلت للتجريح والبغضاء
أتمنى أنك فهمت قصدي


ســــلام ..

[sam cool]

ويالتيه هالتعصب في أمور تستاهل

[Angry Odin]

فعلاً اخوي كلامك في محله . البطولة تنشر البغضاء بين ابناء الخليج . بعد كل مباراة اخذ لفة على المنتديات واشوف اغلب الردود استفزازية وتثير الحقد بين الخليجين . ومو بس الردود , حتى بعض الاعضاء صار يتعمد يحط توقيع استفزازي .

[Grandia]

هذا طبيعة كرة القدم يكفي الانديه اللي في دوله تسوي اهول من دورة الخليج يعني ابناء دوله واحده ويصير اللي ذكرته

[the freedom]

شكرا لك موضوع جميل

وبالنسبة للأخوان على ما ؟أعتقد ان كل المنتخبات راح تفوز لان الفوز بالتجمع وليس بالكأس

أما التعصب فاي بطولة لها حماسها وتعصبها بس مو مثل اللي يصير الحين

يعني يوصل للكره

بالنهاية كلنا اخوان واحباب نزعل ونرضى واخوتنا كل يوم تزيد لا تنقصها كؤوس ولا مباريات ولا غيره من الكلام الفاضي

[Rivaldooo 11]

ياما نادينا قبل البطولة بس مين يسمع

[Bo-Ja$$im]

ياما نادينا قبل البطولة بس مين يسمع

خلاص مرة ثانية لاتقوولون البطولة غير معترف فيها علشان لانسوي حزازيات واحنا نعصب بعدين نرد عليكم ليش هالرد الاستفزازي

خلاص معترف فيها ولا مو معترف بنظل اخوان وحبايب
والبطولة معترف فيها من خليجي 15 على حسب ماذكرت الصحافة اليوم

[DE NILSON]

مدام البطولة معترف بها من خليجي 15

يعني السعود ية زعيمة الخليج بطولتين والبقية زيييييييرو

[Bo-Ja$$im]

مدام البطولة معترف بها من خليجي 15

يعني السعود ية زعيمة الخليج بطولتين والبقية زيييييييرو

ههههههههههه حلوة

[Homoud]

مشكورين على ردودكم وبالتوفيق لكافة الفرق ^^