الناس من حولي بسجات ومزوح
............................تمضي الليالي ما يعدوا عددها
قالوا تزور وقلت لاجي ولا اروح
...........................ماغير اكافح دمعتي بمحجرها
حالي تردت ياعرب صرت مطروح
...........................والروح فيني اليوم زادت عللها
لاني كسير ولابها اطرافي جروح
............................المشكله حالي تزايد خطرها
امي تصيح وتدخل البيت وتروح
........................بنتي تموت وما عرفنا مرضها
بنتي تقيد وجسمها يرسل الفوح
.........................زود الحرارة وش يطفي لهبها
رحت الطبيب وسجل الكشف باللوح
..........................قال الحرارة ماتزايد عددها
جملة تحاليل واشاعة بلا صلوح
..........................جسمٍ سليم والعلل ماعرفها
كفكف يمينه وابتسم لازم تروح
...........................هذا طبيب القلب يعرف مرضها
رحت لطبيب القلب وخوفي بدا يلوح
.............................ودقات قلبي زودت في عددها
زود علي الاسئلة يطلب البوح
...........................وش سبة اوجاعك وشنهو المها
دكتور انا برجوك عن قلبي تروح
..........................لاتقترب للروح وتكشف خبرها
وقتك ثمين وقلبي آلام وجروح
............................مهما تطور طبكم ماعرفها
مايعرف الخافي سواء خالق الروح
.............................هو الوحيد الي يكشف تعبها
قام يتعذر .افتهم قبل ما ابوح
..............................بعض العلل مالازم انا نعرفها
زاد العنا واصبحت بعيوني اشوح
.............................ماودي تلمح دمعتي بمحجرها
ياميمتي لا لاتزيدي من النوح
............................بنتك ترى علاتها من بعضها
يمكن مع الايام آلامي تروح
............................وترجع لي البسمة واعيش بسعدهامنقول
المشاركة الأصلية كتبت بواسطة أبوجمـــال
