مساكم الله بالخير انا سويت شئ اليوم هو غلط بس وش اسوي ماأدري ايش اللي صار فيني القصة هي إن اليوم الصبح أبوي قالي ياسلطان وصلني الدوام ووصل أخوانك عشان السيارة خربت أمس بالليل المهم أنا أخذت سيارة أخوي الميستوبيشي وأخوي مو مهتم فيها الزبده إن الاشارات يمين ويسار والفلشر كلة خربان يعني الفيوووز انحرق وأنا اوصل ابوي وكان يسمع أغنية را شد الماجد وخاش جوووو ويقول عاشوا حطيت اخواني واخر شئ ابوي (وقالي ارجع البيت وقبل لا اطلع من الدوام بدق عليك عشان تيجي تاخذني) ...
وطلعت مني زلة لسان وقلتلة سواق عند أهلك ههههههههه من صدق وقالي ياقليل الادب ياللي ماتستحي وأنا احط الاول وأنحاش قلت ماني فاضي للشاكوش (يعني أبوي) والله وكنت في خريص والطريق السريع زحمة وقلت خليني أروح مع الربوه لاني ساكن في............ بيتنا اشغل شريط البرتقالة ورافع الصوت مسوي معاي كامري هعهعهعهعهعهع المهم وكنت عند مستشفى قوات الامن اللي بالملز عرفتوها والقى واحد معاه سيارة ما ادري كيف جاي السيارة هو (كامري كرسيدا بكس) بسيارة وحده ما دري كيف لا وفيها سلم حق سباك في التنده وأضحك علية أقولة سلمات وأمشي عاد القصة من هنا ............
وأوصل عند الامن العام اللي بالغرابي ما تذكرون أني قلت الإشارات خربانة وأنا في الشارع ما سك الوسط وبلف يسار شفت الاشارة صفره قلت خلني الحقها وألف يسار الا ويجيني راعي لموزين طاير معه كامري 2003 ويصدمني على الجنب من اليسار اوقف عند الرصيف والباكستاني وقف في التقاطع والباكستاني ينزل ما أدري إيش صارلي الفروض ماأنحاش الا وأحط الاول وأنحاش وألف يمين عند لوازم السيارات والكفرات وأدزها واشوف راعي الكامري يكبسلي من ورى عاد بيننا سيارات وما ادري ايش اللي نحشني أخش من حارة لين حارة وأهبل فية عشان ماأبغاه يسجل اللوحة....
وشوي ضيعتة وأستانس أقول بوديها الصناعية وأصلحها وشوي يطلعلي راعي الكامري من قدام وأنا احط النحشة وأنا في حارة ماشي 100 (تصدقون إني مخفى) 
وشوي تعرفون عاد الامن العام يطلعون السيارات يتبادون وأشوف راعي لومينا على اليمين يبغى يفطر طلب كبده ويشوفني داعس ويقول ياراعي الميستوبيشي وقف على جنب
وأقوله سلام وأفخت منة...
أطلع الشارع العام وأمشي وأشوفة من المراية مولع السفتي وأقول ياويلي عز الله قفطوني وأقول ياشيخ والله امعصي يمسكوني لاني سويييييييييييق يكفي السوابق اللي عندي وأرجعلة الغرابي لان أي واحد يلحقك لازم تحوس فية من حارة لين حاره يعني هبل في أمه!
وألف ذا الفة أقول الحمد لله ما صدمت هذا الشايب إذا صدمتة ومات يوووووووووو عز الله رقبتي عند الحكومة أودية عاد الشايب منتهي لو دقيت بوري بطيح على الأرض .
والدورية يبلغ من عنده وتجيني دورية ثانية بوجهي وأخش الحارة وسيارة زباله الله يكرمكم في وجهي وأدق بوري وهو الحمد لله بيتحرك وأساقط علية المهم أروح حي العود هو الحل( أي واحد يطاردك روح حي العود أو الشميسي وترتاح) واروح وادخل ذاك الحارة ياليتني ما دخلت شلت مراية حق واحد معة جيب لان الحي ضيييييق واقول يالله ياسلطان امش بس الين ماضيعتهم وارجع الملز الى والقى نفس الشرطي بحارتنا وارجع (ري وس) والقى البحث وراي خلاص يعني ما في أمل أنحاش وين بروح ويمسكوني في حارتنا.
والله شينة وقدام الهندي راعي البقالة يضحك علي هههههههههه الله لا يوفقه عاد متسلف من صاحب البقالة 520 ريال وكل يوم يقولي اقلة بكرة يعني الهندي ضحك الين ما قال بس يعني حلل الفلوس اللي متسلفها...
الشرطييين كفخوني تكفيييخ :shock22: كف وإهانة يعني رحت فيها 
ويفتشون السيارة ويلقون كيس فيها بودرة 
هو الكيس حق دونات والبودره هو السكر...... الا ويحطوني في القسم واول ما حطوني في السجن القىعبد كبير يقولي ابعد من مكاني وأنا ما ني فاضي لة واقولة فارق الا والتفت ويجيني ذا البكس 
.........
من قوة البكس صحاني من النووووووووووم 
......لسى ماخلصت! كملوا القصة؟
الى والقى ابوي بوجهي ويقولي ما شاء الله تتكلم وتقول سواق عند أهلك ها...
والقى الهندي عندنا لا وقاعد في سريري قهر أمي ويقول صح كلام بابا...
والقى الشرطي هو وكبدتة في مكتب الكمبيوتر حقي وفاتح على المنتدى ويقرى أيش كتبت وأقوم لة وأقول وش جاب اهلك عندنا عاااااااااااااد أنا مسخن :vereymad: وأعطية سبلكس (ويطلع خالي مو الشرطي) ويقوم ويعطيني بالحزام حقة واطلع من البيت وأبوي يقول أنا متبري منك وأمي تقول لالالالالالالالا مسكين وليدي حرام عليك وأطلع من البيت وأنا ما عندي من يأويني في ليل قارص بالبرووووووووووده !!!
:vereymad: :vereymad: :vereymad:
ههههههههههه وش رايكم بالأرنب الجائع يعرف يفقش صح وإنتواااااااااااا مساكين مصدقين الله يستر عليكم وش رايكم بالقصة حلوه عطوني رايكم وسلامتكم :
صارت لي اليوم؟؟؟
