أبي نصيحتكم ورأيكم

[لوعةالفرقا]

شباب أنا أفكر أني أبيع i-mate PDA2k وأشتري i-mate JAM

فياليت تقوليلي أفضل أسوي كذا أو أترك i-mate PDA2k معي

يعني وش مميزات الـ JAM عن الـ PDA2k

وهل في الـ JAM نفس مشكلة البلوتوث في الـ PDA2k


وتحياتي لكم
وأرجو مساعتكم في أقرب وقت

[auronxxx]

شلون تبيعينه بعد ما شريتيه ؟
هو الاي ميت جام خيار ممتاز للي ما عندهم بوكت لكن اللي عندهم ما يحتاج انهم ياخذونه (اللي عندك كافي وزود)

إلا في حالة ان الحجم كبير وازعجك (وما اشوف انه كبير لهذي الدرجة لكن يمكن يكون البوكت بي سي الصغير اسهل في الحمل والنقل وافضل)

والاي ميت جام نزل في نفس الوقت اللي نزل فيه هذا الجهاز (لكن اختلف وقت نشره في الاسواق)
يعني تقريبا نفس الميزات

وفي هذي الحالة إذا بنقول الفرق الرئيسي بينهم بينهم
الفرق في الحجم والشاشة (حجم الجام صغير وشاشته صغيرة)
والاي ميت pda2k فيه واي فاي وكي بورد وازرار تسهل العمل

يعني إذا بيكون هناك سبب يخليك تغيرينه هو الحجم (وانا ما انصح انك تغيرينه إذا مرتاحة معاه لان ما نقدر نقول ان الاي ميت جام افضل منه )

[لوعةالفرقا]

مشكووووووووور على ردك الحلو أخوي

وبصراحه انا نزلت المرسلات اليوم

قبل لا أكمل السالفه ترى انا عندي الصبر مفقووووووود كل يوم أقول ياحظ إللي عندهم صبر

المهم نزلت المرسلات <<<<< أهل الرياض يعرفونها (السعودية)

وبصراح سمت جهازي طبعاً جهازي كامل بكل أغراضة

سمت جهازي وفي محل قالي بيبدلي مع أي ميت جام وأزود 300 ريال

بصراحه انا غرني السعر وعلى فكرة الجام جديد بقراطيسه مو مستعمل

وكان عندي ورده في السيارة قعدت أنتفها وأقول أبدل أو ما أبدل أبدل أو ماأبدل <<<<<لاتصدقون ^_^


وفي النهاية قررت أبدل للأسباب التاليه

1- ان الجام أصغر بوكيت بي سي نزل حتى الآن وبصراحه حجمه عجبني كثير

2- التصوير حقه أوضح

3- البلوتوث يرسل بدون مشاكل <<<<< كان هذا شرطي قبل لا أبدل ^_^

4- البطارية تدوم أكثر

5- صوت الأسبيكر والنغمة أعلى

6- ماأعرف أحد أشتراه وجربه عشان أستفسر منه قلت خليني أنا أجربه خخخخخخخ

7- كمان يمديك تخصص نغمة وصورة للمتصل أما الـpda2k لايمكن تخصيص سوى صورة

وبصراحة الـ pda2k كان حجمة مو عاجبني بس تقبلته لأن كان كل البوكيت بي سي أحجامها كبيرة

وصح أن الكيبورد كان شئ جديد وجميل في الـ pda2k بس أنا ماكنت أستخدمة لذيك الدرجة

ومشكووووووووور على ردك والله مقدر تعاونك معي

ولو شفت أي تغيير أو أختلاف سوائناً كان سلبي أو إيجابي سأقوم بإخباركم

وأي شئ تبوني أشوفه لكم على الجهاز لا يردكم إلا لسانكم



وتحياتي العطرة لكم

ومشكور مرة ثانيه لتعاونك وردك

[auronxxx]

زين انك اخذتيه (انا اقول البنات ما يحبون الجوالات الكبار ^^)

لكن كان المفروض هو اللي يزيد 300 (لكن طبعا لازم يقول هذا جديد وهذا قديم ويخسف بالسعر وحركات اصحاب المحلات واحنا مجبورين)

والبطارية فعلا تدوم اكثر على ما سمعت (زين انك اكدتي )
والصوت اعلى
ويمكن تخصيص نغمة وصورة لان اصدار برنامج caller id احدث

لكن الشاشة الصغيرة مريحة ولا وسط ولا ؟ (يعني مزعجة شوي ولا عادي كل شيء ماشي)
وهل تفضلينه (الحين بعد ما اخذتيه ) على الpda2k؟

[لوعةالفرقا]

نسيت أقولك أخوي تراني ولد

لكن الشاشة الصغيرة مريحة ولا وسط ولا ؟ (يعني مزعجة شوي ولا عادي كل شيء ماشي)

والله حتى الآن مريحتني الشاشة الصغير

وحتى أنهم مكبرين الكيبورد الأنجليزي (شوف الصورة رقم 1 في المرفقات)

وعند الضغط على المفتاح (123) يجي شكل كيبورد آخر للأرقام والرموز (شوف الصورة رقم 2 في المرفقات)

والكيبورد العربي نفسة بس حتى ما أحس اني متضايق منه

وهل تفضله (الحين بعد ما اخذته ) على الpda2k؟

والله حتى الآن أفضلة على pda2k بس مو لدرجة كبيرة

ولقيت عيب ليس بكبير في الجام وهو أن الذاكرة الداخليه 64 ميجابايت

لكن انا أستخدم كارد ذاكرة حجمة كبير عشان كذا مومحتاج مرة لذاكرة الجهاز

وأحب أزيد عشان يكون عندك معلومة عن الجام أن مفتاح السماعه الحمراء يعمل نفس عمل مفتاح الـ أوكي في البي دي أيه تو كيه



وتحياتي لك

وأي أستفسار اخوي لايردك إلا لسانك

[auronxxx]

جيد ^^

والذاكرة الصغيرة ما تاثر كثير إذا
كل البرامج اللي عندك والملفات والفديوات خليتها في الممري الخارجي علشان يبقى لك جزء كبير من الذاكرة (الرام) فاضي
لان اصلا الذاكرة لا يستخدمها بشكل كبير(يعني بالكثير 25 ميجا إذا مع الانترنت والجافا او الالعاب الثقيلة)
وانت ما تحتاج تحط شيء في الذاكرة الداخلية يعني خل كل شيء على الذاكرة الخارجية(إلا بعض الاشياء الصغيرة اللي ما تاثر)